3/28/2024
Today from Hiiraan Online:  _
Wararka Maanta- Isniin, Feb 24, 2014
Ciidamada Itoobiya ee AMISOM oo Dhaqdhaqaaq kawada G/Gedo

Isniin, Feberaayo 24, 2014 (HOL) — Ciidammo aad u qalabeeysan oo ka tirsan kuwa Itoobiya ee dhawaan ku biiray AMISOM ayaa waxay ay soo gaareen deegaan lagu Buursagaar oo u dhexeeya degmooyinka Beledxaawo iyo Garbahaareey.

Goobjoogeyaal ku sugan deeganadaasi ayaa HOL u sheegay in ciidamadani ay ku qalabeeysanyihiin hubka noocyadiisa kala duwan iyo gaadiidka dagaalka, waxaana ay ku wajahanyihiin degmada Garbahaareey ee gobolka Gedo halkaaso ay hore ugu sugnaayeen ciidamo kale oo ka tirsan kuwa Itoobiya.

Ilaa imika ma cadda halka ay ku wajahanyihiin ciidamadan, haseyeeshee wararka qaar ayaa sheegaya in ay ku wajahanyihiin degmooyinka Buurdhuubo iyo Baardheere oo ay gacanta ku hayaan xoogagga Al-shabaab.

Dhinaca kale, xarakada Al-shabaab ayaa wada diyaargarow aad u xooggan oo ay ugu jiraan sidii ay uga hortagi lahaayeen ciidamada Itoobiya ee qeybta ka ah AMISOM ee kusoo fool leh deegaanada ay ka arimiyaan ee gobolka Gedo

Saraakiil ka tirsan Al-shabaab oo ku sugan degmada Buurdhuubo oo la hadlay warbaahinta ayaa sheegay in ay u diyaarsanyihiin duulaan walba oo kaga yimaada dhanka ciidamada dowladda iyo AMISOM ee isgarabsanaya.

Xiisadahan kasoo cusbonaaday gobolka Gedo ayaa kusoo beegmaya xilli ciidamada Itoobiya ay dhawaan si rasmi ah uga mid noqdeen ciidamada nabad ilaalinta midowga Afrika ee (AMISOM).

Xasan Nuur, Hiiraan Online
Hnur@hiiraancom
Kismaayo, Soomaaliya













Click here
2/24/2014 4:36 PM EST
Isniin, February 24, 2014(HOL) —Xuska Maalinta caalamiga ah ee Afka hooyo ayaa lagu qabtay magaalada Minneapolis. Waxaa soo qabanqaabiyay xuska Meertada Afka & Suugaanta Soomaaliyeed Iyo waliba Naadiga Qalinleyda & Halbuurka ee PEN kulankan oo hal-ku-dheg looga dhigay sanadkan ( U HIILLI AFKAAGA HOOYO).

2/24/2014 4:32 PM EST
Isniin, February 24, 2014(HOL) —Warar aanu ka helnay degmada Qansaxdheere ee Gobalka Baay ayaa sheegaya in goob maqaayad ah oo ay fadhiyeen ciidamo ka tirsan dowladda uu qarax ka dhacay. Qaraxaasi wuxuu ahaa miinada dhulka lageliyo, lagana hago meelaha fog. Miinada ayaa waxaa la sheegayaa in ay ahayd dhowr xabo oo la is dulsaarey, sababtoo ah burbur wayn ayay u geysatey dhammaan goobaha ku dhow Maqaayadda Qaraxa ka dhacay.

2/24/2014 9:32 AM EST
Isniin, February 24, 2014(HOL) :- Tuulooyinka Helo mareer iyo Malka,hidaa oo ka tirsan degmada Buurdhuubo ee Gobolka Gedo ayaa markii ugu horeysay waxaa laga hergeliyey Ceelal nooca loo yaqaan riiga ,kaasi oo laga helay Biyo badan,xilli dadka ku dhaqan tuulooyinkaasi ay cabashooyin ka muujinayeen xaalado biyo yari Maadaama,dadka halkaasi ku dhaqan ay yihiin xoolo dhaqato iyo Beeralay,

2/24/2014 7:26 AM EST
Isniin, Feberaayo 24, 2014 (HOL) — Golaha wasiirrada ee Puntland ayaa maanta shirkooda toddobaadlaha ah ee ay Isniin walba isugu yimaadaan, waxay uga hadleen arrimo dhowr ah oo ammaanka iyo horumarinta beerahu ay kamid ahaayeen.

2/24/2014 7:14 AM EST
Axad, Feberaayo 16, 2014 (HOL) — Siyaasiga Cabdulllaahi Axmed Caddoow oo dhowr jeer isku soo taagay xilka madaxweynimo ee Soomaaliya, horayna wasiir uga soo noqday dowladdii hore ee Soomaaliya ayaa waxaan la qaadan karin ku tilmaamay weerarkii lagu qaaday xarunta madaxtooyada Somalia.

2/24/2014 6:52 AM EST
Isniin, February 24, 2014(HOL) — Ra’iisul wasaaraha Somalia, C/weli Sheekh Axmed ayaa maanta xafiiskiisa ku qaabilay ergayga gaarka ah ee urur goboleedka IGAD u qaabilsan arrimaha Soomaaliya, danjire Maxamed Cabdi Afeey.

2/24/2014 6:00 AM EST
Isniin, Feberaayo 24, 2014 (HOL) — Madaxweynaha Puntland C/weli Maxamed Cali Gaas oo isaga iyo wafdi uu horkacayaa ay shalay dalka Itoobiya uga bilaabatay booqasho muddo shan maalmood ah qaadan doonta, ayaa maanta kulan la qaatay wasiirka gaashaan-dhigga ee dalkaas Siraj Fagessa.

2/24/2014 5:36 AM EST
Isniin, Feberaayo 24, 2014 (HOL) —Dabley hubeysan oo loo maleynayo inay burcad-badeed yihiin, kuwaas oo dhowaan labo nin oo injineerrada dhismaha ah oo u dhashay dalka Kenya ka afduubtay magaalada Muqdisho, ayaa dalbaday lacag badan oo madax-furasho ah.

2/24/2014 4:56 AM EST
Isniin, Feberaayo 24, 2014 (HOL) — Bannaanbax ballaaran oo ay dadweyne boqollaal gaarayaa kasoo qayb galeen, ayaa maanta ka dhacay degmada Buuraburde ee gobolka Hiiraan oo kamid ah deegaanada ay ka arrimiso Xarakada Al-shabaab.

2/23/2014 11:58 PM EST
Isniin, Feberaayo 24, 2014 (HOL) — Madaxweynaha Puntland Cabdiweli Maxamed Cali Gaas ayaa xalay casho-sharaf soo dhowayn ah loogu sameeyay magaalada Addis Ababa ee xarunta dalka Ethiopia, halkaas oo isaga iyo wafdi uu hoggaaminayaa ay shalay gaareen.