3/29/2024
Today from Hiiraan Online:  _
Wararka Maanta- Axad, Feb 23, 2014
Dadka Baydhabo oo lagu amray in ay gurayahooda iyo goobahooda ganacsiga ku dhejiyaan Calan cusub

Axad, Feberaayo 23, 2014 (HOL) —Magaalada Baydhabo ayaa lagu arkayaa goobaha ganacsiga sida dukaamada iyo guryaha calanka maamulka aan weli la isku raacin ee Koonfur galbeed Soomaaliya.

Wararka aan ka helney Maamulka Degmada Baydhabo ayaa waxay bulshada u sheegeen in ciddii aan xiranin calanka ha ahaadeen goobaha ganacsiga iyo guryaha ku yaalla waddooyinka la ganaaxayo hal Milyan oo shilin Soomaali ah , taasoo ku khasabtey dadweynaha inay ku xiraan albaabada ganacsiga iyo guryaha waddooyinka ay hormaraan.

Maamulka uu waqtigiisa sii dhammaanayo oo ammarkan soo saaray  ayaa waxay beryahan danbe ku jiraan dhaqaale aruurin aad u tiro badan , iyadoo aysan jirin wax dabagal ah oo dhinaca Dowladda Federaalka  soomaaliya ah. Dhanka kalena, Magaalada Baydhabo waxaa gebogebo ah Shirweynihii Koonfur galbeed ee Maamul u sameynta 6da gobol , iyadoo guddiga doorashada ee Madaxweynaha dowlad gobaleedka koonfur galbeed ay billaabeen qabashada araajida iyo CV-yada Musharaxiinta .

Waxaa sidoo kale ka socda Hotel Bakiin shirka 3-da gobal ee koonfur galbeed, kaasoo isagana barbar socda shirka ADC ka socda , waxayna dadku wel wel ka muujinayaan shirarka magaalada gudaheeda ka wada socda ee la leeyahay waxaa looga arrinsanayaa aayaha Gobollada Koofur Galbeed Soomaaliya.



 

Hiiraan Online, Baydhabo













Click here
2/23/2014 4:05 PM EST
Axad, Feberaayo 23, 2014 (HOL) —Wararka naga soo gaaraya Magaalada Baydhabo ee xarunta u ah Gobolka Bay ayaa sheegaya in caawa bambo gacmeed lagu tuuray Hotel Kulmiye oo magaaldaas ku yaalla, kaasi oo ay degan yihiin musharrixiin isu soo taagay xilka madaxweynenimada dowlad goboleedka Koofur Galbeed Soomaaliya qeybta 6da gobol.

2/23/2014 1:03 PM EST
Axad, Feberaayo 23, 2014 (HOL) — Ra'iisul wasaaraha xukuumadda Somalia Cabdiweli Sheekh Axmed Maxamed ayaa galabta shir guddoomiyay kulan aan caadi ahayn oo ay yeesheen golaha wasiirada, waxaana kulankan kasoo qayb-galay madaxda maamulka gobolka, guddoomiyeyaasha 17-ka degmo ee gobolka Banaadir iyo taliyeyaasha saldhigyada, waxaana kulankan ujeeddadiisa lagu sheegay mid lagu adkeynta amniga gobolka Banaadir.

2/23/2014 11:48 AM EST
Axad, Feberaayo 23, 2014 (HOL) —Ururka Somaliska Ungdomsnätverket (SUN) ee ka dhisan Magaalada Eskilstuna ee dalka Sweden ayaa wuxuu magaaladaas ku qabtay dood cilmiyeed ku saabsan Guurka qasabka ah iyo Gudniinka gabdhaha.

2/23/2014 11:45 AM EST
Axad, Feberaayo 23, 2014 (HOL) — Xaflad ballaaran oo maanta ka dhacday magaalada Kismaayo ayaa abaalmarinno lagu gudoonsiiyay kooxaha kaalimaha hore ka galay tartan kubadda cagta ah oo loo qabtay xaafadaha magaalada Kismaayo.

2/23/2014 11:43 AM EST
Axad, Feberaayo 23, 2014 (HOL) — Fursadaha shaqo ee dalka Kenya ayaa la sheegay in ay afduubteen seddex qowmiyadood oo ka mid ah qabiillada ugu tunka weyn dalkaasi, iyadoo ay jiraan eedaymo kala duwan oo dowladda arintaa ay kala kulmayso.

2/23/2014 8:57 AM EST
Axad, Feberaayo 23, 2014 (HOL) — Kulan looga hadlayay ammaanka oo ay isugu yimaadeen ururada bulshada rayidka ayaa maanta ka dhacay Muqdisho, iyadoo kulankaas ay kasoo qayb-galeen, odayaasha dhaqanka, culumaa'uddiin, haween iyo dhallinyaro.

2/23/2014 7:43 AM EST
Axad, Feberaayo 23, 2014 (HOL) — MGuddida Turxaan bixinta xisbiga kulmiye ee uu dhowaan madaxweyne Siilaanyo u saaray ayaa sheegay inay soo afjareen khilaafkii ragaadiyey xisbiga taladda haya ee KULMIYE.

2/23/2014 7:42 AM EST
Axad, Feberaayo 23, 2014 (HOL) — Fagaaraha beerta nabadda ee Muqdisho waxaa maanta ka dhacay bannaabaxii ugu weynaa oo ay soo qaban-qaabiyeen maamulka gobolka Banaadir iyo ururka Haweenka Qaranka Soomaaliyeed, ayna gacan ka geysatay hay'adda wadahadalka bulshada (CCD) ayna ka qayb galeen boqollaal dadweyne oo ka kala socday 17-ka degmo ee gobolka Banaadir.

2/23/2014 7:40 AM EST
Axad, Feberaayo 23, 2014 (HOL) — Madaxweynaha Puntland, C/weli Maxamed Cali Gaas iyo wafdi uu hoggaaminayo ayaa maanta ka dhoofay magaalada Garoowe ee dalka Itoobiya halkaaso la sheegay inuu kaga qaybgalayo shir.

2/23/2014 7:25 AM EST
Axad, Feberaayo 23, 2014 (HOL) — Waxaa si wayn loo adkeeyay ammaanka guud ee magaalooyinka Puntland, gaar ahaana Garoowe oo ah xarunta Puntland, waxaana la arkayey ciidammo fara badan oo heegan la galiyey si ay uga hortagaan dhacdooyinka wax u dhimi kara ammaanka.

2/23/2014 3:12 AM EST
Axad, Feberaayo 23, 2014 (HOL) — Midowga Dalladaha Waxbarashada Dalka ayaa kulan ay ku yeesheen Muqdisho kasoo saaray warsaxaafadeed ay kaga cabanayaan imtixaan ay diyaarisay wasaarasdda waxbarashada xukuumadda Soomaailya.

2/23/2014 2:04 AM EST
Axad, Feberaayo 23, 2014 (HOL) — Madaxweynaha Soomaaliya, Xasan Sh. Maxamuud oo ayaa sheegay in cid kasta oo looga shakiyo inay Al-shabaab xiriir la leedahay la qaban karo, lana marsiin karo baaritaannada, isagoo ku daray in qorshahana uu yahay mid lagu xaqiiniayo amniga.

2/23/2014 1:52 AM EST
Axad, Feberaayo 23, 2014 (HOL) — Ra’iisul wasaaraha Somalia, C/weli Sheekh Axmed Maxamed ayaa gudoomiyay shir aan caadi ahayn oo xalay lagu soo gaba-gabeeyay xarunta madaxtooyada Soomaaliya, kaasoo looga hadlay arrimo ay ka mid yihiin qorshaha dhanka amniga ee Xukuumadda Soomaaliya iyo ka-hortagga falalka argagixisanimo ee kooxaha nabadda ka soo horjeeda ay ku hayaan shacabka Soomaaliyeed.