4/17/2021
Today from Hiiraan Online:  _
Wararka Maanta- Khamiis, Feb 6 , 2014
Xiriirrada K. Koleyga Soomaaliya Iyo Masar oo wadashaqeyn yeeshay





Khamiis, Feberaayo 06, 2014 (HOL) --Xiriirka Kubadda Kolayga Soomaaliyeed ayaa dib u soo celiyay wada shaqayntii kala dhaxeysay dhiggiisa dalka Masar ,kaddib kulamo miro-dhal ah oo labada dhinac ku dhex maray magaalada Qaahira.

Madaxweyne  ku xigeenka Xiriirka kubadda Koleyga Soomaaliya  u qaabilsan arimaha horumarinta iyo farsamada Marwo Xaawo Sheekh Axmed (Xaawo Taako) oo Soomaaliya meteleysay ayaa kulanka la qaadatay madax matalaysay Kubadda Kolayga Masaarida.

"Booqashadii aan ku tagay Qaahira Asbuucii hore waxaan kula kulmay madaxweynaha kubadda Kolayga Masar Magdy Abo-frekha iyo ku xigeenkiisa Mr. Maxamed iyo xubno sar-sare"ayey tiri Xaawo Taako oo war ka soo saartay kulamadii labada dhinac dhex maray.

Sidoo kale waxa ay sheegtay in go'aan lagu gaaray sidii loo hormarin marin lahaa xiriirka labada dal ee dhinaca isboortiga.iyadoo xustay in la qaban doono ciyaarro saaxiibtinimo oo  kubadda Kolayga ah oo ay wada  yeelan doonaan Soomaaliya iyo Masar mustaqbalka dhow.

"Ka hor intuu uusan dhicin bur-burka dalka waxaan kamid ahayn qaramada ugu xoogan dhinaca kubadda Kolayga ee Afrika ,balse dib dhac weyn ayaa yimid waxaan doonaynaa inaan dib u diyaar garowno"ayey mar kale ku sheegtay warka ay ka soo saartay kulankii dhacay.

Xog-hayaha guud ee xiriirka kubadda Kolayga Carabta  Hanafi Abu Dhalha ayaa isna sheegay in uu aad ugu faraxsanyahay in dib loo soo nooleeyay xiriirkii ka dhaxeeyay Soomaaliya iyo carabta inteeda kale ee dhinaca Isboortiga.

Ugu danbayntii Xaawo Sheekh Axmed (Xaawo Taako) oo horey usoo ahayd ciyaar-yahanad Kubadda Kolayga Soomaaliya ah ayaa u mahad-celisay ururka kubadda Kolayga bariga iyo Bartamaha Afrika  oo fududeeyay kulamo kala duwan oo ay la yeelatay xubno muhiim ah.

 

Faysal Mohamed Hassan
[email protected]












Click here
2/6/2014 2:26 PM EST
Khamiis, Feberaayo 06, 2014 (HOL) —Degmada Wadajir ee gobolka Banaadir, waxaa caawa lagu diley nin sheekh ah oo kamid ahaa culimaa’uddiinka magaalada Muqdisho caanka ka ah.

2/6/2014 11:14 AM EST
Khamiis, Feberaayo 06, 2014 (HOL) —Waxaa xarunta Somali Women Development Center (SWDC ) ee magaalada Muqdisho, lagu qabtey munaabasad lagu xusayey maalinta ka hortagga gudniinka fircooniga ah oo ku beegan 6-da February , waxaana munaasabaddaas ka soo qayb galay qaybaha ka duwan ee Bulshada sida : culimaa’uddiin , sharci-yaqaanno, dhaqaatir, dhallinyaro iyo haween.

2/6/2014 9:32 AM EST
Khamiis, Feberaayo 06, 2014 (HOL) — Shirkadda Isgaarsiinta Hormuud ayaa ka jartay maanta Muqdihso adeeggii Internet-ka taleefoonka, kaddib go’aan horay uga soo baxay Al-shabaab, kaasoo ahaa in la joojiyo adeeggan.

2/6/2014 9:29 AM EST
Khamiis, Feberaayo 06, 2014 (HOL) — Kulan ballaaran oo ay ka soo qeyb galeen waxgaradka iyo odayaasha dhaqanka Soomaaliyeed ayaa maanta lagu qabtay magaalada Muqdisho, waxaana kulankaasi looga hadlay qodobo dhowr ah oo ku saabsan qaabka ay iskula shaqeyn karaan odayaasha dhaqanka iyo Dowladda Federaalka.

2/6/2014 8:52 AM EST
Khamiis, Feberaayo 06, 2014 (HOL) —Ra’iisul Wasaaraha Xukuumadda Federaalka ee Soomaaliya Cabdiwali Shiikh Axmed Maxamed ayaa maanta magaalada Muqdisho ku soo dhoweeyey Madaxweynaha Dawlad Goboleedka Puntland Cabdiwali Maxamed Cali ( Gaas) iyo wafdi ballaaran oo uu hoggaaminayey...

2/6/2014 6:39 AM EST
Khamiis, Feberaayo, 06, 2014 (HOL) - Dagaal leysku adeegsaday hubka noocyadiisa kala duwan ayaa xalay ku dhaxmaray galbeedka magaalada Beledweyne ciidamada maamulka gobolka Hiiraan oo gacan militariga ka hellaya kuwa AMISOM iyo xoogaga xarrakada Al-shabaab.

2/6/2014 4:26 AM EST
Khamiis, Feberaayo 06, 2014 (HOL) — Wasiirka amniga qaranka ee dowladda federaalka Soomaaliya C/kariin Xuseen Guuleed, ayaa kulan la qaatay xubno ka socdey rugta ganacsiga iyo wershedaha ee Soomaaliya iyo qaar kamid ah ganacsatada magaalada Muqdisho.

2/6/2014 1:29 AM EST
Khamiis, Feberaayo 06, 2014 (HOL) —Guddiga heerka qaran ee loo saaray qaban qaabada aaska ra'iisul wasaarihii hore ee Soomaaliya -AHN- C/risaaq Xaaji Xuseen, ayaa kulan ay magaalada Muqdisho ku yeesheen, waxay ku go'aamiyeen waqtiga iyo goobta uu aaska marxuumku ka dhici doono.