3/29/2024
Today from Hiiraan Online:  _
Wararka Maanta- Axad, Feb 23, 2014
Kulan looga hadlay Amaanka oo lagu qabtay Muqdisho (SAWIRRO)


Axad, Feberaayo 23, 2014 (HOL) — Ra'iisul wasaaraha xukuumadda Somalia Cabdiweli Sheekh Axmed Maxamed ayaa galabta shir guddoomiyay kulan aan caadi ahayn oo ay yeesheen golaha wasiirada, waxaana kulankan kasoo qayb-galay madaxda maamulka gobolka, guddoomiyeyaasha 17-ka degmo ee gobolka Banaadir iyo taliyeyaasha saldhigyada, waxaana kulankan ujeeddadiisa lagu sheegay mid lagu adkeynta amniga gobolka Banaadir.

Kulankan ayaa waxaa sidoo kale kasoo qaybgalay taliyeyaasha ciidamada booliiska iyo nabadsugidda, waxaana lagu lafa-guray sidii wada-shaqeyn dhow ay u yeelan lahaayeen howlwadeennada gobolka iyo xubnaha golaha wasiirada, iyadoo degmo kasta si gaar ah loogu xil-saaray laba wasiir oo la shaqeyn doonta guddi ka kooban maamulka degmooyinka gobolka, qaybaha bulshada degmada, xubin baarlamaanka ka tirsan iyo labadaasi wasiir. Waxayna si gaar ah ula socon doonaan xaaladda amni ee degmada.

Sidoo kale, guddoomiyeyaasha degmooyinka iyo taliyeyaasha saldhigyada ayaa lagu wargeliyay go’aannadii kasoo baxay shirkii ugu dambeeyay ee golaha wasiirradu ay uga hadleen ammaanka Muqdisho si loogu badalo wax-qabad.

HALKAN KA DAAWO SAWIRRO BADAN:

Markii uu soo idlaaday kulanka ayaa waxaa warbaahinta la hadlay wasiirka arrimaha gudaha iyo federaalka, Cabdullaahi Goodax Barre, isagoo xusay in kulankan muhiimaddiisu ay ahayd sidii loo sugi lahaa amniga caasimadda oo ay labo maalin ka hor ka dhaceen falal argagixiso, wuxuuna tilmaamay in la soo saaray go’aano wax ku ool ah si loo xanuujiyo caddowga loogana hor-tago falalka qal-qalgelinta amniga ah ee ay mararka qaar ka sameeyaan magaalada Muqdisho.

“Caddowgu wuxuu soo weeraray goobtii astaanta u ahayd Qaranimada dalka Soomaaliya ee madaxtooyada, xukuumaddu waxay si deg-deg ah uga bixin doontaa jawaab xanuujisa caddowga,” ayuu yiri Cabdullaahi Goodax.

Ugu dambeyn, kulanka waxaa soo xiray ra’iisul wasaaraha xukuumadda oo faray dhammaan hay’addaha amnigu inay si adag u wajahaan waajibaadka dhanka amniga ah ee saran, ayna ka hortagaan fal kasta oo caddowgu ku doonayo inuu ku qal-qalgeliyo amniga shacabka.

Maxamed X. Xuseen, Hiiraan Online
[email protected]
Muqdisho, Soomaaliya













Click here
2/23/2014 4:05 PM EST
Axad, Feberaayo 23, 2014 (HOL) —Wararka naga soo gaaraya Magaalada Baydhabo ee xarunta u ah Gobolka Bay ayaa sheegaya in caawa bambo gacmeed lagu tuuray Hotel Kulmiye oo magaaldaas ku yaalla, kaasi oo ay degan yihiin musharrixiin isu soo taagay xilka madaxweynenimada dowlad goboleedka Koofur Galbeed Soomaaliya qeybta 6da gobol.

2/23/2014 3:32 PM EST
Axad, Feberaayo 23, 2014 (HOL) —Magaalada Baydhabo ayaa lagu arkayaa goobaha ganacsiga sida dukaamada iyo guryaha calanka maamulka aan weli la isku raacin ee Koonfur galbeed Soomaaliya.

2/23/2014 11:48 AM EST
Axad, Feberaayo 23, 2014 (HOL) —Ururka Somaliska Ungdomsnätverket (SUN) ee ka dhisan Magaalada Eskilstuna ee dalka Sweden ayaa wuxuu magaaladaas ku qabtay dood cilmiyeed ku saabsan Guurka qasabka ah iyo Gudniinka gabdhaha.

2/23/2014 11:45 AM EST
Axad, Feberaayo 23, 2014 (HOL) — Xaflad ballaaran oo maanta ka dhacday magaalada Kismaayo ayaa abaalmarinno lagu gudoonsiiyay kooxaha kaalimaha hore ka galay tartan kubadda cagta ah oo loo qabtay xaafadaha magaalada Kismaayo.

2/23/2014 11:43 AM EST
Axad, Feberaayo 23, 2014 (HOL) — Fursadaha shaqo ee dalka Kenya ayaa la sheegay in ay afduubteen seddex qowmiyadood oo ka mid ah qabiillada ugu tunka weyn dalkaasi, iyadoo ay jiraan eedaymo kala duwan oo dowladda arintaa ay kala kulmayso.

2/23/2014 8:57 AM EST
Axad, Feberaayo 23, 2014 (HOL) — Kulan looga hadlayay ammaanka oo ay isugu yimaadeen ururada bulshada rayidka ayaa maanta ka dhacay Muqdisho, iyadoo kulankaas ay kasoo qayb-galeen, odayaasha dhaqanka, culumaa'uddiin, haween iyo dhallinyaro.

2/23/2014 7:43 AM EST
Axad, Feberaayo 23, 2014 (HOL) — MGuddida Turxaan bixinta xisbiga kulmiye ee uu dhowaan madaxweyne Siilaanyo u saaray ayaa sheegay inay soo afjareen khilaafkii ragaadiyey xisbiga taladda haya ee KULMIYE.

2/23/2014 7:42 AM EST
Axad, Feberaayo 23, 2014 (HOL) — Fagaaraha beerta nabadda ee Muqdisho waxaa maanta ka dhacay bannaabaxii ugu weynaa oo ay soo qaban-qaabiyeen maamulka gobolka Banaadir iyo ururka Haweenka Qaranka Soomaaliyeed, ayna gacan ka geysatay hay'adda wadahadalka bulshada (CCD) ayna ka qayb galeen boqollaal dadweyne oo ka kala socday 17-ka degmo ee gobolka Banaadir.

2/23/2014 7:40 AM EST
Axad, Feberaayo 23, 2014 (HOL) — Madaxweynaha Puntland, C/weli Maxamed Cali Gaas iyo wafdi uu hoggaaminayo ayaa maanta ka dhoofay magaalada Garoowe ee dalka Itoobiya halkaaso la sheegay inuu kaga qaybgalayo shir.

2/23/2014 7:25 AM EST
Axad, Feberaayo 23, 2014 (HOL) — Waxaa si wayn loo adkeeyay ammaanka guud ee magaalooyinka Puntland, gaar ahaana Garoowe oo ah xarunta Puntland, waxaana la arkayey ciidammo fara badan oo heegan la galiyey si ay uga hortagaan dhacdooyinka wax u dhimi kara ammaanka.

2/23/2014 3:12 AM EST
Axad, Feberaayo 23, 2014 (HOL) — Midowga Dalladaha Waxbarashada Dalka ayaa kulan ay ku yeesheen Muqdisho kasoo saaray warsaxaafadeed ay kaga cabanayaan imtixaan ay diyaarisay wasaarasdda waxbarashada xukuumadda Soomaailya.

2/23/2014 2:04 AM EST
Axad, Feberaayo 23, 2014 (HOL) — Madaxweynaha Soomaaliya, Xasan Sh. Maxamuud oo ayaa sheegay in cid kasta oo looga shakiyo inay Al-shabaab xiriir la leedahay la qaban karo, lana marsiin karo baaritaannada, isagoo ku daray in qorshahana uu yahay mid lagu xaqiiniayo amniga.

2/23/2014 1:52 AM EST
Axad, Feberaayo 23, 2014 (HOL) — Ra’iisul wasaaraha Somalia, C/weli Sheekh Axmed Maxamed ayaa gudoomiyay shir aan caadi ahayn oo xalay lagu soo gaba-gabeeyay xarunta madaxtooyada Soomaaliya, kaasoo looga hadlay arrimo ay ka mid yihiin qorshaha dhanka amniga ee Xukuumadda Soomaaliya iyo ka-hortagga falalka argagixisanimo ee kooxaha nabadda ka soo horjeeda ay ku hayaan shacabka Soomaaliyeed.