4/13/2021
Today from Hiiraan Online:  _
Wararka Maanta- Jimco, Feb 7 , 2014
AMISOM oo sheegtay inay weerartay Saldhig ay lahayd Al-shabaab


Jimce, Feberaayo 07, 2014 (HOL) — AMISOM ayaa sheegtay in ciidamooda iyo kuwa dowladda Sooamaliya ee ku sugan gobolka Jubbada Hoose ay weerareen saldhig ay Al-shabaab ku lahayd deegaanka Xagar oo 50-km waqooyi ka xigta degmada Afmadow.

Warsaxaafadeed ay AMISOM soo saartay ayaa waxay sheegtay in weerarku uu dhacay 11:00 ee shalay oo Khamiis ahayd ay ku dileen toddoba ka mid ah xoogagga Al-shabaab, ayna ku qabsadeen gaadiid ciidan iyo qalab isgaarsiinta loo isitmcalo .

Ergayga Midowga Afrika ee arrimaha Soomaaliya, danjire Maxamed Saalax Anaadiif ayaa warsaxaafadeedka ku sheegay in howlgalkan uu ka mid yahay qorshayaasha lagu doonayo in Al-shabaab looga saaro deegaannada ay gacanta ku hayso.

“AMISOM  waxay sii wadi doontaa howlgallada ka dhanka ah cadowga nabadda iyo taageerada shacabka Soomaaliyeed si ay awood ugu helaan dib u dhiska dalkooda,’ ayuu Anaadiif ku yiri warsaxaafadeedka.

Sidoo kale, ergayga ayaa sheegay in howlgallo dhawaan ay sameeyeen AMISOM iyo ciidamada dowladda Somalia iskaashanaya ay kaga saareen Xarakada Al-shabaab deegaanka Gandarshe oo ku yaalla jidka isku xira Muqdisho iyo degmada Marko ee gobolka Shabeellada Hoose.

Warsaxaafadeedka AMISOM laguma sheegin in deegaanka ay weerareen ay kala wareegeen Al-shabaab iyo in kale, iyadoo sidoo kale aysan ka hadlin arrintan Al-shabaab.

Maxamed X. Xuseen, Hiiraan Online
[email protected]
Muqdisho, Soomaaliya












Click here
2/7/2014 1:44 PM EST
Jimce, Feberaayo 07, 2014 (HOL) —Dowladda Switzerland ayaa dan-jire cusub usoo magacaabatay dalka Soomaaliya. War qoraal ah oo kasoo baxay wasaaradda arrimaha dibadda ee Switzerland, ayaa lagu sheegay in Dominik Langenbacher uu yahay safiirka cusub ee Switzerland u joogi doona Soomaaliya.

2/7/2014 12:16 PM EST
Jimce, Feberaayo 07, 2014 (HOL) —Gelinkii dambe ee maanta, waxaa magaalada Garoowe dib ugu soo laabtay wafdi ballaaran oo uu hoggaaminayo Madaxweynaha Puntland C/weli Maxamed Cali Gaas.

2/7/2014 10:58 AM EST
Xabaalaha Ceel-cirfiid oo ku yaalla duleedka waqooyi ee magaalada Muqdisho ayaa waxaa maanta lagu aasay -AHN- C/risaaq Xaaji Xuseen oo Soomaaliya ra'iisul wasaare kasoo noqday intii u dhexeysey 1964-1967.

2/7/2014 10:39 AM EST
Jimce, Feberaayo 07, 2014 (HOL) — Madaxda ugu sareysa dalka ayaa si wadajir ah uga qeybgalay aaska Qaran ee magaalada caasimadda ah ee Muqdisho loogu sameeyey Ra’iisul Wasaarihii hore ee dalka Marxuum Cabdirisaaq Xaaji Xuseen oo saaka meydkiisa laga soo dejiyay garoonka Aadan-cadde iyada oo laga keenay magaalada Minneapolis ee dalka Mareykanka.

2/7/2014 8:08 AM EST
Jimce, Feberaayo 07, 2014 (HOL) — Ra'iisul wasaaraha Soomaaliya, C/weli Sheekh Axmed ayaa sheegay in dowladdiisa ay qorshaynayso sidii gabi-ahaanba dalka oo dhan looga cirib tiri lahaa gudniinka fircooniga ah oo noqday mid kamid ah dhibaatooyinka dumarka Afrika.

2/7/2014 7:34 AM EST
Jimce, Feberaayo 07, 2014 (HOL) — Madaxweynaha Soomaaliya, Xasan Sheekh Maxamuud oo maanta ka qaybgalay aaskii qaran ee loo sameeyey ra’iisul wasaarihii hore ee Soomaaliya, Cabdirisaaq Xaaji Xuseen oo maanta lagu aasay Muqdisho.

2/7/2014 6:57 AM EST
Jimce, Feberaayo 07, 2014 (HOL) — Ra’iisul wasaarihii hore ee Soomaaliya, marxuum C/risaaq Xaaji Xuseen oo toddobaadkii hore ku geeriyooday Mareykanka ayaa maanta lagu aasay duleedka magaalada Muqdisho ee xarunta Somalia, iyadoo aaskiisa ay ka qaybgaleen madaxda dowladda Soomaaliya oo uu ka mid ahaa madaxweynaha Soomaaliya.

2/7/2014 4:48 AM EST
Jimce, Feberaayo 07, 2014 (HOL) —Wiil dhallinyaro ah oo arday ahaa ayaa xalay lagu diley magaalada Baydhabo ee xarunta gobolka Baay. Dilka wiilkan ayaa waxaa geystey askari ka tirsan ciidamada booliska ee degmada Baydhabo.

2/7/2014 4:19 AM EST
Jimce, Feberaayo 07, 2014 (HOL) —Xarunta madaxtooyada ee magaalada Muqdisho (Villa Somalia), waxaa xalay ka dhacay kulan ballaaran oo ay kasoo qayb galeen madaxda sare ee dowladda federaalka iyo wufuudda Muqdisho u tegey si ay uga qayb galaan aaska –AHN- C/risaaq Xaaji Xuseen.

2/7/2014 2:50 AM EST
Jimce, Feberaayo 07, 2014 (HOL) — Ra’iisul wasaaraha Soomaaliya C/weli Sheekh Axmed Maxamed, ayaa xalay xarunta madaxtooyada ee Villa Somalia, wuxuu kulan gaar ah kula qaatay isimmo iyo madax-dhaqameed Muqdisho u tegey sidii ay uga qayb qaadan lahaayeen aaska ra’iisul wasaarihii hore ee dalka C/risaaq Xaaji Xuseen –AHN- oo maanta magaalada Muqdisho lagu aasayo.

2/7/2014 2:10 AM EST
Jimce, Feberaayo 07, 2014 (HOL) —Meydka -AHN- C/risaaq Xaaji Xuseen oo Soomaaliya ra'iisul wasaare kasoo noqday intii u dhexeysey 1964 ilaa 1967, ayaa goor dhow laga soo dejiyey garoonka Aadan Cadde ee magaalada Muqdisho.