4/13/2021
Today from Hiiraan Online:  _
Wararka Maanta- Talaado, Feb 11, 2014
Kulanka FAGAARAHA oo markii ugu horreysay lagu qabtay Muqdisho


Talaado, Febraayo 11, 2014 (HOL) — Dood-cilmiyeedka loo yaqaano FAGAARAHA oo horay taxane uga ahayd magaalada Minneapolis ee waddanka Maraykanka ayaa markii ugu horraysay ka dhacday magaalada Muqdisho; iyadoo ay ka qaybgaleen wasiirro ka tirsan xukuumada Soomaaliya, xildhibaano, siyaasiyiin iyo aqoonyahanno.

Kulanka ayaa looga dooday qaabka ugu haboon ee loo heli karo dawlad wanaagsan ee Soomaaliya ay yeelato iyadoo uu daahfuray Sadik Warfa oo ah madaxa barnaamijyada dood cilmiyeedka ah ee fagaaraha kuwaasoo mar walba la isugu keeno aqoonyahanka iyo siyaasiyiinta Soomaalida si looga doodo badbaadinta dalka iyo xal u helida mushkilada Soomaaliya iyadoo la is waydaarsado fikirrada.

"Barnaamijkan waa mid aan ku dhiiri galinayno in Soomaalidu ay mar walba ka doodaan xal u helida mushkiladaha dalka ka taagan iyadoo la isticmaalayo qaab nabad galyo ah oo ku salaysan wadahadal" ayuu yiri madaxa barnaamijka fagaaraha Sadik Warfa.

Wasiirka cadaalada iyo arrimaha dastuurka Faarax C/qaadir oo kulankaasi ka qaybgalay ayaa sheegay in Soomaaliya ay taagantahay marxalad adag oo loo baahanyahay in dhammaan shacabka iyo dawladuba ay iska kaashadaan sidii loo adkayn lahaa hay’adaha dawlada loona sii wadi lahaa hannaanka ay Soomaaliya dawladnimadeeda ku soo ceshatay.

HALKAN KA DAAWO SAWIRRO BADAN:-


Wasiirka qorshaynta Siciid C/laahi (Danni) oo isna goobtaas ka hadlay aya sheegay in xukuumada Soomaaliya ay ka go’antahay adkaynta dawlada wanaagga oo ay ka mid tahay in shacabka lala wadaago doodaha furan si afkaarta la isu dhaafsado.

Yuusuf Garaad Cumar oo ka qaybgalay doodaasi ayaa sheegay in dawlad wanaaga ay ka mid tahay hufnaanta isagoo ku tilmaamay dawlada haatan jirta inay ku guul darraysatay sidii shacabka loogu soo gudbin lahaa halka uu marayo xaalka dalka.

"Rag yar ayaa dawlada isku koobay, shacabkana looma sharrixin sababta wax looga qaban la’ayahay amniga" ayuu yiri Yuusuf oo ka hadlayay kulankaasi.

Xildhibaan C/raxmaan Xoosh Jibriil oo kulankaas ka hadlay ayaa sheegay in aan xilligan lagu eedayn Karin dawladda dhisitaanka hay’adaha dawlada isagoo ku eedeeyay deeq bixiyayaasha inaysan lacagihii soo gaarsiinin dawlada taasoo dib u dhac ku keentay fulinta dhamaan mashaariicdii dalka laga fulin lahaa.

"Dawlada lagum eedayn karo dib u dhaca, annaga dawlado ayaa na taageera sida haatan lacagtu u soo daahday ayaa xilligayagii dhacday, taasna waxaa sabab u ah musuqmaasuqa nalaku eedeeyay" ayuu yiri Xoosh.

Kulanka oo dadweynihii kasoo qaybgalay ay su’aalo toos ah waydiinayeen masuuliyiintii halkaa fadhiday ayaa socday muddo dheer iyadoo doodaha ay ahaayeen kuwo si cilmiyaysan la isula qaadaa dhigayay qaabka ugu habboon ee Soomaaliya ay ku heli karto dawlad wanaagsan oo masuuliyad iska saarta dhisitaanka hay’adaha qaranka, soo celinta cadaalada iyo adkaynta amniga guud ee dalka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
2/11/2014 10:23 AM EST
Talaado, Federaayo, 11, 2014 (HOL) -Maxkamadda ciidamada qalabka sida ee Puntland -laanteeda gobollada Bari, Sanaag, Karkaar iyo Gardafuuy- ayaa maanta xukunno kala duwan ku riddey 3 nin oo lagu soo eedeeyey inay ka tirsan yihiin Ururka Al-shabaab.

2/11/2014 7:43 AM EST
Talaado, Federaayo, 11, 2014 (HOL) – Maxkamadda gobolka Banaadir ayaa maanta xukunno kala duwan ku ridday eedeysanayaal la horkeenay, kuwaasoo ku kala eedeysanaa dilal kala duwan iyo kufsi, waxaana dib loo celiyay dacwooyin eedeysanayaal kale.

2/11/2014 6:56 AM EST
Talaado, Federaayo, 11, 2014 (HOL) – Kulan ay ka soo qayb-galeen madax kala duwan oo Afrikaan ah iyo hay'adaha Qaramada Midoobay loogana hadlayay arimaha Qaxootiga Soomaaliya ayaa lagu qabtay magaalada Nairobi ee dalka Kenya,kaasi oo arimo badan lagu lafa-guray.

2/11/2014 6:54 AM EST
Talaado, Federaayo, 11, 2014 (HOL) – Shir ay ka soo qayb-galeen madax kala duwan oo Afrikaan ah iyo hay'adaha Qaramada Midoobay loogana hadlayay arimaha Qaxootiga Soomaaliya ayaa lagu qabtay magaalada Nairobi ee dalka Kenya,kaasi oo arimo badan lagu lafa-guray.

2/11/2014 3:49 AM EST
Talaado, Febraayo 11, 2014 (HOL) — War murtiyeed ay si wadajir ah u soo saareen wasiirka arrimaha dibadda Soomaaliya, Dr. C/raxmaan Ducaale Bulxan iyo dhiggiisa dalka Burundi, Laurent Kavakure ayaa lagu faahfaahiyay isfaham labada dowladood dhexmaray kaddib booqasho seddex cisho ah oo uu Muqdisho ku joogay wafdiga ka socda dowladda Burundi oo garoonka Muqdisho uu kusii sagootiyay gelinkii hore ee shalay wasiir-u-dowlaha wasaaradda, Burci Maxamed Xamza.

2/11/2014 3:29 AM EST
Talaado, Febraayo 11, 2014 (HOL) — Ra'iisul wasaaraha Soomaaliya, Cabdiweli Sheekh Axmed Maxamed ayaa ka qaybgalay munaasabad ballaaran oo looga hadlayay horumarinta kalluumeysiga iyo kheyraadka badda.

2/11/2014 3:20 AM EST
Talaado, Febraayo 11, 2014 (HOL) — Ciidamada Itoobiya ee qaybta ka ah howgalka Midowga Afirka ee AMISOM ayaa dhaqdhaqaaqyo ciidan ka billaabay gobolka Gedo oo ka mid ah gobollada lagu wareejiyay inay sugaan ammaankooda.

2/11/2014 3:19 AM EST
Talaado, Federaayo, 11, 2014 (HOL) - Kaddib markii uu soo baxay maalintii shalay warka ku saabsan qarax ka dhacay degmada Buula-burte ee gobolka Hiiraan, kaas oo ka dhashay gaari lagu dul diyaarinayay walxaha qarxa, ayaa saraakiisha ammaanka ee maamulka gobolka Hiiraan waxay sheegeen inay ka feejigan yihiin weerarro is qarxin ah oo ay damacsan yihiin Al-shabaab.

2/11/2014 3:10 AM EST
Talaado, Febraayo 11, 2014 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qayb-galay kulan looga hadlayay ammaanka oo ka dhacay degmada Howlwadaag ayaa sheegay in loo baahan yahay inay iskaashadaan dadweynaha iyo maamulka.

2/11/2014 2:57 AM EST
Talaado, Febraayo 11, 2014 (HOL) — Dowlada jarmalka ayaa u diyaar-garoobaysa sidii ay ugu biiri lahaayeen howl-galka Midowga Yurub ee Soomaaliya ,waxaana lagu wadaa in tiro ka tirsan ciidamada difaaca jarmalka ay ka qayb-qaataan tababarrada Midowga Yurub uu siiyo ciidamada dowladda Soomaaliya.