3/28/2024
Today from Hiiraan Online:  _
Wararka Maanta- Sabti, Feb 22, 2014
Jaaliyadda Soomaaliyeed ee Ottawa oo ka shiray geerida Marxuum Maxamuud Indhacase

Sabti, Feberaayo 22, 2014 (HOL) - Jaaliyadda Soomaaliyeed ee ku nool magaalada Ottawa ayaa maant ka shiray geerida Marxuum Maxamuud Cabdulle Indhacase oo ku dhintay weerar ay shalay Shabaab ku soo qaadeen xaruunta Madaxtooyada Soomaaliya.

Ujeedada shirka ayaa waxay ahayd in laga wada tashto sidii kaalmo loogu fidin lahaa qoyskii uu ka baxay marxuumka iyo sidii loo sii wadi lahaa hawlihii samafalka ahaa ee ka bilaabay magaaladan Ottawa.

Dadkii halkaa isugu yimid ayaa si tiiraanya leh uga warbixiyey Maxamuud Indhacase oo ahaa shaqsi si weyn uga dhex-muuqday jaaliyadda Soomaaliyeed ee magaalada Ottawa. Geerida Marxuum Maxamuud ayaa si weyn u taabatay dhammaan bulshada Soomaaliyeed ee Ottawa maadaama uu kaalin mug leh ka qaatay dajinta bulshada gaar ahaan dhinaca waxbarashada iyo barbaarinta ubadka Soomaaliyeed ee magaalada Ottawa.

Shirkaas ayaa waxaa ka soo baxay qodobadda hoos qoran:

1-     In Marxuum Maxamuud Cabdulle Indhacse loo sameeyo Sanduuq dhaqaale ee lagu taageero waxqabadkii dhaxal-galka ahaa ee uu marxuumku ka bilaabay magaaladan Ottawa.

2-     In la laysugu yimaado maalinta Jimcaha ee bishan Feb. 28, kulan ballaaran oo lagu soo bandhigidoono dibna loogu xasuusandoono waxqabadkii marxuum Maxamuud Cabdulle. Kulankaas ayaa wuxuu ka dhicidoonaa Dugsiga Sare ee Ridgemont (Ridgemont High School).

Maxamuud wuxuu ahaa aqoonyahan Soomaaliyeed oo naftiisa ku waayay isaga oo dalkiisa u adeegaya. Wuxuu ahaa agaasimaha xafiiska Ra’iisal Wasaaraha Soomaaliya tan iyo sanadkii 2012kii. Intaas ka hor wuxuu muddo dheer degganaa magaalada Ottawa. Wuxuu hawl badan ka qabtay arrimaha waxbarashada iyo horumarinta dhallinyarada Soomaaliyeed.

Xafiiska Wararka ee Hiiraan Online













Click here
2/22/2014 12:30 PM EST
Sabti, Feberaayo 22, 2014 (HOL) — Madaxweynaha Soomaaliya Xasan Sh. Maxamuud ayaa ka qayb -galay maanta munaasabadda 44-aad ee kasoo wareeegatay maalintii la aas-aasay ciidamadda Asluubta Soomaaliyeed oo maanta lagu qabtay xarunta taliska ciidamadda Asluubta ee magaalada Muqdisho.

2/22/2014 11:14 AM EST
Sabti, Feberaayo 22, 2014 (HOL) — Ra’iisul wasaaraha Soomaaliya, Cabdiweli Sheekh Axmed ayaa maanta ka qayb-galay aaska xoghayihii joogtada ee xafiiska ra’iisul wasaaraha marxuum Maxamuud Xersi C/lle oo lagu aasay dugsiga tababarka ciidanka booliska ee Jeneraal Kaahiye (Iskool Bolisiya).

2/22/2014 10:52 AM EST
Sabti, Feberaayo 22, 2014 (HOL) — Munaasabad lagu maamuusayay 44 sano guuradii ka soo wareegtay aas-aaskii ciidanka asluubta Soomaaliyeed, ayaa maanta lagu qabtay magaalada Beledweyne ee xarunta gobolka Hiiraan.

2/22/2014 7:23 AM EST
Sabti, Feberaayo 22, 2014 (HOL) — Howlgallo ayaa saacadihii u dambeeyay waxay ciidamada dowladda Sooamaliya iyo kuwa nabad-sugidda dowladda ka sameeyeen xaafado ka tisran degmooyinka gobolka Banaadir.

2/22/2014 7:12 AM EST
Sabti, Feberaayo 22, 2014 (HOL) — Kooxo hubeysan ayaa degmada Wadajir ee gobolkaBanaadir ku dilay saakay sarkaal ka tirsanaa ciidanka milatariga Soomaaliya oo magaciisa lagu soo koobay Jallaato.

2/22/2014 6:23 AM EST
Sabti, Feberaayo 22, 2014 (HOL) — Saddex ka tirsan askarta AMISOM ayaa ku dhintay shil ku dhacay degmada Jannaale ee gobolka shabeelaha Hoose, iyadoo afar kalena ay ku dhaawacmeen shilkaas.

2/22/2014 6:22 AM EST
Sabti, Feberaayo 22, 2014 (HOL) — Ku dhawaad ilaa afar qof ayay dhaawacyo kasoo gaareen qarax nooca Miinooyinka dhulka lagu aaso oo maanta ka dhacay xaafadda Faanoole ee magaalada Kismaayo.

2/22/2014 5:46 AM EST
Sabti, Feberaayo 22, 2014 (HOL) — Sida maanta oo sabti ah lagu daabacay mid kamid ah wargaysyada ugu afka dheer Hindiya, waxaa howl-gallada lugala dagaallamayo kooxaha burcad badeedda Soomaalida ah hogaankooda lagu wareejin doonaa Midowga Yurub oo iminka kamid ah xubnaha ugu muhiimsan howlgalkaas.