4/17/2021
Today from Hiiraan Online:  _
Wararka Maanta- Isniin, Feb 10, 2014
Wasiirka cusub ee Dekedaha P/land oo xilka la wareegay(SAWIRRO)



Isniin, Febraayo 10, 2014 (HOL) –Xaflad gelinkii dambe ee shalay magaalada Boosaaso ka dhacday, ayaa waxaa si rasmi ah xilka ugula wareegay wasiirka cusub ee madaxweynaha Puntland C/weli Maxamed Cali Gaas uu dhowaan xilkaas usoo magacaabay.

Xil-wareejinta oo ka dhacday dakedda magaalada Boosaaso -oo ay ku taallo Xarunta Wasaaradda Dekedaha iyo Gaadiidka Badda- ayaa waxaa goob joog ka ahaa agaasimaha guud ee wasaradda, wasiiru dowlahii hore, guddoomiyaha gobolka Bari, duqa magaalada Boosaaso, agaasime waxeedyada wasaaradda iyo saraakiisha ammaanka ee dekadda Boosaaso.

C/majiid Samatar Maxamuud (Jaafaan) oo ah agaasimaha guud ee wasaaradda dekedaha gaadiidka bada iyo la-dagaalanka iyo burcad-badeedka ayaa ugu horrayn xafladda xil-wareejinta kahadlay.

Jaafaan ayaa ka warbixiyey waxyaabihii u qabsoomay wasaaradda, qorshaha wasaaradda ee shanta sano ee socota, ugu dambeyntiina dukumiintiyada wasaaradda ku wareejiyey wasiirka cusub C/laahi Jaamac Saalax, maadaama wasiirkii hore uu safar dalka dibaddiisa ah ku maqan yahay.
HALKAN KA DAAWO SAWIRRO BADAN:

Wasiirka cusub Cabdullahi Jaamac Saalax ayaa soo xiray xafladda, waxuuna si weyn u ammaanay mas’uuliyiintii hore ee wasaaradda isagoona sheegay in ay wax badan ka qabteen wasaarada waxna u dhimanyahiin, inta kadhimanna ay dhamaystiri doonaan.

Ugu danbayntii xafladdu markii ay soo gaba gabowday, wasiirka wasaaradda dekedaha gaadiidka badda iyo la-dagaalanka Burcad-badeeda Cabdullahi Jaamac Saalax, ayaa mid mid u kormeeray waaxyaha kala duwan ee wasaaradda iyo xafiisyada ay ku shaqeeyaan.

Todobaadyadii u dambeeyey waxaa xilalka la kala wareegayey wasiiradda cusub ee Puntland iyo wasiirradii hore ee ku jirey xukuumaddii Madaxweyne Faroole.

Maxamed Salaad Xaaji Dirir, Hiiraan Online
[email protected]
Puntland, Soomaaliya

 












Click here
2/10/2014 10:23 AM EST
Isniin, Febraayo 10, 2014 (HOL) –Wafdi uu hogaaminayo Madaxweeynaha maamulka Jubba Sheekh Axmed Max'ed Islaam (Axmed Madoobe) iyo qaar kamid ah siyaasiyiintii kasoo horjeeday maamulkiisa islamarkaana mudooyinkii u danbeeyay ku sugnaa magaalada Muqdisho ayaa maanta si diiran loogu soo dhaweeyay garoonka diyaaradaha magaalada Kismaayo.

2/10/2014 9:18 AM EST
Isniin, Febaraayo 10, 2014 (HOL) - Faahfaahin dheeraad ah ayaa ka soo baxaya qaraxa Muqdisho lagula eegtay maanta mas'uul sare oo ka tirsan maamulka gobolka Shabeellada Hoose, kaasoo aanay jirin illaa hadda sheegatay mas'uuliyaddiisa.

2/10/2014 8:36 AM EST
Isniin, Febaraayo 10, 2014 (HOL) — Madaxweynaha Puntland, C/wali Maxamed Cali Gaas ayaa maanta shir-guddoomiyey kulankii ugu horreeyay ee ay yeeshan golaha wasiirrada cusub ee Puntland, waxaana looga hadlay arrimo badan.

2/10/2014 8:27 AM EST
Isniin, Febaraayo 10, 2014 (HOL) — Khilaafkii siyaasadeed ee golaha wakiiladda Somaliland ka taagnaa ayaa waxa maanta dajiyey xubno ka tirsan golaha Guurtidda iyo Akadamiga nabadda Somaliland, kuwaas oo muddo todobaad ah ka codsaday golaha inay fasax galaan ka dibna dib la iskugu soo noqdo

2/10/2014 7:33 AM EST
Isniin, Febraayo 10, 2014 (HOL) – Ciidammo ka tirsanaa jabhadda ONLF ayaa la sheegay inay isku soo dhiibeen Taliska amniga dowlad deegaanka Soomaalida Itoobiya, iyadoo ciidamadan lagu qanciyay inay nabadda qaataan si looga gudbo caqabadaha hortaagan is-fahan dhamaystiran oo ay gaaraan dhinacyada dowladda iyo mucaaradka.

2/10/2014 7:27 AM EST
Isniin, Febraayo 10, 2014 (HOL) – Taliska ciidanka nabadgelyada waddooyinka Muqdisho ayaa sheegay in in bishii lasoo dhaafay ee Jannaayo ay dhaceen shilalkii ugu badnaa uguna khasaaraha badnaa, iyadoo ay ku soo badanayaan Muqdisho gaadiidka yar-yar ee sida gaarka ah loo leeyahay.

2/10/2014 7:14 AM EST
Isniin, Febraayo 10, 2014 (HOL) – Guddoomiyaha howlaha baarlamaanka Kenya, Aadan Barre Ducaale ayaa ka hadlay arrimaha ciidanka Kenya ee qaybta ka ah howlgalka AMISOM oo la sheegay inay ka baxayaan magaalada Kismaayo ee xarunta gobolka Jubbada Hoose, isagoo beeniyay in ciidanka Kenya ay ka baxayaan Kismaayo.

2/10/2014 6:46 AM EST
Isniin, Febraayo 10, 2014 (HOL) – Qarax ayaa goor dhow ka dhacay jidka Maka Al-mukarama ee magaalada Muqdisho. Gaari laga soo buuxiyey walxaha qarxa ayaa la sheegay inuu ku qarxay inta u dhexeysa Taree Biyaano iyo KM4.

2/10/2014 6:33 AM EST
Isniin, Feberaayo 10, 2014 (HOL) - Mas'uuliyiinta maamul gobolka Hiiraan ayaa faah faahin dheeraad ah ka bixiyay xariga rag sheegtay in ay madax ka yihiin maamul gobolleedka la baxay Hiiraan State, oo dhawaan soo gaaray magaalada Beledweyne.