10/14/2019
Today from Hiiraan Online:  _
Wararka Maanta- Jimco, Sept 27, 2013
Kenya oo Sheegtay in Ciidankeedu ay sii joogi Doonaan Somalia ayna xoojin doonto dagaalka ay kula jirto Ururka Al-shabaab



Jimco, September 27, 2013 (HOL) — Kenya ayaa sheegtay jimcaha maanta ah in aysan ciidamadeeda kala baxayn Soomaaliya, iyagoo hadalkii kasoo yeeray hoggaamiyaha Al-sabaab ee ahaa inay weerarro kale ka geysanayaan Kenya ku tilmaamay mid aan wax macno ah ku fadhin.

“Ciidamadeennu way sii joogayaan Soomaaliya, waayo Al-shabaab waxay ku tahay khatar ammaankeenna… waxaa naga go’an inaan xoojinno dagaalka aan kula jirno kooxdan tan iyo inta uu ammaanka dalkeennu uu noqonayo mid ka nabad gala weerarraada kooxdan,” sidaa waxaa warbaahinta Nairobi ugu sheegay wasiirka arrimaha gudaha Kenya, Joseph Ole Lenku.

Hadalkan ayaa wuxuu imaanayaa iyadoo hoggaamiyaha guud ee Al-shabaab uu sheegay shalay inay sii wadayaan weerarrada ay Kenya ka geysanayaan haddii aysan dowladda Kenya ciidamadeeda sida ugu dhaqsiyaha badan ugala bixin Soomaaliya.

Kenya ayaa waxay kumannaan askarteeda ka tirsan u soo dirtay Soomaaliya laba sano ka hor si ay ula dagaalamaan Al-shabaab, waxaase Al-shabaab ay ku guuleysatay inay dalka Kenya ka geysato weerarro labadaas sano, kuwaasoo uu ku jiray midkii maalmo ka hor lagu qaaday suuqa Westgate Mall oo ay ku dhinteen dad ku dhow 70-qof.

Dadkii ku dhintay weerradaas ayaa waxaa ku jiray dad ajnabi ah oo u kala dhashay dalalka: Britain, Kanada, Shiinaha, Faransiiska, Holland, Hindiya, Koonfur Afrika, Soomaaliya iyo Koonfurta Kuuriya.

Hay’adda laan-qayrta cas ee Kenya ayaa sheegtay in weli ay maqan yihiin 59 qof oo lagu waayay weerarkii suuqa Westgate oo billowday Sabtidii lasoo dhaafay, kaasoo sheegatay mas'uuliyaddiisa Xarakada Al-shabaab ee ka dagaalanta gudaha Soomaaliya.

Madaxweynaha Kenya, Uhuru Kenyatta ayaa ka qayb-galay maanta aaska dad ku dhintay weerarkii Westgate, kuwaasoo ay ku jireen kuwo ehel ahaayeen, waxaana uu ku sheegay hadal uu jeediyay in Kenya ay ka aargudan doonto Al-shabaab.

Dhanka kale, ciidamada Kenya oo kaashanayo quburo caalami ah oo ka socda dalal ay ka mid yihiin: Britain, Mareykanka, Israa’iil, Jarmalka, Kanada iyo xubno ka tirsan booliiska adduunka ee Interpol ayaa waxay baaritaanno ka wadaan dhismaha Westgate, halkaasoo maanta laga helay bambooyinka gacnta laga tuuro oo aan weli qarxin iyo dad la la'aa.

Wasiirka arrimaha gudaha Kenya, Ole Lenku ayaa sheegay in shan ka mid ah kooxihii ka dambeeyay weerarka la dilay intii uu socday howlgalkii lagu badbaadinayay dhismahaas oo ku yaalla bartamaha Nairobi, saddex kale ayuu inay booliisku gacanta ku hayaan ayna ku socdaan baaritaanno.

Mas’uuliyiinta Kenya ayaa sheegay in weerarkan uu ahaa kii ugu xumaa ee dalkooda soo mara tan iyo 1998-kii markaasoo xubno taabacsan Al-Qaacida ay qarxiyeen safaaradda Mareykanka uu ku leeyahay Nairobi, weerarkaasoo ay ku dhinteen dad ka badan 250-qof.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
9/27/2013 1:15 PM EST
Wakiilka gaarka ah ee Xoghayaha Guud ee Qaramada Midoobay Nickolas Key ayaa la kulmay jaaliyadda soomaaliyeed ee London galabnimadii Axadda 22 sebtember. Kulankaas oo ay dad badani ka soo qeyb galeen ayaa waxaa ku wehlinayey Danjiraha Soomaaliya u fadhiya UK Mudane Cabdullaahi

9/27/2013 12:12 PM EST
Jimco, September 27, 2013 (HOL) — Xoghayaha guud ee Qaramada Midoobay, Ban Ki-Moon oo hadal ka jeediyay shir looga hadlayay la dagaalanka kooxaha argagaxisada ah ayaa soo jeediyay in caalamku uu hal meel uga soo wada-jeesto dagaalka lagula jiro Al-shabaabta Soomaaliya.

9/27/2013 10:40 AM EST
Jimco, September 27, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa xalay kulan kula yeeshay magaalada Anrka ee xarunta dalka Kenya, ra’iisul wasaaraha Turkiga, Recep Tayyip Erdogan iyagoo kawada hadlay xiriirka labada dal iyo iskaashiga u dhexeeya.

9/27/2013 9:37 AM EST
Jimco, September 27, 2013 (HOL) — Xaafadda Islii (Eastleigh) ee magaalada Nairobi ee xarunta dalka Kenya ayaa waxaa maalmihii uu socday weerarkii lagu qaaday Westgate Mall waxaa ka jiray baqdin iyadoo ganacsiga uu hoos u dhacay, inkastoo maanta oo Jimco ah uu dib u soo laabtay guud ahaan ganacsigii ka jiray xaafaddaas.

9/27/2013 9:21 AM EST
Jimco, September 27, 2013 (HOL) — Booliiska dalka Kenya ayaa maanta soo bandhigay wiil Soomaali-British ah oo ay sheegeen inay uga baqdin qabaan in uu ka mid ahaa kooxihii weeraray dhismaha ganacsiga Westgate Mall oo maalmo ay gacanta ku hayeen kooxo ka tirsan Al-shabaab.

9/27/2013 9:15 AM EST
Jimco, September 27, 2013 (HOL) — Suuqa magaaladda Laascaanood ee xarunta gobolka Sool ayaa waxaa maanta ka dhacay banaan-bax rabshad wata oo ka dhan ah ganacsatada kasoo jeedda gobollada Koonfurta ee Soomaaliya.

9/27/2013 8:44 AM EST
Jimco, September 27, 2013 (HOL) — Afhayeenka howgallada ee Al-shabaab, Sheekh C/casiis Abuu-Muscab oo la hadlay warbaahinta afkooda ku hadasha ayaa ka warbixiyay weerar ay habeen hore ku qaadeen xoogagooda saldhig booliis oo ku yaalla degmada Mandheera ee gobolka Waqooyi-bari Kenya.

9/27/2013 8:28 AM EST
Jimco, September 27, 2013 (HOL) — Xukuumadda dalka Turkiga ayaa sheegtay inay ka caawinayso dowladda Soomaaliya la-dagalaanka kooxaha argagixisada ah si looga hortago dhibaatooyinka khatarta ah ee ay ka geysanayaan Soomaaliya, kaddib kulan dhexmaray Ra'iisul wasaaraha Somaliya iyo ra'iisul wasaare ku xigeenka dalka Turkiga.

9/27/2013 7:52 AM EST
Jimco, September 27, 2013 (HOL) — Culummada Mulimiinta dalka Kenya ayaa ku cambaareeyay khudbadii Jimcaha ee maanta weerarkii dhowrka maalmood qaatay ee Al-shabaab ay ku qaadday dhismaha ganacsiga ee Westgate Mall.

9/27/2013 7:39 AM EST
Jimco, September 27, 2013 (HOL) — Dalalka Burund iyo Uganda oo ay kaga sugan yihiin ciidammo qayb ka ah howgalka Midowga Afrika ee AMISOM ayaa billaabay in ammaanka guud ee dalalkooda ay adkeeyaan iyagoo baqdin ka qaba in Al-shabaab ay weerarro kaga yimaadaan, kaddib weerarkii ay ka geysteen magaalada Nairobi ee xarunta dalka Kenya.

9/27/2013 7:26 AM EST
Jimco, September 27, 2013 (HOL) —Dowladda hoose Magaalada Laascaanood ee gobolka Sool ayaa billowday qorshe ay ku dhisayaan waddo laami ah oo isku xirta Isbitaalka guud ee magaalada.

9/27/2013 7:24 AM EST
Jimco, September 27, 2013 (HOL) — Barakacyaal jooga degmada Ceelberde ee gobolka Bakool oo markii hore ka yimid degmada Xudur oo xarun u ah gobolkaas ayaa laga dayrinayaa xaaladooda cunno iyo iyo biyo.

9/27/2013 2:37 AM EST
Jimco, September 27, 2013 (HOL) — Madaxweynaha Somalia, Xasan Sheekh Maxamuud oo khudbad ka jeediyay xalay shirka sannadlaha ah ee UN-ka ayaa ka hadlay arrimo badan oo horyaalla dowladda Somalia sida amniga iyo muhiimadda ay leedahay in la taagero hay’adaha dowliga ah ee Soomaaliya.

9/27/2013 2:33 AM EST
Jimco, September 27, 2013 (HOL) — Wasiirka wasaarada duulista hawadda iyo gaadiidka cirka Somaliland Mr:Maxamuud Xaashi Cabdi, ayaa soo bandhigay sidii loo dayactiray iyo kharashkii ku baxay madaaradda Somaliland, waxaanu naqdiyey siyaasiyiinta mucaaradka oo uu sheegay in wax aanay aqoon u lahayn dhaliilaya.