Jimco, Feberaayo 28, 2014 (HOL) — Wasiirka
arrimaha dibadda iyo iskaashiga caalamiga
ah ee Somalia, C/raxmaan Ducaale Bayle oo ay wehlinayaan
wasiir-u-dowlahaiisa, Burci Maxamed Xamza iyo wasiir ku-xigeenkiisa,
Mahad
Mohamed Salaad ayaa waxay markii ugu horreysay si wadajir ah ula
kulmeen dhammaan
shaqaalaha kala duwan ee wasaaradda arrimaha dibadda iyo iskaashiga
caalamiga ee
Soomaaliya.
Kulanka oo ka
dhacay xarunta wasaaradda ayaa looga hadal soo-dhaweyn ah ka jeediyay xoghayaha
joogtada ah ee wasaaradda arrimaha dibadda, Cabdullaahi Dool M axamed oo ku
booriyay shaqaalaha wasaaradda inay kordhiyaan howlaha shaqo ee Qaranka ay u
hayaan, si loo gaaro guulo la taaban karo oo la xiriirta siyaasadda dibadda.
Wasiirka ayaa
hadal uu ka jeediyay shirka, wuxuu ku sheegay in shaqaalaha wasaaradda kuwa
gudaha iyo dibadda looga baahan yahay inay si habsami leh oo shaqa hufnaan ah u
gutaan waajibaadka shaqo ee loo igmaday, wuxuuna ballan-qaanday in qof waliba
oo shaqaale u ah wasaaradda la eegi doono
habka uu u hagaajiyo shaqada, wax-qabadkiisa iyo wax-soo-saarkiisa , taasna ay
hormuud u noqon karto dalacsiin .
Dr. Bayle ayaa
sheegay in wasaaraddiisu tahay muraayadda Qaranka, loona baahan yahay in
muuqaal wanaagsan oo ka tarjumaya dalka ay u bandhigto caalamka, iyadoo la
ilaalinayo kala sarreynta, lana hagaajinayo hab maamuuska Qaranka ee ku aaddan
qaabilaadda wufuudad dalka soo booqata.
Wasiirka oo ka hadlayay
arrimaha dadka barakaca ah ee deegaansaday qaybo ka mid ah wasaaradda ayaa wuxuu
muujiyay in wasaaraddu ay ka caawin doonto dadkaasi sidii ay u heli lahaayeen
deegaan ka madax-banaan dhismaha wasaaradda, isagoo ku dhiirri-geliyay shaqaalaha wasaaradda inay
si mutadwacnimo oo iskaa-wax-u-qabso ah ay ku dhisaan qeybaha ka burbursan wasaaradda
oo uu ku jiro machadka daraasaadka diblamaasiyadda iyo naadi ay yeeshaan
diblamaasiyiinta Soomaaliyeed si loo helo dhismayaal qurux badan oo lagu
tababaro diblamaasiyiinta cusub oo dalku yeelanayo.
Maxamed X. Xuseen,
Hiiraan Online
[email protected]
Muqdisho, Soomaaliya