4/13/2021
Today from Hiiraan Online:  _
Wararka Maanta- Talaado, Feb 11, 2014
Jarmalka oo Dowladda Somalia ka Taageeraya Tababarka Ciidamada


Talaado, Febraayo 11, 2014 (HOL) — Dowlada jarmalka ayaa u diyaar-garoobaysa sidii ay ugu biiri lahaayeen howl-galka Midowga Yurub ee Soomaaliya ,waxaana lagu wadaa in tiro ka tirsan ciidamada difaaca jarmalka ay ka qayb-qaataan tababarrada Midowga Yurub uu siiyo ciidamada dowladda Soomaaliya.

Afhayeen u hadlay wasaaradda difaaca Jarmalka ayaa warkan u xaqiijiyay warbaahinta,iyadoo dowladda Soomaaliya ay u baahantahay taageero dheeri ah oo ay ka hesho barnaamijka (EUTM) oo loogu tala-galay in lagu hormariyo ciidamada qalabka sida ee dowladda.

"Ciidamadeena waxey kaalin ku yeelan doonaan Africa mustaqbalka dhow," ayey tiri Vonder Leyen oo ah wasiiradda gaashaandhiga Jarmalka oo ka hadlaysay warkan la xiriira in ciidamo ka tirsan dowladeeda ay fulin doonaan tababaradaas.

Booqasho ay asbuuci hore ku tagtay wadamada Senegal iyo Mali ayey kula kulantay madax kala duwan oo afrikaan ah ,waxaana ay ballan-qaadday in ay taageero dheeri ah siin doonaan wadamo dhowr ah oo Soomaaliya ay ku jirto.

Ciidamo ka tirsan kuwa difaaca dowladda Jarmalka ayaa dhowr jeer oo hore ka qayb-qaatay tababarro ciidamda dowladda Soomaaliya lagu siinayay Uganda ,waxaana qorshahan uu qayb-ka yahay ku lug-lahaanshahooda qaaradda Afrika.

Ilaa sanadkii 2010-kii Midowga Yurub ayaa tababaray ciidamo gaaraya 3,600 oo askari ,kuwaasi oo qaarkood iminka ka howgala qaybo kamid ah Soomaaliya ,waana tiradii ugu badneyd oo dalka dibadiisa lagu tababaray tan iyo xilligii ay dhacday dowladdi dhexe ee dalka maamulaysay.

Faysal Mohamed Hassan
[email protected]












Click here
2/11/2014 10:23 AM EST
Talaado, Federaayo, 11, 2014 (HOL) -Maxkamadda ciidamada qalabka sida ee Puntland -laanteeda gobollada Bari, Sanaag, Karkaar iyo Gardafuuy- ayaa maanta xukunno kala duwan ku riddey 3 nin oo lagu soo eedeeyey inay ka tirsan yihiin Ururka Al-shabaab.

2/11/2014 7:43 AM EST
Talaado, Federaayo, 11, 2014 (HOL) – Maxkamadda gobolka Banaadir ayaa maanta xukunno kala duwan ku ridday eedeysanayaal la horkeenay, kuwaasoo ku kala eedeysanaa dilal kala duwan iyo kufsi, waxaana dib loo celiyay dacwooyin eedeysanayaal kale.

2/11/2014 6:56 AM EST
Talaado, Federaayo, 11, 2014 (HOL) – Kulan ay ka soo qayb-galeen madax kala duwan oo Afrikaan ah iyo hay'adaha Qaramada Midoobay loogana hadlayay arimaha Qaxootiga Soomaaliya ayaa lagu qabtay magaalada Nairobi ee dalka Kenya,kaasi oo arimo badan lagu lafa-guray.

2/11/2014 6:54 AM EST
Talaado, Federaayo, 11, 2014 (HOL) – Shir ay ka soo qayb-galeen madax kala duwan oo Afrikaan ah iyo hay'adaha Qaramada Midoobay loogana hadlayay arimaha Qaxootiga Soomaaliya ayaa lagu qabtay magaalada Nairobi ee dalka Kenya,kaasi oo arimo badan lagu lafa-guray.

2/11/2014 4:09 AM EST
Talaado, Febraayo 11, 2014 (HOL) — Dood-cilmiyeedka loo yaqaano FAGAARAHA oo horay taxane uga ahayd magaalada Minnesota ee waddanka Maraykanka ayaa markii ugu horraysay ka dhacday magaalada Muqdisho; iyadoo ay ka qaybgaleen wasiirro ka tirsan xukuumada Soomaaliya, xildhibaano, siyaasiyiin iyo aqoonyahanno.

2/11/2014 3:49 AM EST
Talaado, Febraayo 11, 2014 (HOL) — War murtiyeed ay si wadajir ah u soo saareen wasiirka arrimaha dibadda Soomaaliya, Dr. C/raxmaan Ducaale Bulxan iyo dhiggiisa dalka Burundi, Laurent Kavakure ayaa lagu faahfaahiyay isfaham labada dowladood dhexmaray kaddib booqasho seddex cisho ah oo uu Muqdisho ku joogay wafdiga ka socda dowladda Burundi oo garoonka Muqdisho uu kusii sagootiyay gelinkii hore ee shalay wasiir-u-dowlaha wasaaradda, Burci Maxamed Xamza.

2/11/2014 3:29 AM EST
Talaado, Febraayo 11, 2014 (HOL) — Ra'iisul wasaaraha Soomaaliya, Cabdiweli Sheekh Axmed Maxamed ayaa ka qaybgalay munaasabad ballaaran oo looga hadlayay horumarinta kalluumeysiga iyo kheyraadka badda.

2/11/2014 3:20 AM EST
Talaado, Febraayo 11, 2014 (HOL) — Ciidamada Itoobiya ee qaybta ka ah howgalka Midowga Afirka ee AMISOM ayaa dhaqdhaqaaqyo ciidan ka billaabay gobolka Gedo oo ka mid ah gobollada lagu wareejiyay inay sugaan ammaankooda.

2/11/2014 3:19 AM EST
Talaado, Federaayo, 11, 2014 (HOL) - Kaddib markii uu soo baxay maalintii shalay warka ku saabsan qarax ka dhacay degmada Buula-burte ee gobolka Hiiraan, kaas oo ka dhashay gaari lagu dul diyaarinayay walxaha qarxa, ayaa saraakiisha ammaanka ee maamulka gobolka Hiiraan waxay sheegeen inay ka feejigan yihiin weerarro is qarxin ah oo ay damacsan yihiin Al-shabaab.

2/11/2014 3:10 AM EST
Talaado, Febraayo 11, 2014 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qayb-galay kulan looga hadlayay ammaanka oo ka dhacay degmada Howlwadaag ayaa sheegay in loo baahan yahay inay iskaashadaan dadweynaha iyo maamulka.