3/7/2021
Today from Hiiraan Online:  _
Wararka Maanta- Isniin, Jan 13, 2014
Guddooomiyaha Wakiillada Puntland oo xilka la wareegay (SAWIRRO)



Isniin, Janaayo 13, 2014 (HOL) — Xarunta Baarlmaanka Puntland oo ku taalla magaalada Garoowe, waxaa maanta ka dhacday munaasabad ay kula kala wareegayeen xilalka guddoomiyaha cusub ee baarlmaanka Puntland, Siciid Xasan Shire iyo guddoomiyihii hore, C/rashiid Maxamed Xirsi.

Munaasabadda xil wareejinta waxaa ka qaybgalay madaxweynaha cusub ee Puntland, C/wali Maxamed Cali Gaas iyo ku-xigeenkiisa, waxaana goobjoog ka ahaa Isimmo iyo xildhibaannada baarlmaanka cusub ee Puntland.

Dahfurkii munaasabadda waxaa hadal ka jeediyey guddoomiyihii hore ee baarlmaanka Puntland, C/rashiid Maxamed Xirsi oo isagoo sheegay inuu aad ugu farxasan yahay in uu xilka ku wareejiyo guddoomiyaha cusub, isagoo ku wareejiyay guddoomiyaha cusub faylkii ay ku qoran tahay xil wareejinta, hay'adihii iyo shaqaalaha baarlmaanka ayuuna u mahad-celiyay.

“Waxaan aad iyo aad ugu mahad-celinayaa dhamaan xildhibaannadi iyo xubnihii baarlmaanka ee ila shaqeeyay, sidoo kale waxaan iyagana uga mahadcelinayaa halkan shaqaalihi golaha wakiilada, waana ku faraxsanahay inaan xilkaan ku wareejiyo maanta guddoomiyaha cusub soo-dhawoow ayaan leeyahay," ayuu yiri C/rashiid Xirsi.

Sidoo kale, guddoomiyaha cusub ee baalamaanka Puntland, Siciid Xasan Shire ayaa isna dhankiisa hadalka qaatay, isagoo ammaanay baarlamaankii hore ee Puntland oo uu ku sheegay inay soo qabteen shaqo wanagsan, waxuuna tilmaamay inay mari doonan jidkii haray ay baarlmaanka u jeexeen, wixii ay ka tageen oo u baahan in la dhameystiro ay dhameystiri doonaan, isagoo ka codsaday guddoomiyihii hore inuu howsha hortaalla kala shaqeeyo maadaama uu hawshan muddo kusoo jiray wax badanna la socdo.

"Sida wanaagsan ee uu xilka ugu wareejiyay guddoomiyaha cusub waan uga mahad-celinaya, waxaana dalbanayaa inaad nala shaqeysid, waxaana sidoo kale u mahad-celinaya baarlmaankii hore oo iyagu wax badan qabtay," ayuu yiri guddoomiyaha cusub ee baarlmaanka Puntland Siciid Xassan Shire.

Islaan Ciise Islaam Maxamed Islaan Muuse oo ku hadlay afka isimadii kasoo qaybgalay munaasabadda ayaa sheegay in dhankooda ay ku faxsan yihiin sida wanaagsan ee ay xilalka isugu wareejiyeen guddoomiyaasha ayna la shaqeyn doonan.

Ugu danbeyn, waxaa isna khudbad uu dhinacyo badan ku tabtay madasha ka jeediyey madaxweynaha cusub ee Puntalnd, C/wali Maxamed Cali Gaas, isagoo shaqo wanaagsan iyo hufan u rajeeyay baarlamaanka cusub isla markaana tilmaamay inay dhamaantood sugayso howl badan oo u baahan in la iska kaashado.

"Waxaan u mahad-celinayaa guddoonkii hore ee baarlmaanka Puntland sida aad idinkuba sheegteen shaqada ay qabteen oo lugu xasuusan doonno, waxaana rajeynayaa baarlmaanka cusub inuu la imaan doonno shaqo aad u waaagsan," ayuu yiri madaxweynaha.

Madaxweynaha Puntland C/weli Gaas, waxaa kaloo uu soo hadal qaaday in isaga iyo guddoonka cusub ee baarlmaanka ay dhex-mari doonto wada-shaqeyn wanagsan si looga miro-dhaliyo horumarka uu doonayo in Puntland ay gaarto, isagoona inta racshay in dowladdiisu ay golaha baarlamaanka u madax-baneyn doonto shaqadooda si ay u guraan waajibaadkooda. Isagoo ballan-qaaday inuu rajeynayo in xaquuqdooda ay heli doonaan si walba oo ay noqotaba.

Maalmaha soo socda ayuu madaxwayne cusub ee Puntland si rasmiya xilka ugala wareegi doonaa xilka madaxwaynihii hore ee Puntland, C/raxmaan Faroole.




Iimaan Maxamed, Hiiraan Online
[email protected]
Gaalkacyo, Soomaaliya













Click here
1/13/2014 3:15 PM EST
Isniin, Janaayo 13, 2014 (HOL) —Weeraryahanka kooxda Real Madrida iyo xulka dalka Portugal, Cristiano Ronaldo ayaa markii labaad ku guulaysatay billada laacibka ugu wanaagsan adduunka ,isaga oo la tartamayay xidigaha kala Messi oo Barcelona u ciyaara iyo xidigga kooxda Bayern Munich Frank Ribery.

1/13/2014 1:02 PM EST
Isniin, Janaayo 13, 2014 (HOL) — Taliska ciidanka xoogga Soomaaliya ayaa ciidamadii ugu horreysay ee gudaha lagu tababbaro maanta qalabeeyay, iyadoo saraakiisha ciidamadu ay kula dardaarmeen ciidamadaas inay ka qeyb qaatan howlgallada amniga lagu soo celinayo iyo dagaallada lagula jiro Al-shabaab.

1/13/2014 11:22 AM EST
Isniin, Janaayo 13, 2014 (HOL) — Ra'iisul wasaaraha Soomaaliya, C/weli Sheekh Axmed Maxamed ayaa u muuqda inuu diyaar u yahay inuu magacaabo golihiiisa wasiirrada cusub ee xukuumaddiisa, iyadoo aqoonyahanka siyaasadda dalka falanqeeya ayaa ka digaya in murannada siyaasadeed ee jira ay dib u dhac ku keenaan dhismaha xukuumadda.

1/13/2014 10:31 AM EST
Isniin, Janaayo 13, 2014 (HOL) — Xarunta ururka horumarinta haweenka Soomaaliyeed ee (SWDC) waxaa maanta shir Jaraaid ku qabtay qaar ka mid ah haweenkii lagu marti-qaaday doorashadii Puntland ka dhacday sideedii bishan ee uu kusoo baxay ra’iisul wasaarihii hore ee Soomaaliya, Cabdiweli Maxamed Cali Gaas, kuwaasoo maanta dib ugu laabtay Muqdisho.

1/13/2014 8:21 AM EST
Isniin, Janaayo 13, 2014 (HOL) — Guddoomiyaha maamulka gobolka Hiiraan, Cabdi Faarax Laqanayo oo ay wehliyaan odayaal dhaqameed iyo saraakiisha ciidamada maamulka dowladda iyo kuwa Jabuuti ee howlgalka midowgga Africa AMISOM ayaa socdaal qaatay mudo sadex cisho ah waxaa ay ku tagay deegaannada Kabxaley iyo Deefoow oo dhowr jeer oo hore ay ku dagaallameen maleeshiyo beelleed.

1/13/2014 6:15 AM EST
Isniin, Janaayo 13, 2014 (HOL) — Waxa caawa magaalda Zurich ee dalka Switzerland lagu qaban doonaa xafladda abaalmarinta xiddiga sanadka adddunka ee loo yaqaan Ballon d’Or ,taasi oo la qabto sanad walba, iyadoo ay ka soo qayb-gali doonaan madaxda FIFA iyo waliba halyeeyo horey u soo maray kubadda cagta adduunka.

1/13/2014 5:59 AM EST
Isniin, Janaayo 13, 2014 (HOL) — Dowladda Kenya ayaa joojisay safarrada basaska xilliyada habeenkii ah, taasoo ay dadweynaha safra iyo madaxda shirkadaha basasku uga hadleen siyaabo kala duwan.

1/13/2014 5:32 AM EST
Isniin, Janaayo 13, 2014 (HOL) — Kaddib munaasabad ka dhacday hoteelka Maka Al-mukarama ee magaalada Muqdisho shalay oo Axad ahayd ayaa lagu soo bandhigay warbaahinno hor leh oo ku biiray ururka Somali independent Media Houses association (SIMHA) iyo welibaha qorshaha uu ururkani hig-sanayo.

1/13/2014 5:10 AM EST
Isniin, Janaayo 13, 2014 (HOL) — Barnaamijkan indhofiiqista ah oo ay iska kaashadaeen isbitalka Jaamacadda Kismaayo, Jimciyadda Towfiiq iyo isbitalka Al-nuur ee magaalada Muqdisho ayaa indhaha loogu fiiqay in ka badan 5000 oo qof kuwaasoo ay aragtidu ka maqnayd.

1/13/2014 1:38 AM EST
Isniin, Janaayo 13, 2014 (HOL) — Soomaalida qubo-joogta ah ayaa qaar ka mid ah waxay si aad ah isugu taxluujiyaan inay wax-taraan dalkii iyo dadkii ay kasoo tageen; iyagoo qaarad walba oo ay ku sugan yihiin ka sameeyay hay’ado samafal oo ay dadkooda wax ku taraan.

1/13/2014 1:35 AM EST
Isniin, Janaayo 13, 2014 (HOL) — Kaddib markii ay dhawaan soo baxeen warar sheegaya in hub lagala baxay madaxtooyada magaaloyinka Garoowe iyo Boosaaso ayaa arrintan waxaa waxba kama jiraan ku tilmaamay sii hayaha xilka wasiirka amniga Puntland, Khaliif Ciise Mudane.