3/7/2021
Today from Hiiraan Online:  _
Wararka Maanta- Isniin, Jan 13, 2014
Haween ka Qaybgalay Doorashadii Puntland oo Shir jaraa’id Qabtay



Isniin, Janaayo 13, 2014 (HOL) — Xarunta ururka horumarinta haweenka Soomaaliyeed ee (SWDC) waxaa maanta shir Jaraaid ku qabtay qaar ka mid ah haweenkii lagu marti-qaaday doorashadii Puntland ka dhacday sideedii bishan ee uu kusoo baxay ra’iisul wasaarihii hore ee Soomaaliya, Cabdiweli Maxamed Cali Gaas, kuwaasoo maanta dib ugu laabtay Muqdisho.

Haweenka oo martiqaad ka helay ururka haweenka Talo-wadaag oo ka jira Puntland ayaa waxaa hoggaaminayey Xaliimo Ismaaciil (Xaliimo Yareey), waxayna sheegeen inay booqdeen magaalooyinka Gaalkacayo iyo Garoowe oo ay kaga qayb-galeen doorashadii Pundland.

Muna Xasan Cumar oo ahayd gabadhii afhayeenka u ahayd haweenkan oo ka hadashay shirka jaraa’id ayaa sheegtay inay la kulmeen waxgaradka, siyaasiyiin iyo haweenka ayna isla soo qaadeen sidii loo hormarin lahaa haweenka Soomaaliyeedm isla markaana qayb looga siin lahaa hoggaanka dalka.

Xubnihii kale ee halkaa ka hadley waxaa ka mid  ahaa Sahro Axmed oo ka mid ahayd tiro haween ah oo lagu casuumay si ay goob-joog uga noqdaan doorashada, iyadoo sheegtay in madaxdii ay la kulmeen isla meel dhigeen in la raadiyo xuquuqda haweenka meel kasta oo ay joogaan

Shirka jaraaid waxaa kaloo ka hadashay Xaliimo Yareey oo sheegtay inay la Kulmeen haweenka ururka Talo-wadaag, guddoomiyaha baarlamaanka Pundland, ergeyga gaarka ee Qaramada Midopobey, danjire Nicholas Key iyo madaxweynaha cusub ee Pundland, Cabdiweli Gaas oo ay dhaamaantood isla soo qaadeen xaaladda ay ku sugan yihiin haweenka, caruurta iyo sidoo kale dhallinyarada Soomaaliyeed, iyadoo xustay inay is-tuseen inay siyaasadda ku dulman yihiin; waxayna ka codsadeen sidii xubnahaas ay xuquuqdooda u heli lahaayeen.

Sidoo kale, Xaliimo Yareey waxay ka dalbatay madaxda sare ee dowladda federaalka Soomaaliya inay ka fogaadaan wax kasta oo keeni kara khilaaf , waxayna si gaar ah ula hadashay xildhibaannada baarlamaanka oo ay ka codsatay inay joojiyaan mooshinada soo lab-laabtay oo ay ku bedelaan wax horumarinaya dadka iyo dalka.

Haweenkan ayaa ammaanay qaabkii ay u dhacday doorashadii Puntland, iyagoo xusay inay ahayd mid u dhacday si cad oo hufan, waxayna u mahadceliyeen dhammaan madaxdii hore ee Puntland iyo kuwa kusoo baxay doorashadii madaxnimo ee ka dhacday Garoowe.





Maxamed X. Xuseen, Hiiraan Online
[email protected]
Muqdisho, Soomaaliya













Click here
1/13/2014 3:15 PM EST
Isniin, Janaayo 13, 2014 (HOL) —Weeraryahanka kooxda Real Madrida iyo xulka dalka Portugal, Cristiano Ronaldo ayaa markii labaad ku guulaysatay billada laacibka ugu wanaagsan adduunka ,isaga oo la tartamayay xidigaha kala Messi oo Barcelona u ciyaara iyo xidigga kooxda Bayern Munich Frank Ribery.

1/13/2014 1:02 PM EST
Isniin, Janaayo 13, 2014 (HOL) — Taliska ciidanka xoogga Soomaaliya ayaa ciidamadii ugu horreysay ee gudaha lagu tababbaro maanta qalabeeyay, iyadoo saraakiisha ciidamadu ay kula dardaarmeen ciidamadaas inay ka qeyb qaatan howlgallada amniga lagu soo celinayo iyo dagaallada lagula jiro Al-shabaab.

1/13/2014 11:22 AM EST
Isniin, Janaayo 13, 2014 (HOL) — Ra'iisul wasaaraha Soomaaliya, C/weli Sheekh Axmed Maxamed ayaa u muuqda inuu diyaar u yahay inuu magacaabo golihiiisa wasiirrada cusub ee xukuumaddiisa, iyadoo aqoonyahanka siyaasadda dalka falanqeeya ayaa ka digaya in murannada siyaasadeed ee jira ay dib u dhac ku keenaan dhismaha xukuumadda.

1/13/2014 8:21 AM EST
Isniin, Janaayo 13, 2014 (HOL) — Guddoomiyaha maamulka gobolka Hiiraan, Cabdi Faarax Laqanayo oo ay wehliyaan odayaal dhaqameed iyo saraakiisha ciidamada maamulka dowladda iyo kuwa Jabuuti ee howlgalka midowgga Africa AMISOM ayaa socdaal qaatay mudo sadex cisho ah waxaa ay ku tagay deegaannada Kabxaley iyo Deefoow oo dhowr jeer oo hore ay ku dagaallameen maleeshiyo beelleed.

1/13/2014 8:12 AM EST
Isniin, Janaayo 13, 2014 (HOL) — Xarunta Baarlmaanka Puntland oo ku taalla magaalada Garoowe, waxaa maanta ka dhacday munaasabad ay kula kala wareegayeen xilalka guddoomiyaha cusub ee baarlmaanka Puntland, Siciid Xasan Shire iyo guddoomiyihii hore, C/rashiid Maxamed Xirsi.

1/13/2014 6:15 AM EST
Isniin, Janaayo 13, 2014 (HOL) — Waxa caawa magaalda Zurich ee dalka Switzerland lagu qaban doonaa xafladda abaalmarinta xiddiga sanadka adddunka ee loo yaqaan Ballon d’Or ,taasi oo la qabto sanad walba, iyadoo ay ka soo qayb-gali doonaan madaxda FIFA iyo waliba halyeeyo horey u soo maray kubadda cagta adduunka.

1/13/2014 5:59 AM EST
Isniin, Janaayo 13, 2014 (HOL) — Dowladda Kenya ayaa joojisay safarrada basaska xilliyada habeenkii ah, taasoo ay dadweynaha safra iyo madaxda shirkadaha basasku uga hadleen siyaabo kala duwan.

1/13/2014 5:32 AM EST
Isniin, Janaayo 13, 2014 (HOL) — Kaddib munaasabad ka dhacday hoteelka Maka Al-mukarama ee magaalada Muqdisho shalay oo Axad ahayd ayaa lagu soo bandhigay warbaahinno hor leh oo ku biiray ururka Somali independent Media Houses association (SIMHA) iyo welibaha qorshaha uu ururkani hig-sanayo.

1/13/2014 5:10 AM EST
Isniin, Janaayo 13, 2014 (HOL) — Barnaamijkan indhofiiqista ah oo ay iska kaashadaeen isbitalka Jaamacadda Kismaayo, Jimciyadda Towfiiq iyo isbitalka Al-nuur ee magaalada Muqdisho ayaa indhaha loogu fiiqay in ka badan 5000 oo qof kuwaasoo ay aragtidu ka maqnayd.

1/13/2014 1:38 AM EST
Isniin, Janaayo 13, 2014 (HOL) — Soomaalida qubo-joogta ah ayaa qaar ka mid ah waxay si aad ah isugu taxluujiyaan inay wax-taraan dalkii iyo dadkii ay kasoo tageen; iyagoo qaarad walba oo ay ku sugan yihiin ka sameeyay hay’ado samafal oo ay dadkooda wax ku taraan.

1/13/2014 1:35 AM EST
Isniin, Janaayo 13, 2014 (HOL) — Kaddib markii ay dhawaan soo baxeen warar sheegaya in hub lagala baxay madaxtooyada magaaloyinka Garoowe iyo Boosaaso ayaa arrintan waxaa waxba kama jiraan ku tilmaamay sii hayaha xilka wasiirka amniga Puntland, Khaliif Ciise Mudane.