Qaraxan oo ahaa mid xooggan, daryankiisana laga maqlay dhamaan xaafadaha magaalada ayaa ka dhacay nawaaxiga masjidka weyn ee Xaaji Jaamac ee magaalada Kismaayo, waxa uuna sababay khasaarooyin soo gaaray dad rayid ah, iyadoo uu ka badbaaday gaadiidkii lala damacsanaa weerarka.
Afar qof oo rayid ah oo ka mid ahaa dadkii ay waxyeelada kasoo gaartay weerarka ayaa la dhigay isbitalka guud ee magaalada Kismaayo sida ay HOL u xaqiijiyeen saraakiisha isbitalka Kismaayo.
Ilaa imika ma jirto cid sheegatay masuuliyadda weerarka, waxaana xaafaddaha ku dhow dhow halka uu weerarka ka dhacay ka soconaya howlgallo ballaaran oo lagu xaqiijinayo amniga.
Xasan Nuur, Hiiraan Online [email protected] Kismaayo, Soomaaliya