10/21/2019
Today from Hiiraan Online:  _
Wararka Maanta- Isniin, Sept 27, 2013
Xoghayaha Guud ee Qaramada Midoobay oo ku baaqay in Dagaallada lagula jiro Al-shabaab Hal Meel looga soo Wada-jeesto



Jimco, September 27, 2013 (HOL) — Xoghayaha guud ee Qaramada Midoobay, Ban Ki-Moon oo hadal ka jeediyay shir looga hadlayay la dagaalanka kooxaha argagaxisada ah ayaa soo jeediyay in caalamku uu hal meel uga soo wada-jeesto dagaalka lagula jiro Al-shabaabta Soomaaliya.

Shirkan oo ay soo qabanqaabiyeen dalalka Itoobiya iyo Talyaaniga ayuu ka sheegay Ban Ki-Moon in Al-shabaab ay khatar weyn ku tahay Soomaaliya iyo caalamka oo dhan, isagoo sheegay in loo baahan yahay in dagaalkooda la iska kaashado.

“Dagaal lala galo Al-shabaab wuxuu yareynayaa khatartooda, waa in laga qayb-qaato dhismaha ciidamada xoogga Soomaaliya oo meesha ka saari kara Al-shabaab,” ayuu Ki-Moon ka sheegay shirka.

Sidoo kale, Ban Ki-moon wuxuu muujiyay muhiimadda ay leedahay in laga qaybqaato dib u dhiska ciidamada ciidamada Soomaaliya, isagoo sheegay inuu ku kalsoon yahay inay ka hortegi karaan khataraha argagaxisada.

Dhanka kale, Ban Ki-Moon ayaa ku ammaanay dowladda Itoobiya kaalintii ay ka qaadatay heshiiskii dhexmaray dowladda Soomaaliya iyo maamulka KMG ah ee Jubba, kaasoo bishii lasoo dhaafay dhammaadkeeda lagu saxiixay magaalada Addis Ababa ee xarunta Itoobiya.

Madaxweynaha Soomaaliya, Xasan Sheekh Maxamuud ayaa ka qaybgalay shirkan, isagoo ka hadlay dadaalka ay dowladdiisu ugu jirto sidii ay uga adkaan lahayd Al-shabaab oo uu sheegay inay khatar ku tahay dunida oo dhan.

“Al-shabaab waa koox khatar weyn ku ah Soomaaliya, sidoo kale waxay ku yihiin khatar dalalka Afirka iyo caalamka oo dhan, dunida oo dagaalka lagula jiro meel uga soo wada-jeesatana waxayna yareyn kartaa khatartooda,” ayuu madaxweynuhu ka sheegay shirka.

Sidoo kale, madaxweyne Xasan Sheekh ayaa sheegay in dowladdiisu ay mar walba muhiimadda koowaad siinayso dhismaha ciidamada qalabka sida iyo sugidda ammaanka, isagoo xusay in ciidamada dowladda iyo kuwa AMISOM ay kaga adkaadeen Al-shabaab dagaalkii fool-ka-foolka ahaa.

Shirkan oo lagu qabtay magaalada New York ee dalka Mareykanka ayaa wuxuu noqonayaa kii ugu horreeyay noociisa oo dunid ay qaybato, iyadoo Al-shabaab ay sheegatay inay mas’uul ka tahay weerarkii maalmo ka hor lagu qaaday xarunta ganacsiga Westgate Mall ee magaalada Nairobi.

Xarakada Al-shabaab oo labadii sano ee lasoo dhaafay dhul ballaaran looga qabsaday dagaallo ka dhacay gudaha Soomaaliya ayaa waxay mar kale u muuqataa inay xoojisay weerarradeeda gaadmada ah ee ay ka geysanayso Soomaaliya iyo dalalka dariska ah.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
9/27/2013 1:15 PM EST
Wakiilka gaarka ah ee Xoghayaha Guud ee Qaramada Midoobay Nickolas Key ayaa la kulmay jaaliyadda soomaaliyeed ee London galabnimadii Axadda 22 sebtember. Kulankaas oo ay dad badani ka soo qeyb galeen ayaa waxaa ku wehlinayey Danjiraha Soomaaliya u fadhiya UK Mudane Cabdullaahi

9/27/2013 12:38 PM EST
Jimco, September 27, 2013 (HOL) — Kenya ayaa sheegtay jimcaha maanta ah in aysan ciidamadeeda kala baxayn Soomaaliya, iyagoo hadalkii kasoo yeeray hoggaamiyaha Al-sabaab ee ahaa inay weerarro kale ka geysanayaan Kenya ku tilmaamay mid aan wax macno ah ku fadhin.

9/27/2013 10:40 AM EST
Jimco, September 27, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa xalay kulan kula yeeshay magaalada Anrka ee xarunta dalka Kenya, ra’iisul wasaaraha Turkiga, Recep Tayyip Erdogan iyagoo kawada hadlay xiriirka labada dal iyo iskaashiga u dhexeeya.

9/27/2013 9:37 AM EST
Jimco, September 27, 2013 (HOL) — Xaafadda Islii (Eastleigh) ee magaalada Nairobi ee xarunta dalka Kenya ayaa waxaa maalmihii uu socday weerarkii lagu qaaday Westgate Mall waxaa ka jiray baqdin iyadoo ganacsiga uu hoos u dhacay, inkastoo maanta oo Jimco ah uu dib u soo laabtay guud ahaan ganacsigii ka jiray xaafaddaas.

9/27/2013 9:21 AM EST
Jimco, September 27, 2013 (HOL) — Booliiska dalka Kenya ayaa maanta soo bandhigay wiil Soomaali-British ah oo ay sheegeen inay uga baqdin qabaan in uu ka mid ahaa kooxihii weeraray dhismaha ganacsiga Westgate Mall oo maalmo ay gacanta ku hayeen kooxo ka tirsan Al-shabaab.

9/27/2013 9:15 AM EST
Jimco, September 27, 2013 (HOL) — Suuqa magaaladda Laascaanood ee xarunta gobolka Sool ayaa waxaa maanta ka dhacay banaan-bax rabshad wata oo ka dhan ah ganacsatada kasoo jeedda gobollada Koonfurta ee Soomaaliya.

9/27/2013 8:44 AM EST
Jimco, September 27, 2013 (HOL) — Afhayeenka howgallada ee Al-shabaab, Sheekh C/casiis Abuu-Muscab oo la hadlay warbaahinta afkooda ku hadasha ayaa ka warbixiyay weerar ay habeen hore ku qaadeen xoogagooda saldhig booliis oo ku yaalla degmada Mandheera ee gobolka Waqooyi-bari Kenya.

9/27/2013 8:28 AM EST
Jimco, September 27, 2013 (HOL) — Xukuumadda dalka Turkiga ayaa sheegtay inay ka caawinayso dowladda Soomaaliya la-dagalaanka kooxaha argagixisada ah si looga hortago dhibaatooyinka khatarta ah ee ay ka geysanayaan Soomaaliya, kaddib kulan dhexmaray Ra'iisul wasaaraha Somaliya iyo ra'iisul wasaare ku xigeenka dalka Turkiga.

9/27/2013 7:52 AM EST
Jimco, September 27, 2013 (HOL) — Culummada Mulimiinta dalka Kenya ayaa ku cambaareeyay khudbadii Jimcaha ee maanta weerarkii dhowrka maalmood qaatay ee Al-shabaab ay ku qaadday dhismaha ganacsiga ee Westgate Mall.

9/27/2013 7:39 AM EST
Jimco, September 27, 2013 (HOL) — Dalalka Burund iyo Uganda oo ay kaga sugan yihiin ciidammo qayb ka ah howgalka Midowga Afrika ee AMISOM ayaa billaabay in ammaanka guud ee dalalkooda ay adkeeyaan iyagoo baqdin ka qaba in Al-shabaab ay weerarro kaga yimaadaan, kaddib weerarkii ay ka geysteen magaalada Nairobi ee xarunta dalka Kenya.

9/27/2013 7:26 AM EST
Jimco, September 27, 2013 (HOL) —Dowladda hoose Magaalada Laascaanood ee gobolka Sool ayaa billowday qorshe ay ku dhisayaan waddo laami ah oo isku xirta Isbitaalka guud ee magaalada.

9/27/2013 7:24 AM EST
Jimco, September 27, 2013 (HOL) — Barakacyaal jooga degmada Ceelberde ee gobolka Bakool oo markii hore ka yimid degmada Xudur oo xarun u ah gobolkaas ayaa laga dayrinayaa xaaladooda cunno iyo iyo biyo.

9/27/2013 2:37 AM EST
Jimco, September 27, 2013 (HOL) — Madaxweynaha Somalia, Xasan Sheekh Maxamuud oo khudbad ka jeediyay xalay shirka sannadlaha ah ee UN-ka ayaa ka hadlay arrimo badan oo horyaalla dowladda Somalia sida amniga iyo muhiimadda ay leedahay in la taagero hay’adaha dowliga ah ee Soomaaliya.

9/27/2013 2:33 AM EST
Jimco, September 27, 2013 (HOL) — Wasiirka wasaarada duulista hawadda iyo gaadiidka cirka Somaliland Mr:Maxamuud Xaashi Cabdi, ayaa soo bandhigay sidii loo dayactiray iyo kharashkii ku baxay madaaradda Somaliland, waxaanu naqdiyey siyaasiyiinta mucaaradka oo uu sheegay in wax aanay aqoon u lahayn dhaliilaya.