4/13/2021
Today from Hiiraan Online:  _
Wararka Maanta- Jimco, Feb 7 , 2014
Meydka Ra'iisul wasaarihii hore oo saaka Muqdisho laga soo dejiyey



Jimce, Feberaayo 07, 2014 (HOL) —Meydka -AHN- C/risaaq Xaaji Xuseen oo Soomaaliya ra'iisul wasaare kasoo noqday intii u dhexeysey 1964 ilaa 1967, ayaa goor dhow laga soo dejiyey garoonka Aadan Cadde ee magaalada Muqdisho.

Meydka oo shalay laga soo qaaday magaalada Minneapolis ee dalka Maraykanka, lana soo marsiiyey dhowr dal ooTurkigu uu kamid yahay, waxaa xilligii lasoo dejinayey garoonka ku sugnaa mas'uuliyiinta ugu sarreeya dowladda federaalka Soomaaliya iyo maamul goboleedyada.

Sidoo kale, waxaa garoonka ku sugnaa wufuud tira badan oo kala yimid dalka iyo dibaddiisaba, wufuuddaas oo isugu jira: diblumaasiyiin caalamka ka socda, madax-dhaqameed, ehelada marxuumka  iyo shaqsiyaad caan ah.

Ciidamada xoogga dalka Soomaaliya ayaa meydka kasoo dejiyey diyaaraddii lagu keenay, waxayna siiyeen salaan sharaf. Intaas kaddib waxaa meydka lagu tukaday salaaddda jinaasada.

Saacadaha soo socda ayaa meydka marxuumka lagu aasi doonaa xabaalaha Ceel-cirfiid, halkaas oo sannadkii 2007, sidan oo kale loogu aasay madaxweynihii ugu horreeyey ee Soomaaliya Aadan Cabdulle Cismaan (Aadan Cadde).

Faah faahin dheeri ah oo ku saabsan munaasabadda aaska iyo sawirradaba, dib ayaan idiinka soo gudbin doonnaa; haddii uu Eebe oggolaado.

Maxamed Salaad Xaaji Dirir, Hiiraan Online
[email protected]
Puntland, Soomaaliya












Click here
2/7/2014 1:44 PM EST
Jimce, Feberaayo 07, 2014 (HOL) —Dowladda Switzerland ayaa dan-jire cusub usoo magacaabatay dalka Soomaaliya. War qoraal ah oo kasoo baxay wasaaradda arrimaha dibadda ee Switzerland, ayaa lagu sheegay in Dominik Langenbacher uu yahay safiirka cusub ee Switzerland u joogi doona Soomaaliya.

2/7/2014 12:16 PM EST
Jimce, Feberaayo 07, 2014 (HOL) —Gelinkii dambe ee maanta, waxaa magaalada Garoowe dib ugu soo laabtay wafdi ballaaran oo uu hoggaaminayo Madaxweynaha Puntland C/weli Maxamed Cali Gaas.

2/7/2014 10:58 AM EST
Xabaalaha Ceel-cirfiid oo ku yaalla duleedka waqooyi ee magaalada Muqdisho ayaa waxaa maanta lagu aasay -AHN- C/risaaq Xaaji Xuseen oo Soomaaliya ra'iisul wasaare kasoo noqday intii u dhexeysey 1964-1967.

2/7/2014 10:39 AM EST
Jimce, Feberaayo 07, 2014 (HOL) — Madaxda ugu sareysa dalka ayaa si wadajir ah uga qeybgalay aaska Qaran ee magaalada caasimadda ah ee Muqdisho loogu sameeyey Ra’iisul Wasaarihii hore ee dalka Marxuum Cabdirisaaq Xaaji Xuseen oo saaka meydkiisa laga soo dejiyay garoonka Aadan-cadde iyada oo laga keenay magaalada Minneapolis ee dalka Mareykanka.

2/7/2014 8:08 AM EST
Jimce, Feberaayo 07, 2014 (HOL) — Ra'iisul wasaaraha Soomaaliya, C/weli Sheekh Axmed ayaa sheegay in dowladdiisa ay qorshaynayso sidii gabi-ahaanba dalka oo dhan looga cirib tiri lahaa gudniinka fircooniga ah oo noqday mid kamid ah dhibaatooyinka dumarka Afrika.

2/7/2014 7:34 AM EST
Jimce, Feberaayo 07, 2014 (HOL) — Madaxweynaha Soomaaliya, Xasan Sheekh Maxamuud oo maanta ka qaybgalay aaskii qaran ee loo sameeyey ra’iisul wasaarihii hore ee Soomaaliya, Cabdirisaaq Xaaji Xuseen oo maanta lagu aasay Muqdisho.

2/7/2014 6:57 AM EST
Jimce, Feberaayo 07, 2014 (HOL) — Ra’iisul wasaarihii hore ee Soomaaliya, marxuum C/risaaq Xaaji Xuseen oo toddobaadkii hore ku geeriyooday Mareykanka ayaa maanta lagu aasay duleedka magaalada Muqdisho ee xarunta Somalia, iyadoo aaskiisa ay ka qaybgaleen madaxda dowladda Soomaaliya oo uu ka mid ahaa madaxweynaha Soomaaliya.

2/7/2014 6:41 AM EST
Jimce, Feberaayo 07, 2014 (HOL) — AMISOM ayaa sheegtay in ciidamooda iyo kuwa dowladda Sooamaliya ee ku sugan gobolka Jubbada Hoose ay weerareen saldhig ay Al-shabaab ku lahayd deegaanka Xagar oo 50-km waqooyi ka xigta degmada Afmadow.

2/7/2014 4:48 AM EST
Jimce, Feberaayo 07, 2014 (HOL) —Wiil dhallinyaro ah oo arday ahaa ayaa xalay lagu diley magaalada Baydhabo ee xarunta gobolka Baay. Dilka wiilkan ayaa waxaa geystey askari ka tirsan ciidamada booliska ee degmada Baydhabo.

2/7/2014 4:19 AM EST
Jimce, Feberaayo 07, 2014 (HOL) —Xarunta madaxtooyada ee magaalada Muqdisho (Villa Somalia), waxaa xalay ka dhacay kulan ballaaran oo ay kasoo qayb galeen madaxda sare ee dowladda federaalka iyo wufuudda Muqdisho u tegey si ay uga qayb galaan aaska –AHN- C/risaaq Xaaji Xuseen.

2/7/2014 2:50 AM EST
Jimce, Feberaayo 07, 2014 (HOL) — Ra’iisul wasaaraha Soomaaliya C/weli Sheekh Axmed Maxamed, ayaa xalay xarunta madaxtooyada ee Villa Somalia, wuxuu kulan gaar ah kula qaatay isimmo iyo madax-dhaqameed Muqdisho u tegey sidii ay uga qayb qaadan lahaayeen aaska ra’iisul wasaarihii hore ee dalka C/risaaq Xaaji Xuseen –AHN- oo maanta magaalada Muqdisho lagu aasayo.