10/20/2019
Today from Hiiraan Online:  _
Wararka Maanta- Jimco, Sept 27, 2013
Afhayeenka Al-shabaab oo ka Warbixiyay Weerar Gaadmo ah Xoogaggoodu ay ku Qaadeen Degmada Mandheera ee dalka Kenya


Jimco, September 27, 2013 (HOL) — Afhayeenka howgallada ee Al-shabaab, Sheekh C/casiis Abuu-Muscab oo la hadlay warbaahinta afkooda ku hadasha, ayaa ka warbixiyay weerar ay habeen hore ku qaadeen saldhig booliis oo ku yaalla degmada Mandheera ee gobolka Waqooyi-bari Kenya.

Sheekh Abuu-Muscab ayaa sheegay inay weerareen saldhig Mandheera ku yaalla oo ay ku sugnaayeen ciidamo ka tirsan booliiska Kenya, ayna halkaas ugu geysteen khasaarooyin isugu jira dhimasho, dhaawacyo burbur gaadiid.

“Mujaahidiintu waxay habeen hore weerareen saldhig ay ciidmada Booliisku ku leeyihiin Mandheera, waxayna halkaas ku dileen saddex sarkaal oo ka tirsan booliiska Kenya, shan kalena way dhaawaceen,” ayuu yiri afhayeenka oo sheegay in ciidamadooda ay si nabadgalyo ah kusoo laabteen.

Afhayeenku wuxuu intaa ku daray in weerarku uu ahaa mid gaadmo ah uuna qayb ka yahay weerarrada ay doonayaan inay Kenya ku dhibaateeyaan, isagoo ku sheegay hadalkiisa in ammaankii Kenya ka jiray uu burburay.

“Weerarkaa waxay mujaahidiintu ku burburiyeen gaadiid ay ciidamadaasi u adeegsan jireen dhibaateynta dadka muslimiinta ah, cawaaqib-xumo aad u weyn ayaana ka raacday,” ayuu hadalkiisa ku daray afhayeenku.

Sidoo kale, wuxuu sheegay inay xoogaggoodu weerareen saldhig kale oo ku yaalla degmada Wajeer ee gobolka Waqooyi-bari ee Kenya halkaasoo ay ku dileen sida uu sheegay saraakiil  Kenyan ah kuwo kalena ay dhaawacyo ugu geystneen, inkastoo uusan sheegin tiradooda.

Al-shabaab ayaa ku goodisay inay sii wadayso weerrarada ay Kenya ka geysanayso, tan iyo markii ay kooxdan sheegatay weerar afar maalmood qaatay oo ay ku qaadeen dhismaha ganacsiga Westgate Mall ee Nairobi.

Dhanka kale, hoggaamiyaha guud ee Al-shabaab, Axmed Cabdi Godane oo loo yaqaan Sheekh Mukhtar C/raxmaan Abuu-Zubeyr ayaa ku goodiyay inay weerarro kale oo waaweyn ku qaadi doonaan Kenya, haddii aysan sida ugu dhaqsiyaha badan ciidamadooda ugala bixin Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
9/27/2013 1:15 PM EST
Wakiilka gaarka ah ee Xoghayaha Guud ee Qaramada Midoobay Nickolas Key ayaa la kulmay jaaliyadda soomaaliyeed ee London galabnimadii Axadda 22 sebtember. Kulankaas oo ay dad badani ka soo qeyb galeen ayaa waxaa ku wehlinayey Danjiraha Soomaaliya u fadhiya UK Mudane Cabdullaahi

9/27/2013 12:38 PM EST
Jimco, September 27, 2013 (HOL) — Kenya ayaa sheegtay jimcaha maanta ah in aysan ciidamadeeda kala baxayn Soomaaliya, iyagoo hadalkii kasoo yeeray hoggaamiyaha Al-sabaab ee ahaa inay weerarro kale ka geysanayaan Kenya ku tilmaamay mid aan wax macno ah ku fadhin.

9/27/2013 12:12 PM EST
Jimco, September 27, 2013 (HOL) — Xoghayaha guud ee Qaramada Midoobay, Ban Ki-Moon oo hadal ka jeediyay shir looga hadlayay la dagaalanka kooxaha argagaxisada ah ayaa soo jeediyay in caalamku uu hal meel uga soo wada-jeesto dagaalka lagula jiro Al-shabaabta Soomaaliya.

9/27/2013 10:40 AM EST
Jimco, September 27, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa xalay kulan kula yeeshay magaalada Anrka ee xarunta dalka Kenya, ra’iisul wasaaraha Turkiga, Recep Tayyip Erdogan iyagoo kawada hadlay xiriirka labada dal iyo iskaashiga u dhexeeya.

9/27/2013 9:37 AM EST
Jimco, September 27, 2013 (HOL) — Xaafadda Islii (Eastleigh) ee magaalada Nairobi ee xarunta dalka Kenya ayaa waxaa maalmihii uu socday weerarkii lagu qaaday Westgate Mall waxaa ka jiray baqdin iyadoo ganacsiga uu hoos u dhacay, inkastoo maanta oo Jimco ah uu dib u soo laabtay guud ahaan ganacsigii ka jiray xaafaddaas.

9/27/2013 9:21 AM EST
Jimco, September 27, 2013 (HOL) — Booliiska dalka Kenya ayaa maanta soo bandhigay wiil Soomaali-British ah oo ay sheegeen inay uga baqdin qabaan in uu ka mid ahaa kooxihii weeraray dhismaha ganacsiga Westgate Mall oo maalmo ay gacanta ku hayeen kooxo ka tirsan Al-shabaab.

9/27/2013 9:15 AM EST
Jimco, September 27, 2013 (HOL) — Suuqa magaaladda Laascaanood ee xarunta gobolka Sool ayaa waxaa maanta ka dhacay banaan-bax rabshad wata oo ka dhan ah ganacsatada kasoo jeedda gobollada Koonfurta ee Soomaaliya.

9/27/2013 8:28 AM EST
Jimco, September 27, 2013 (HOL) — Xukuumadda dalka Turkiga ayaa sheegtay inay ka caawinayso dowladda Soomaaliya la-dagalaanka kooxaha argagixisada ah si looga hortago dhibaatooyinka khatarta ah ee ay ka geysanayaan Soomaaliya, kaddib kulan dhexmaray Ra'iisul wasaaraha Somaliya iyo ra'iisul wasaare ku xigeenka dalka Turkiga.

9/27/2013 7:52 AM EST
Jimco, September 27, 2013 (HOL) — Culummada Mulimiinta dalka Kenya ayaa ku cambaareeyay khudbadii Jimcaha ee maanta weerarkii dhowrka maalmood qaatay ee Al-shabaab ay ku qaadday dhismaha ganacsiga ee Westgate Mall.

9/27/2013 7:39 AM EST
Jimco, September 27, 2013 (HOL) — Dalalka Burund iyo Uganda oo ay kaga sugan yihiin ciidammo qayb ka ah howgalka Midowga Afrika ee AMISOM ayaa billaabay in ammaanka guud ee dalalkooda ay adkeeyaan iyagoo baqdin ka qaba in Al-shabaab ay weerarro kaga yimaadaan, kaddib weerarkii ay ka geysteen magaalada Nairobi ee xarunta dalka Kenya.

9/27/2013 7:26 AM EST
Jimco, September 27, 2013 (HOL) —Dowladda hoose Magaalada Laascaanood ee gobolka Sool ayaa billowday qorshe ay ku dhisayaan waddo laami ah oo isku xirta Isbitaalka guud ee magaalada.

9/27/2013 7:24 AM EST
Jimco, September 27, 2013 (HOL) — Barakacyaal jooga degmada Ceelberde ee gobolka Bakool oo markii hore ka yimid degmada Xudur oo xarun u ah gobolkaas ayaa laga dayrinayaa xaaladooda cunno iyo iyo biyo.

9/27/2013 2:37 AM EST
Jimco, September 27, 2013 (HOL) — Madaxweynaha Somalia, Xasan Sheekh Maxamuud oo khudbad ka jeediyay xalay shirka sannadlaha ah ee UN-ka ayaa ka hadlay arrimo badan oo horyaalla dowladda Somalia sida amniga iyo muhiimadda ay leedahay in la taagero hay’adaha dowliga ah ee Soomaaliya.

9/27/2013 2:33 AM EST
Jimco, September 27, 2013 (HOL) — Wasiirka wasaarada duulista hawadda iyo gaadiidka cirka Somaliland Mr:Maxamuud Xaashi Cabdi, ayaa soo bandhigay sidii loo dayactiray iyo kharashkii ku baxay madaaradda Somaliland, waxaanu naqdiyey siyaasiyiinta mucaaradka oo uu sheegay in wax aanay aqoon u lahayn dhaliilaya.