4/13/2021
Today from Hiiraan Online:  _
Wararka Maanta- Talaado, Feb 11, 2014
TARSAN: "Qofkii Shabaab ah ee la qabto waa in isla goobta lagu dilo"


/images/2013/Aug/Duqa_Muqdisho.jpg
Talaado, Febraayo 11, 2014 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qayb-galay kulan looga hadlayay ammaanka oo ka dhacay degmada Howlwadaag ayaa sheegay in loo baahan yahay inay iskaashadaan dadweynaha iyo maamulka.

Tarsan ayaa is-weydiiyay sababta dhibaatada, argagaxa iyo cabsida loo gelinayo shacabka ku nool gobolka Banaadir, isagoo ka dhawaajiyay in Muqdisho loo diidan yahay horumarka baaxadda leh ee ka jira iyo weliba nabadda.

"Waxaa rabnaa inaan is-weydiino sababta magaaladan colaada loo gelinayo, dabka looga shidayo, maxaa loogu diidan yahay horumarka, maxaa dadkeenna khilaafka loo dhex-gelinayaa, maxaa magaaladeenna bar-tilmaameed u noqotay, barakicin, cabsi iyo argagax loogu hayaa," ayuu Tarsan isweydiiyay, isagoo xusay in dhammaantood la garan karo sababaha ay u dhacayaan.

Sidoo kale, guddoomiyaha gobolka Banaadir ayaa soo jeediyay in qofkii Al-shabaab ka tirsan ee la qabto lagu dilo goobta lagu qabtay, isagoo shacabka ugu baaqay inay dhagax ku dilaan, maadaama uu banneystay dhiiggooda.

"Anigu waxaa la yaaban yahay xubnaha Al-shabaab ka tirsan ee waa la qabtay la yiraahdo halka la geeyo, waxaan soo jeedinayaa in barta lagu qabtay lagu dilo, waayo dhiigga ummadda ayay banneysteen, shacabka waa inay dhagax ku dilaan, in dhagax lagu dilo waxaan ahayn ma istaahilaan," ayuu hadalkiisa ku daray.

Dhanka kale, wuxuu sheegay inay dhamaatay xilligii ciidamada ay dagaalka la geli lahaayeen Al-shabaab oo loo baahan yahay in shacabka la dagaalamaan, wuxuuna dadweynaha ugu baaqay inay ka hortagaan oo ay iska difaacaan kuwa doonaya inay dhiiggooda daadiyaan.

Ugu dambeyn, duqa Muqdisho ayaa ku guubaabiyay shacabka inay soo sheegaan xubnaha Al-shabaab ka tirsran ee ku dhuumaaleysanaya degmooyinka Muqdisho, isla markaana hay'adaha amniga kusoo wargeliyaan si sharciga loo mariyo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
2/11/2014 10:23 AM EST
Talaado, Federaayo, 11, 2014 (HOL) -Maxkamadda ciidamada qalabka sida ee Puntland -laanteeda gobollada Bari, Sanaag, Karkaar iyo Gardafuuy- ayaa maanta xukunno kala duwan ku riddey 3 nin oo lagu soo eedeeyey inay ka tirsan yihiin Ururka Al-shabaab.

2/11/2014 7:43 AM EST
Talaado, Federaayo, 11, 2014 (HOL) – Maxkamadda gobolka Banaadir ayaa maanta xukunno kala duwan ku ridday eedeysanayaal la horkeenay, kuwaasoo ku kala eedeysanaa dilal kala duwan iyo kufsi, waxaana dib loo celiyay dacwooyin eedeysanayaal kale.

2/11/2014 6:56 AM EST
Talaado, Federaayo, 11, 2014 (HOL) – Kulan ay ka soo qayb-galeen madax kala duwan oo Afrikaan ah iyo hay'adaha Qaramada Midoobay loogana hadlayay arimaha Qaxootiga Soomaaliya ayaa lagu qabtay magaalada Nairobi ee dalka Kenya,kaasi oo arimo badan lagu lafa-guray.

2/11/2014 6:54 AM EST
Talaado, Federaayo, 11, 2014 (HOL) – Shir ay ka soo qayb-galeen madax kala duwan oo Afrikaan ah iyo hay'adaha Qaramada Midoobay loogana hadlayay arimaha Qaxootiga Soomaaliya ayaa lagu qabtay magaalada Nairobi ee dalka Kenya,kaasi oo arimo badan lagu lafa-guray.

2/11/2014 4:09 AM EST
Talaado, Febraayo 11, 2014 (HOL) — Dood-cilmiyeedka loo yaqaano FAGAARAHA oo horay taxane uga ahayd magaalada Minnesota ee waddanka Maraykanka ayaa markii ugu horraysay ka dhacday magaalada Muqdisho; iyadoo ay ka qaybgaleen wasiirro ka tirsan xukuumada Soomaaliya, xildhibaano, siyaasiyiin iyo aqoonyahanno.

2/11/2014 3:49 AM EST
Talaado, Febraayo 11, 2014 (HOL) — War murtiyeed ay si wadajir ah u soo saareen wasiirka arrimaha dibadda Soomaaliya, Dr. C/raxmaan Ducaale Bulxan iyo dhiggiisa dalka Burundi, Laurent Kavakure ayaa lagu faahfaahiyay isfaham labada dowladood dhexmaray kaddib booqasho seddex cisho ah oo uu Muqdisho ku joogay wafdiga ka socda dowladda Burundi oo garoonka Muqdisho uu kusii sagootiyay gelinkii hore ee shalay wasiir-u-dowlaha wasaaradda, Burci Maxamed Xamza.

2/11/2014 3:29 AM EST
Talaado, Febraayo 11, 2014 (HOL) — Ra'iisul wasaaraha Soomaaliya, Cabdiweli Sheekh Axmed Maxamed ayaa ka qaybgalay munaasabad ballaaran oo looga hadlayay horumarinta kalluumeysiga iyo kheyraadka badda.

2/11/2014 3:20 AM EST
Talaado, Febraayo 11, 2014 (HOL) — Ciidamada Itoobiya ee qaybta ka ah howgalka Midowga Afirka ee AMISOM ayaa dhaqdhaqaaqyo ciidan ka billaabay gobolka Gedo oo ka mid ah gobollada lagu wareejiyay inay sugaan ammaankooda.

2/11/2014 3:19 AM EST
Talaado, Federaayo, 11, 2014 (HOL) - Kaddib markii uu soo baxay maalintii shalay warka ku saabsan qarax ka dhacay degmada Buula-burte ee gobolka Hiiraan, kaas oo ka dhashay gaari lagu dul diyaarinayay walxaha qarxa, ayaa saraakiisha ammaanka ee maamulka gobolka Hiiraan waxay sheegeen inay ka feejigan yihiin weerarro is qarxin ah oo ay damacsan yihiin Al-shabaab.

2/11/2014 2:57 AM EST
Talaado, Febraayo 11, 2014 (HOL) — Dowlada jarmalka ayaa u diyaar-garoobaysa sidii ay ugu biiri lahaayeen howl-galka Midowga Yurub ee Soomaaliya ,waxaana lagu wadaa in tiro ka tirsan ciidamada difaaca jarmalka ay ka qayb-qaataan tababarrada Midowga Yurub uu siiyo ciidamada dowladda Soomaaliya.