3/7/2021
Today from Hiiraan Online:  _
Wararka Maanta- Isniin, Jan 13, 2014
Khilaafyo Siyaasadeed oo Caqabad weyn ku haya Dowladda Somalia



Isniin, Janaayo 13, 2014 (HOL) — Ra'iisul wasaaraha Soomaaliya, C/weli Sheekh Axmed Maxamed ayaa u muuqda inuu diyaar u yahay inuu magacaabo golihiiisa wasiirrada cusub ee xukuumaddiisa, iyadoo aqoonyahanka siyaasadda dalka falanqeeya ayaa ka digaya in murannada siyaasadeed ee jira ay dib u dhac ku keenaan dhismaha xukuumadda.

C/weli Sheekh Ahmed ayaa xafiiska loo magacaabay 12-kii December ee lasoo dhaafay kaddib markii cod kalsooni lagala laabtay ra’iisul wasaarihii isaga ka horeeyay Cabdi Faarax Shirdoon (Saacid) labadii bishii December ee sannadkii hore 2013.

"Xil ka-qaadista ra’iisul wasaarihii hore ayaa loo sababeeyay inuu wax-qabad la’aan," ayuu IRIN u sheegay agaasimaha xarunta ka faaloota siyaasadda oo fadhigeedu yahay Muqdisho. Isagoo intaa ku daray: "Dadka Soomaaliyeed waxay dowladdan rasmi ah ka filayeen inay ka fogaato isku dhacyadii lagu bartay dowladihii ka horreeyay, ayna ka shaqeyso dib u dhiska dalka iyo ammaanka, balse weli kala aragti duwanaan ayaa muuqata.”

Sida laga soo xigtay warbixin uu soo saartay machadka Heritage oo xarun ku leh Muqdisho ayaa lagu sheegay in isbedelka maamulka Soomaaliya uu ahaa mid looga fadhiyay inay ka gudubaan is-qabqabsi keeni kara in burbur uu ku yimaado dowladda.


Ra’iisul wasaarihii hore ayaa shaqo ka tigistiisa waxay ku timid muran soo dhexgalay isaga iyo madaxweynaha Soomaaliya, Xasan Sheekh Maxamuud taasoo ku saabsanayd is-bedelka lagu sameynayo xukuumadda oo 10-wasiir ka koobnayd, balse taasi waxay keentay in kasloonida loo diiday Saacid.

"Tan iyo sannadkii 2000; ficil ahaan madaxweynaha la doorto iyo ra’iisul wasaaraha uu soo magacaabo waxaa dhexmari jirtay caqabado la mid ah kuwan. Taasina waxay Soomaaliya ka lumisay waqti muhiim ah, waxaana murannadu si xun u dhaawaceen hay'adaha dowladda,” ayaa laga soo xigtay Afyare Cabdi Cilmi oo bare ka ah jaamacad ku taalla Qatar iyo safiirkii hore ee Soomaaliya u fadhiyay dalka Mareykanka, Abuukar Armaan.

Labadan aqoonyahan waxay sheegeen in 13-kii sano ee lasoo dhaafay ay Soomaaliya yeelatay afar madaxweyne iyo 10 wasiir ra'iisul wasaare oo ay soo dhexgaleen khilaafyo natiijadoodu noqotay inay kala tagaan.

Arrinta khilaafyada murjisa ayaa waxaa ka mid ah in madaxweynuhu uu awood u leeyahay inuu magacaabo ra’iisul wasaaraha, balse uusan awood u lahayn inuu shaqada ka joojiyo. Madaxweynaha ayaa waxaa loo xil-saaray fulinta siyaasadaha dalka oo dhan.

"Madaxweyne ayaa loo arkaa inuu ku dhaqaaqo waajibaad ka baxsan kii uu u qoondeeyay dastuurka KMG-ka ah ee dalka," ayaa lagu yiri warbixin uu soo saartay Machadka Heritage.

Ra'iisul wasaaraha cusub ee Soomaaliya ayaa isagoo baarlamaanka la hadlayay markii kal-soonida la siinayay yiri: "Waxaan fahamsanahay howsha i hortaalla waxaana sameyn doonaa la-tashiyo badan si aan u soo dhiso gole wasiirro oo tayo leh, waxaana iga go'an inaan ka shaqeeyo dhismaha ciidanka xoogga dalka, horumarinta sharciga, maamul wanaagga, adeegyada dadweynaha iyo in dalka doorasho ka dhacdo sannadka 2016-ka."

Ugu dambeyn, machadka Heritage ayaa warbixin kooban oo uu soo saaray ku sheegay inay adag tahay in si dhaqso badan lagu qiimeeyo kartida ra'iisul wasaaraha cusub ee Soomaaliya, C/weli Sheekh, laakiin weli ay taagan tahay dhibaatadii sababtay inay dhacdo xukuumaddii hore.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/13/2014 3:15 PM EST
Isniin, Janaayo 13, 2014 (HOL) —Weeraryahanka kooxda Real Madrida iyo xulka dalka Portugal, Cristiano Ronaldo ayaa markii labaad ku guulaysatay billada laacibka ugu wanaagsan adduunka ,isaga oo la tartamayay xidigaha kala Messi oo Barcelona u ciyaara iyo xidigga kooxda Bayern Munich Frank Ribery.

1/13/2014 1:02 PM EST
Isniin, Janaayo 13, 2014 (HOL) — Taliska ciidanka xoogga Soomaaliya ayaa ciidamadii ugu horreysay ee gudaha lagu tababbaro maanta qalabeeyay, iyadoo saraakiisha ciidamadu ay kula dardaarmeen ciidamadaas inay ka qeyb qaatan howlgallada amniga lagu soo celinayo iyo dagaallada lagula jiro Al-shabaab.

1/13/2014 10:31 AM EST
Isniin, Janaayo 13, 2014 (HOL) — Xarunta ururka horumarinta haweenka Soomaaliyeed ee (SWDC) waxaa maanta shir Jaraaid ku qabtay qaar ka mid ah haweenkii lagu marti-qaaday doorashadii Puntland ka dhacday sideedii bishan ee uu kusoo baxay ra’iisul wasaarihii hore ee Soomaaliya, Cabdiweli Maxamed Cali Gaas, kuwaasoo maanta dib ugu laabtay Muqdisho.

1/13/2014 8:21 AM EST
Isniin, Janaayo 13, 2014 (HOL) — Guddoomiyaha maamulka gobolka Hiiraan, Cabdi Faarax Laqanayo oo ay wehliyaan odayaal dhaqameed iyo saraakiisha ciidamada maamulka dowladda iyo kuwa Jabuuti ee howlgalka midowgga Africa AMISOM ayaa socdaal qaatay mudo sadex cisho ah waxaa ay ku tagay deegaannada Kabxaley iyo Deefoow oo dhowr jeer oo hore ay ku dagaallameen maleeshiyo beelleed.

1/13/2014 8:12 AM EST
Isniin, Janaayo 13, 2014 (HOL) — Xarunta Baarlmaanka Puntland oo ku taalla magaalada Garoowe, waxaa maanta ka dhacday munaasabad ay kula kala wareegayeen xilalka guddoomiyaha cusub ee baarlmaanka Puntland, Siciid Xasan Shire iyo guddoomiyihii hore, C/rashiid Maxamed Xirsi.

1/13/2014 6:15 AM EST
Isniin, Janaayo 13, 2014 (HOL) — Waxa caawa magaalda Zurich ee dalka Switzerland lagu qaban doonaa xafladda abaalmarinta xiddiga sanadka adddunka ee loo yaqaan Ballon d’Or ,taasi oo la qabto sanad walba, iyadoo ay ka soo qayb-gali doonaan madaxda FIFA iyo waliba halyeeyo horey u soo maray kubadda cagta adduunka.

1/13/2014 5:59 AM EST
Isniin, Janaayo 13, 2014 (HOL) — Dowladda Kenya ayaa joojisay safarrada basaska xilliyada habeenkii ah, taasoo ay dadweynaha safra iyo madaxda shirkadaha basasku uga hadleen siyaabo kala duwan.

1/13/2014 5:32 AM EST
Isniin, Janaayo 13, 2014 (HOL) — Kaddib munaasabad ka dhacday hoteelka Maka Al-mukarama ee magaalada Muqdisho shalay oo Axad ahayd ayaa lagu soo bandhigay warbaahinno hor leh oo ku biiray ururka Somali independent Media Houses association (SIMHA) iyo welibaha qorshaha uu ururkani hig-sanayo.

1/13/2014 5:10 AM EST
Isniin, Janaayo 13, 2014 (HOL) — Barnaamijkan indhofiiqista ah oo ay iska kaashadaeen isbitalka Jaamacadda Kismaayo, Jimciyadda Towfiiq iyo isbitalka Al-nuur ee magaalada Muqdisho ayaa indhaha loogu fiiqay in ka badan 5000 oo qof kuwaasoo ay aragtidu ka maqnayd.

1/13/2014 1:38 AM EST
Isniin, Janaayo 13, 2014 (HOL) — Soomaalida qubo-joogta ah ayaa qaar ka mid ah waxay si aad ah isugu taxluujiyaan inay wax-taraan dalkii iyo dadkii ay kasoo tageen; iyagoo qaarad walba oo ay ku sugan yihiin ka sameeyay hay’ado samafal oo ay dadkooda wax ku taraan.

1/13/2014 1:35 AM EST
Isniin, Janaayo 13, 2014 (HOL) — Kaddib markii ay dhawaan soo baxeen warar sheegaya in hub lagala baxay madaxtooyada magaaloyinka Garoowe iyo Boosaaso ayaa arrintan waxaa waxba kama jiraan ku tilmaamay sii hayaha xilka wasiirka amniga Puntland, Khaliif Ciise Mudane.