3/28/2024
Today from Hiiraan Online:  _
Wararka Maanta- Isniin, Feb 24, 2014
Ciidamada Itoobiya oo Buulaburde looga mudaaharaaday (SAWIRRO)

Isniin, Feberaayo 24, 2014 (HOL) — Bannaanbax ballaaran oo ay dadweyne boqollaal gaarayaa kasoo qayb galeen, ayaa shalay ka dhacay degmada Buulaburde ee gobolka Hiiraan oo kamid ah deegaanada ay ka arrimiso Xarakada Al-shabaab.

Dibadbaxa oo la sheegay inuu jawaab u yahay mid ka dhan ahaa Al-shabaab oo isla shalay magaalada Muqdisho ka dhacay, waxaa kasoo qayb galay qaar kamid ah saraakiisha Ururka Al-shabaab.

Mas'uuliyiin ka tirsan Shabaabka oo goobta ka hadlay, ayaa aad u cambaareeyey ciidamada Itoobiya ee dhowaan ku biiray howgalka AMISOM, iyagoo ku baaqay dagaal ka dhan ah, islamarkaana dadka Soomaaliyeed u diray farriin ah inay dagaalkaas ka qayb qaataan.

Dhanka kale mas'uuliyiinta Al-shabaab ka tirsan ee goobta uu bannaanbaxu ka dhacay ka hadlay, ayaa sheegay in dadka dibadbaxan ka qayb qaadanayaa aanay ahayn kuwo lasoo khasbay, haseyeeshee ay si iskood ah isugu soo baxeen; si ay dareenkooda u muujiyaan.

Qaar kamid ah odayaasha dhaqanka iyo dadweynihii kale ee dibadbaxaas kasoo qaybgalay, ayaa iyaguna muujiyey sida ay uga xun yihiin ciidamada shisheeye ee Soomaaliya ku sugan, iyagoo sheegay inay hiil iyo hooba kaga qayb qaadanayaan sidii dalka looga xoreyn lahaa- waa sida ay hadalka u dhigeene.

Isla shalay, waxaa magaalada  Muqdisho ka dhacay muddaaharaad ay soo qaban qaabiyeen haweenka gobolka Banaadir, muddaaharaadkaas oo lagu taageeray nabadda laguna dhaleeceeyey Xarakada Al-shabaab, waxaa kasoo qayb galay mas'uuliyiin badan oo dowladda federaalka ka tirsan, kuwaas oo Ra'iisul wasaare C/weli Sheekh Axmed uu kamid ahaa.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
2/24/2014 4:36 PM EST
Isniin, February 24, 2014(HOL) —Xuska Maalinta caalamiga ah ee Afka hooyo ayaa lagu qabtay magaalada Minneapolis. Waxaa soo qabanqaabiyay xuska Meertada Afka & Suugaanta Soomaaliyeed Iyo waliba Naadiga Qalinleyda & Halbuurka ee PEN kulankan oo hal-ku-dheg looga dhigay sanadkan ( U HIILLI AFKAAGA HOOYO).

2/24/2014 4:32 PM EST
Isniin, February 24, 2014(HOL) —Warar aanu ka helnay degmada Qansaxdheere ee Gobalka Baay ayaa sheegaya in goob maqaayad ah oo ay fadhiyeen ciidamo ka tirsan dowladda uu qarax ka dhacay. Qaraxaasi wuxuu ahaa miinada dhulka lageliyo, lagana hago meelaha fog. Miinada ayaa waxaa la sheegayaa in ay ahayd dhowr xabo oo la is dulsaarey, sababtoo ah burbur wayn ayay u geysatey dhammaan goobaha ku dhow Maqaayadda Qaraxa ka dhacay.

2/24/2014 9:32 AM EST
Isniin, February 24, 2014(HOL) :- Tuulooyinka Helo mareer iyo Malka,hidaa oo ka tirsan degmada Buurdhuubo ee Gobolka Gedo ayaa markii ugu horeysay waxaa laga hergeliyey Ceelal nooca loo yaqaan riiga ,kaasi oo laga helay Biyo badan,xilli dadka ku dhaqan tuulooyinkaasi ay cabashooyin ka muujinayeen xaalado biyo yari Maadaama,dadka halkaasi ku dhaqan ay yihiin xoolo dhaqato iyo Beeralay,

2/24/2014 7:26 AM EST
Isniin, Feberaayo 24, 2014 (HOL) — Golaha wasiirrada ee Puntland ayaa maanta shirkooda toddobaadlaha ah ee ay Isniin walba isugu yimaadaan, waxay uga hadleen arrimo dhowr ah oo ammaanka iyo horumarinta beerahu ay kamid ahaayeen.

2/24/2014 7:14 AM EST
Axad, Feberaayo 16, 2014 (HOL) — Siyaasiga Cabdulllaahi Axmed Caddoow oo dhowr jeer isku soo taagay xilka madaxweynimo ee Soomaaliya, horayna wasiir uga soo noqday dowladdii hore ee Soomaaliya ayaa waxaan la qaadan karin ku tilmaamay weerarkii lagu qaaday xarunta madaxtooyada Somalia.

2/24/2014 6:52 AM EST
Isniin, February 24, 2014(HOL) — Ra’iisul wasaaraha Somalia, C/weli Sheekh Axmed ayaa maanta xafiiskiisa ku qaabilay ergayga gaarka ah ee urur goboleedka IGAD u qaabilsan arrimaha Soomaaliya, danjire Maxamed Cabdi Afeey.

2/24/2014 6:35 AM EST
Isniin, Feberaayo 24, 2014 (HOL) — Ciidammo aad u qalabeeysan oo ka tirsan kuwa Itoobiya ee dhawaan ku biiray AMISOM ayaa waxay ay soo gaareen deegaan lagu Buursagaar oo u dhexeeya degmooyinka Beledxaawo iyo Garbahaareey.

2/24/2014 6:00 AM EST
Isniin, Feberaayo 24, 2014 (HOL) — Madaxweynaha Puntland C/weli Maxamed Cali Gaas oo isaga iyo wafdi uu horkacayaa ay shalay dalka Itoobiya uga bilaabatay booqasho muddo shan maalmood ah qaadan doonta, ayaa maanta kulan la qaatay wasiirka gaashaan-dhigga ee dalkaas Siraj Fagessa.

2/24/2014 5:36 AM EST
Isniin, Feberaayo 24, 2014 (HOL) —Dabley hubeysan oo loo maleynayo inay burcad-badeed yihiin, kuwaas oo dhowaan labo nin oo injineerrada dhismaha ah oo u dhashay dalka Kenya ka afduubtay magaalada Muqdisho, ayaa dalbaday lacag badan oo madax-furasho ah.

2/23/2014 11:58 PM EST
Isniin, Feberaayo 24, 2014 (HOL) — Madaxweynaha Puntland Cabdiweli Maxamed Cali Gaas ayaa xalay casho-sharaf soo dhowayn ah loogu sameeyay magaalada Addis Ababa ee xarunta dalka Ethiopia, halkaas oo isaga iyo wafdi uu hoggaaminayaa ay shalay gaareen.