3/7/2021
Today from Hiiraan Online:  _
Wararka Maanta- Isniin, Jan 13, 2014
Dowladda Kenya oo joojisay safaradda basaska xilliyada habeenkii ah



Isniin, Janaayo 13, 2014 (HOL) — Dowladda Kenya ayaa joojisay safarrada basaska xilliyada habeenkii ah, taasoo ay dadweynaha safra iyo madaxda shirkadaha basasku uga hadleen siyaabo kala duwan.

Shirkadaha basaska ee dalka Kenya ayaa arrintan ka horyimid iyadoo u gudbiyay maxkamadda sare ee Kenya dacwad arrintan ka dhan ah, taasoo ay maxkamaddu ogolaatay in laga doodo.

Tallaabadan ayay dowladdu Kenya ku tilmaantay inay tahay mid ay kaga hor-tagayso shilalka oo la sheegay in sannad walba ay 3,000 oo qof oo ay ku dhintaan shilalka gaadiidka ee la dhaca dalka Kenya.

Go’aanka dowladda ayaa saameyn xooggan ku yeeshay ganacsiga iyo isku socodka dadka, waxaana soo dhaweeyay arrintan dadweynaha qaarkood, halka kuwo kalena ay si aad ah ug soo horjeesteen.

“Waa arrin aan kasoo horjeedo; waayo tusaale ahaan aniga Nairobi ayaan ka shaqeystaan, waxaan toddobaadka dhammadkiis aadaa gobollada Waqooyi-bari ee Kenya si aan ehelladayda ula soo qaato fasaxa, balse tani caqabad weyn ayay ku noqonaysaa aniga iyo inta ila midka ah,” ayuu yiri Cali Cabdi Xasan oo u warramayay BBC-da.

Sidoo kale, Yoonis Yuusuf oo ka mid ah shacabka Kenya ayaa sheegay inay arrintan tahay mid lagu cunnoqabateynayo shacabka, wuxuuna codsday in arrintan laga laabto. Iyadoo rakaabka basaska qaarkood ay sheegeen inay habeen u kala dhaxaan Nairobi iyo Gaarisa oo ay xilli yar u socon jireen.

Dhallinyarada ka shaqeysta gaadiidka qaarkood ayaa sheegay inuu saameyn ku yeeshay go’aankan, iyagoo sheegay in qaarkood ay shaqooyinkoodii ku waayeen, halka kuwo kalena ay sheegeen inay dhaqaalihii shaqooyinkooda kasoo geli jiray uu hoos u dhacay.

Gaadiidka isaga goosha gobollada Kenya iyo magaalada Nairobi ee xarunta dalka Kenya ayaa bixi jiray galabtii iyo fiidadkii, waxaase tani ay caqabad ku noqotay shaqadooda, iyadoo wadayaasha gaadiidka qaarkood ay shegeen in tani ay tahay mid fursad u siinaysa inay nastaan.

Dawawal Kenyan ah oo la hadlya BBC-da ayaa sheegay inuu go’aankan soo dhaweynayo, maadaama uu hoos u dhigayo shilalkii gaadiidka, sidoo kalena uu fursad u siinayo inay nastaan, wuxuuna dalbaday in waqtiga loo kordhiyo si ay uga kaaftoomaan inay xawaare badan ku wadaan gaadiidka si aysan u dhicin qorraxda iyagoo aan gaarin magaaladii ay ku socdeen.

Milkiilaha shirkadda Basaska ee Muxin oo lagu magacaabo Cabduxayi ayaa sheegay in go’ankan lagu joojiyay safarrada habeenkii ah ay hoos u dhac ku keentay howlaha basaska.

“Tusaale ahaan gaadiidka habeenkii baxa iyo kuwa maalintii shaqeeya waxaa badan kuwa habeenkii shaqeeya. Tusaale kale haddii aan soo qaato marka la gaaro 2:00 duhurnimo ee maalintii ma jiro gaari baxaya, waxaana tani ay hor-istaagtay shaqooyinka basas badan oo habeenkii shaqeyn jiray, iyadoo tani ay keentay inaan dhaqaale badan wayno,” ayuu yiri Cabduxayi.

Ugu dambeyn, C/xayi ayaa sheegay in dhinaca ay dowladdu eegtay ee ah in ay ku yareysi shilalka aysan tani ahayn mid shilalka yareynaysa uu dalban lahaa in dib loo eego go’aankan.

Shirkadaha iska leh basaska ayaa sugay go’aanka ay maxkamadda sare ee Kenya ka gaarto arrintan, iyadoo loolal adag uu u dhexeeyo xilliga dowladda iyo shirkadaha iska leh basaska ka shaqeeya Kenya.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/13/2014 3:15 PM EST
Isniin, Janaayo 13, 2014 (HOL) —Weeraryahanka kooxda Real Madrida iyo xulka dalka Portugal, Cristiano Ronaldo ayaa markii labaad ku guulaysatay billada laacibka ugu wanaagsan adduunka ,isaga oo la tartamayay xidigaha kala Messi oo Barcelona u ciyaara iyo xidigga kooxda Bayern Munich Frank Ribery.

1/13/2014 1:02 PM EST
Isniin, Janaayo 13, 2014 (HOL) — Taliska ciidanka xoogga Soomaaliya ayaa ciidamadii ugu horreysay ee gudaha lagu tababbaro maanta qalabeeyay, iyadoo saraakiisha ciidamadu ay kula dardaarmeen ciidamadaas inay ka qeyb qaatan howlgallada amniga lagu soo celinayo iyo dagaallada lagula jiro Al-shabaab.

1/13/2014 11:22 AM EST
Isniin, Janaayo 13, 2014 (HOL) — Ra'iisul wasaaraha Soomaaliya, C/weli Sheekh Axmed Maxamed ayaa u muuqda inuu diyaar u yahay inuu magacaabo golihiiisa wasiirrada cusub ee xukuumaddiisa, iyadoo aqoonyahanka siyaasadda dalka falanqeeya ayaa ka digaya in murannada siyaasadeed ee jira ay dib u dhac ku keenaan dhismaha xukuumadda.

1/13/2014 10:31 AM EST
Isniin, Janaayo 13, 2014 (HOL) — Xarunta ururka horumarinta haweenka Soomaaliyeed ee (SWDC) waxaa maanta shir Jaraaid ku qabtay qaar ka mid ah haweenkii lagu marti-qaaday doorashadii Puntland ka dhacday sideedii bishan ee uu kusoo baxay ra’iisul wasaarihii hore ee Soomaaliya, Cabdiweli Maxamed Cali Gaas, kuwaasoo maanta dib ugu laabtay Muqdisho.

1/13/2014 8:21 AM EST
Isniin, Janaayo 13, 2014 (HOL) — Guddoomiyaha maamulka gobolka Hiiraan, Cabdi Faarax Laqanayo oo ay wehliyaan odayaal dhaqameed iyo saraakiisha ciidamada maamulka dowladda iyo kuwa Jabuuti ee howlgalka midowgga Africa AMISOM ayaa socdaal qaatay mudo sadex cisho ah waxaa ay ku tagay deegaannada Kabxaley iyo Deefoow oo dhowr jeer oo hore ay ku dagaallameen maleeshiyo beelleed.

1/13/2014 8:12 AM EST
Isniin, Janaayo 13, 2014 (HOL) — Xarunta Baarlmaanka Puntland oo ku taalla magaalada Garoowe, waxaa maanta ka dhacday munaasabad ay kula kala wareegayeen xilalka guddoomiyaha cusub ee baarlmaanka Puntland, Siciid Xasan Shire iyo guddoomiyihii hore, C/rashiid Maxamed Xirsi.

1/13/2014 6:15 AM EST
Isniin, Janaayo 13, 2014 (HOL) — Waxa caawa magaalda Zurich ee dalka Switzerland lagu qaban doonaa xafladda abaalmarinta xiddiga sanadka adddunka ee loo yaqaan Ballon d’Or ,taasi oo la qabto sanad walba, iyadoo ay ka soo qayb-gali doonaan madaxda FIFA iyo waliba halyeeyo horey u soo maray kubadda cagta adduunka.

1/13/2014 5:32 AM EST
Isniin, Janaayo 13, 2014 (HOL) — Kaddib munaasabad ka dhacday hoteelka Maka Al-mukarama ee magaalada Muqdisho shalay oo Axad ahayd ayaa lagu soo bandhigay warbaahinno hor leh oo ku biiray ururka Somali independent Media Houses association (SIMHA) iyo welibaha qorshaha uu ururkani hig-sanayo.

1/13/2014 5:10 AM EST
Isniin, Janaayo 13, 2014 (HOL) — Barnaamijkan indhofiiqista ah oo ay iska kaashadaeen isbitalka Jaamacadda Kismaayo, Jimciyadda Towfiiq iyo isbitalka Al-nuur ee magaalada Muqdisho ayaa indhaha loogu fiiqay in ka badan 5000 oo qof kuwaasoo ay aragtidu ka maqnayd.

1/13/2014 1:38 AM EST
Isniin, Janaayo 13, 2014 (HOL) — Soomaalida qubo-joogta ah ayaa qaar ka mid ah waxay si aad ah isugu taxluujiyaan inay wax-taraan dalkii iyo dadkii ay kasoo tageen; iyagoo qaarad walba oo ay ku sugan yihiin ka sameeyay hay’ado samafal oo ay dadkooda wax ku taraan.

1/13/2014 1:35 AM EST
Isniin, Janaayo 13, 2014 (HOL) — Kaddib markii ay dhawaan soo baxeen warar sheegaya in hub lagala baxay madaxtooyada magaaloyinka Garoowe iyo Boosaaso ayaa arrintan waxaa waxba kama jiraan ku tilmaamay sii hayaha xilka wasiirka amniga Puntland, Khaliif Ciise Mudane.