Sabti, Feberaayo 22, 2014 (HOL) — Kooxo hubeysan ayaa degmada Wadajir ee gobolkaBanaadir ku dilay saakay sarkaal ka
tirsanaa ciidanka milatariga Soomaaliya oo magaciisa lagu soo koobay Jallaato.
Dableyda dilka u geystay sarkaalka ayaa la sheegay inay
ka qaateen gaari yar oo uu watay, iyadoo aan la ogeyn goobta ay u baxsadeen
kooxahan dableyda ah.
Saraakiil ka tirsan ciidamada dowladda ayaa warbaahinta
u sheegay inuu lahaa sarkaalka la dilay ilaalo gaar ah oo ammaankiisa xaqiija, laakiinse
saddexdii maalmood ee lasoo dhaafay aanu qaadan wax ilaalo ah taasoo keentay in
xaafadda mac-macaanka ee degmada Wadajir.
Dhinaca kale, wararka laga helayo degmada kaxda ayaa sheegaya
in xalay uu halkaas ka dhacay qarax lala bartilmaamsaday ciidamada dowladda
Soomaaliya.
Gaariga ay wateen ciidamada qaraxa lala bartilmaameedsaday
ayaa bas beelay, kaasoo inta la xaqiijiyay ay ku dhaawacmeen laba askari oo ka
tirsan ciidamada dowladda Soomaaliya.
Weerarradan ayaa waxay kusoo beegmayaa xilli falalka
ammaan-darro ay ka dhacayaan magaalada Muqdisho, kuwaasoo ay ka mid yihiin weerar
ay Al-shabaab ku qadday madaxtooyada Soomaaliya.
Maxamed X. Xuseen, Hiiraan Online
[email protected]
Muqdisho, Soomaaliya