3/29/2024
Today from Hiiraan Online:  _
Wararka Maanta- Jimco, Sept 27, 2013
MADAXWEYNAHA SOOMAALIYA: “Al-Shabaab waan la dagaalanay waana ka guuleysannay, inta hartayna waan dhameystiraynaa“


Jimco, September 27, 2013 (HOL) — Madaxweynaha Somalia, Xasan Sheekh Maxamuud oo khudbad ka jeediyay xalay shirka sannadlaha ah ee UN-ka ayaa ka hadlay arrimo badan oo horyaalla dowladda Somalia sida amniga iyo muhiimadda ay leedahay in la taagero hay’adaha dowliga ah ee Soomaaliya.

Xasan Sheekh ayaa wuxuu ku yiri khudbaddiisa: “Al-shabaab magaalooyinka waan ka saarnay, waxaana kula dagalaami doonnaa inta hartay baadiyaha, tuulooyinka iyo meel kasta ay oo ay ku harsan yihiin. Waan uga guuleysanay dagaalkii fool-ka-foolka ahaa, haddana waa inaan ka guuleysano fikirkooda sunta ah annagoo isticmaalayna, tiknolojiyad casriga ah iyo waxbarashada.”

Sidoo kale, madaxweynuhu wuxuu sheegay in weerarkii ay Al-shabaab ku qaadday suuqa ganacsiga ee Westgate Mall uu ahaa mid caalamka oo dhan tusaya calaamado ay ka mid yihiin in Al-shabaab aysan khatar ku ahayn Soomaaliya, balse ay khatar ku tahay caalamka oo dhan.

“Weerarkii Al-shabaab ay ku qaadday Westgate Mall wuxuu na tusayaa inay kooxdani tahay mid khatar ku ah caalamka oo dhan, balse aysan khatar ku ahayn Soomaaliya iyo dalalka gobolka oo keliya,” ayuu madaxweynuhu ku daray hadalkiisa.

Madaxweynaha ayaa wuxuu ka hadlay arrimo ay ka mid yihiin heshiiska New Deal ama Higsiga Cusub ee lagu saxiixay Brussels bisha Septmber 2013-da, isagoo ku boorriyay beesha caalamka inay u istaagaan is bedel dhab ah.

“Si uu shaqeeyo New Dealka waa inaysan noqon hadal ee waa inuu noqdaa mid miro-dhal ah. Shacabkeena wax badan ayay naga filayaan waa inaan ka soo baxnaa in arrimaha bulshana ay dowladda gaarsiiso dalka oo dhan si shacabku ay u dareemaan kalsooni,” ayuu madaxweynuhu hadalkiisa ku daray.

Isagoo sii hadlayay ayaa wuxuu yiri: “Soomaaliya waxay gadaal iska dhigtay 22-sano oo dagaal sokeeye ah. Horumar badan ayaana laga gaaray xagga maamulka maaliyadda, xiriirka gobollada iyo in sal adag loo taago hay’adaha dowliga ah. Waxaana la hiigsanayaa in 2016-ka ay doorasho xor ah dalka ka dhacdo.”

Madaxweynaha Soomaaliya oo dhinaca kale ka hadlay wadahadallada ay kula jiraan Soomaliland ayaa sheegay inay sii wadayaan inta ay ka gaari doonaan xal waara oo labada dhinac ay isku af-gartaan.

Ugu dambeyn, madaxweynaha Soomaalia ayaa lagu wadaa in maanta oo Jimco ah uu soo gabagabeeyo safarka uu ku joogo dalka Maraykanka, isla maantana uu kasoo dhoofi doono magaalada New York.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/27/2013 1:15 PM EST
Wakiilka gaarka ah ee Xoghayaha Guud ee Qaramada Midoobay Nickolas Key ayaa la kulmay jaaliyadda soomaaliyeed ee London galabnimadii Axadda 22 sebtember. Kulankaas oo ay dad badani ka soo qeyb galeen ayaa waxaa ku wehlinayey Danjiraha Soomaaliya u fadhiya UK Mudane Cabdullaahi

9/27/2013 12:38 PM EST
Jimco, September 27, 2013 (HOL) — Kenya ayaa sheegtay jimcaha maanta ah in aysan ciidamadeeda kala baxayn Soomaaliya, iyagoo hadalkii kasoo yeeray hoggaamiyaha Al-sabaab ee ahaa inay weerarro kale ka geysanayaan Kenya ku tilmaamay mid aan wax macno ah ku fadhin.

9/27/2013 12:12 PM EST
Jimco, September 27, 2013 (HOL) — Xoghayaha guud ee Qaramada Midoobay, Ban Ki-Moon oo hadal ka jeediyay shir looga hadlayay la dagaalanka kooxaha argagaxisada ah ayaa soo jeediyay in caalamku uu hal meel uga soo wada-jeesto dagaalka lagula jiro Al-shabaabta Soomaaliya.

9/27/2013 10:40 AM EST
Jimco, September 27, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa xalay kulan kula yeeshay magaalada Anrka ee xarunta dalka Kenya, ra’iisul wasaaraha Turkiga, Recep Tayyip Erdogan iyagoo kawada hadlay xiriirka labada dal iyo iskaashiga u dhexeeya.

9/27/2013 9:37 AM EST
Jimco, September 27, 2013 (HOL) — Xaafadda Islii (Eastleigh) ee magaalada Nairobi ee xarunta dalka Kenya ayaa waxaa maalmihii uu socday weerarkii lagu qaaday Westgate Mall waxaa ka jiray baqdin iyadoo ganacsiga uu hoos u dhacay, inkastoo maanta oo Jimco ah uu dib u soo laabtay guud ahaan ganacsigii ka jiray xaafaddaas.

9/27/2013 9:21 AM EST
Jimco, September 27, 2013 (HOL) — Booliiska dalka Kenya ayaa maanta soo bandhigay wiil Soomaali-British ah oo ay sheegeen inay uga baqdin qabaan in uu ka mid ahaa kooxihii weeraray dhismaha ganacsiga Westgate Mall oo maalmo ay gacanta ku hayeen kooxo ka tirsan Al-shabaab.

9/27/2013 9:15 AM EST
Jimco, September 27, 2013 (HOL) — Suuqa magaaladda Laascaanood ee xarunta gobolka Sool ayaa waxaa maanta ka dhacay banaan-bax rabshad wata oo ka dhan ah ganacsatada kasoo jeedda gobollada Koonfurta ee Soomaaliya.

9/27/2013 8:44 AM EST
Jimco, September 27, 2013 (HOL) — Afhayeenka howgallada ee Al-shabaab, Sheekh C/casiis Abuu-Muscab oo la hadlay warbaahinta afkooda ku hadasha ayaa ka warbixiyay weerar ay habeen hore ku qaadeen xoogagooda saldhig booliis oo ku yaalla degmada Mandheera ee gobolka Waqooyi-bari Kenya.

9/27/2013 8:28 AM EST
Jimco, September 27, 2013 (HOL) — Xukuumadda dalka Turkiga ayaa sheegtay inay ka caawinayso dowladda Soomaaliya la-dagalaanka kooxaha argagixisada ah si looga hortago dhibaatooyinka khatarta ah ee ay ka geysanayaan Soomaaliya, kaddib kulan dhexmaray Ra'iisul wasaaraha Somaliya iyo ra'iisul wasaare ku xigeenka dalka Turkiga.

9/27/2013 7:52 AM EST
Jimco, September 27, 2013 (HOL) — Culummada Mulimiinta dalka Kenya ayaa ku cambaareeyay khudbadii Jimcaha ee maanta weerarkii dhowrka maalmood qaatay ee Al-shabaab ay ku qaadday dhismaha ganacsiga ee Westgate Mall.

9/27/2013 7:39 AM EST
Jimco, September 27, 2013 (HOL) — Dalalka Burund iyo Uganda oo ay kaga sugan yihiin ciidammo qayb ka ah howgalka Midowga Afrika ee AMISOM ayaa billaabay in ammaanka guud ee dalalkooda ay adkeeyaan iyagoo baqdin ka qaba in Al-shabaab ay weerarro kaga yimaadaan, kaddib weerarkii ay ka geysteen magaalada Nairobi ee xarunta dalka Kenya.

9/27/2013 7:26 AM EST
Jimco, September 27, 2013 (HOL) —Dowladda hoose Magaalada Laascaanood ee gobolka Sool ayaa billowday qorshe ay ku dhisayaan waddo laami ah oo isku xirta Isbitaalka guud ee magaalada.

9/27/2013 7:24 AM EST
Jimco, September 27, 2013 (HOL) — Barakacyaal jooga degmada Ceelberde ee gobolka Bakool oo markii hore ka yimid degmada Xudur oo xarun u ah gobolkaas ayaa laga dayrinayaa xaaladooda cunno iyo iyo biyo.

9/27/2013 2:33 AM EST
Jimco, September 27, 2013 (HOL) — Wasiirka wasaarada duulista hawadda iyo gaadiidka cirka Somaliland Mr:Maxamuud Xaashi Cabdi, ayaa soo bandhigay sidii loo dayactiray iyo kharashkii ku baxay madaaradda Somaliland, waxaanu naqdiyey siyaasiyiinta mucaaradka oo uu sheegay in wax aanay aqoon u lahayn dhaliilaya.