10/15/2019
Today from Hiiraan Online:  _
Wararka Maanta- Jimco, Sept 27, 2013
Xukuumada Somaliland oo soo bandhigtay sidii loo Dayactiray Madaarka iyo Xisbiga WADANI oo Dhaliilay Xukuumadda


Jimco, September 27, 2013 (HOL) — Wasiirka wasaarada duulista hawadda iyo gaadiidka cirka Somaliland Mr:Maxamuud Xaashi Cabdi, ayaa soo bandhigay sidii loo dayactiray iyo kharashkii ku baxay madaaradda Somaliland, waxaanu naqdiyey siyaasiyiinta mucaaradka oo uu sheegay in wax aanay aqoon u lahayn dhaliilaya.

Wasaarada Gaadiidka Cirka ayaa munaasibad ay ku casuuntay xildhibaanadda Baarlamaanka, wasiirka Qorsheynta Qaranka iyo  dadweynaha qaybahooda kala duwan ku soo bandhigay qaabkay madaaradda Somaliland u dayactireen, isla markaana iska leexisay musuqmaasuq ay ku eedeeyeen xisbiyada mucaaradka ah.

“Munaasibaddan waxaannu ugu tallo-galnay in bulshada xog dheeraad ah ka siino sidii uu u qabsoomay mashruucii casriyaynta Madaarka caasimadda ee Cigaal Intertional Airport, oo beryahan dambe iyadoo aan xagayaga xog laga helin dacaayado faro badan laga fidiyay”ayuu yidhi wasiir Xaashi oo ka hadlayey dayactirka lagu sameeyey madaarka Hargeysa.

“Mashruucan waxa loo maamulay sidii ugu haboonayd, dawladdii ina siisay ayaa gacanta ku haysay, malaha dadka qaarkii ayaa moodaya in annaga naloo dhiibay, waar lacag naloo dhiibay ma jirto, Wax jeeg lagu qaatay iyo wax account-yo lagu shubtay midna ma jiro. Buug ayay dawladda Kuwayt naga saxeexday la xidhiidha hanaanka lacagtan 10-ka Milyan ah loo maamulayay,”ayuu yidhi Wasiir Maxamuud Xaashi, waxaanu raaciyay. “Madaaradda dhismahooda waxa qiimaysa ICAO oo laba jeer soo kormeertay, waxa kale oo xaq u leh inay soo qiimayso dawladdii lacagta ina siisay. Waxa kale oo qiimayn kara qof shakhsi ah oo reer Somaliland ah oo aqoon u leh, laakiin ragga mukhaayadaha fadhiyaa ma qiimayn karo.”

Wakiilka Kuwait Fund iyo Ha’adda NARCO Dr.Nabeel Abdulraheem ayaa  isna ka hadlay dayactirka lagu sameeeyey madaarka, waxaanu sheegay In casriyaynta Madaarka Hargeysa u hirgalay sidii loogu tallo-galay.

Haseyeeshee waxa hadalkaasi wasiirka ka soo yeedhay ka hadlay xisbiga mucaaradka ah ee wadani, iyagoo tilmaamay inuu wasiirku ku fashilmay dib u dhiskii madaarka maadaama oo diyaaradihii waaweynaa ku soo degi karin madaarka.

Xisbiga mucaaridka ah ee WADANI ayaa xukuumadda ku eedeeyay in ay ku guul daraysatay  in ay madaarka Diyaaradaha ee Hargeysa uu noqdo Garoon ay ku soo dagi karaan diyaaradaha waaweyn.

Masuuliyiintan u hadlayey xisbiga WADANI ayaa sheegay in aan la qarin karin musuqmasuqa lagu sameeyey dhisitaanka madaarka Hargeysa, isla markaaana lacagta ay wasaaradu sheegtay inay gashay madaarka aanay ka muuqan.

Axmed Xuseen Fag-fagaas oo ahaan jiray duuliyey sare kana mid ah masuuliyiinta Xisbiga WADANI, ayaa tilmaamay in aan waxba lagu kordhin madaarka, isla markaana uu yahay sidii uu ahaan jiray waligii.

Cabdirashiid Maxamedi Cali oo isna ka mid ah masuuliyiinta Xisbigaasi ayaa sheegay  in musuqmaasuqii ka dhacay madaarka aan la qarin karin, waxaanu wasaaradda ku eedeeyey inay ku fashilantay madaarkaasi Hargeysa inay ka dhigto mid caalami ah.

Si kastaba ha ahaatee, xisbiyada mucaaradka iyo xukuumadda ayaa hawadda isku marinaya dhaliilo qoloba qoladda kaleba naqdiyeyso.

Dhinaca kale, waxa shalay madaarka Hargeysa waxyeelo ka soo gaadhay diyaaradda Daallo oo mid ka mid ah baalasheedda la gashay gidaarka Terminalka garoonka Hargeysa.

Haseyeeshee baalasha ay ku dhufatay gidaarka wax khasaare ah kama soo gaadhin rakaabkii saarnaa, wasaaradda iyo shirkadda Daalllo illaa hadda kama hadal shilkaasi dhacay.

Barkhad-Ladiif  M. Cumar, Hiiraan Online 
[email protected]
Hargeysa, Somaliland










Click here
9/27/2013 1:15 PM EST
Wakiilka gaarka ah ee Xoghayaha Guud ee Qaramada Midoobay Nickolas Key ayaa la kulmay jaaliyadda soomaaliyeed ee London galabnimadii Axadda 22 sebtember. Kulankaas oo ay dad badani ka soo qeyb galeen ayaa waxaa ku wehlinayey Danjiraha Soomaaliya u fadhiya UK Mudane Cabdullaahi

9/27/2013 12:38 PM EST
Jimco, September 27, 2013 (HOL) — Kenya ayaa sheegtay jimcaha maanta ah in aysan ciidamadeeda kala baxayn Soomaaliya, iyagoo hadalkii kasoo yeeray hoggaamiyaha Al-sabaab ee ahaa inay weerarro kale ka geysanayaan Kenya ku tilmaamay mid aan wax macno ah ku fadhin.

9/27/2013 12:12 PM EST
Jimco, September 27, 2013 (HOL) — Xoghayaha guud ee Qaramada Midoobay, Ban Ki-Moon oo hadal ka jeediyay shir looga hadlayay la dagaalanka kooxaha argagaxisada ah ayaa soo jeediyay in caalamku uu hal meel uga soo wada-jeesto dagaalka lagula jiro Al-shabaabta Soomaaliya.

9/27/2013 10:40 AM EST
Jimco, September 27, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa xalay kulan kula yeeshay magaalada Anrka ee xarunta dalka Kenya, ra’iisul wasaaraha Turkiga, Recep Tayyip Erdogan iyagoo kawada hadlay xiriirka labada dal iyo iskaashiga u dhexeeya.

9/27/2013 9:37 AM EST
Jimco, September 27, 2013 (HOL) — Xaafadda Islii (Eastleigh) ee magaalada Nairobi ee xarunta dalka Kenya ayaa waxaa maalmihii uu socday weerarkii lagu qaaday Westgate Mall waxaa ka jiray baqdin iyadoo ganacsiga uu hoos u dhacay, inkastoo maanta oo Jimco ah uu dib u soo laabtay guud ahaan ganacsigii ka jiray xaafaddaas.

9/27/2013 9:21 AM EST
Jimco, September 27, 2013 (HOL) — Booliiska dalka Kenya ayaa maanta soo bandhigay wiil Soomaali-British ah oo ay sheegeen inay uga baqdin qabaan in uu ka mid ahaa kooxihii weeraray dhismaha ganacsiga Westgate Mall oo maalmo ay gacanta ku hayeen kooxo ka tirsan Al-shabaab.

9/27/2013 9:15 AM EST
Jimco, September 27, 2013 (HOL) — Suuqa magaaladda Laascaanood ee xarunta gobolka Sool ayaa waxaa maanta ka dhacay banaan-bax rabshad wata oo ka dhan ah ganacsatada kasoo jeedda gobollada Koonfurta ee Soomaaliya.

9/27/2013 8:44 AM EST
Jimco, September 27, 2013 (HOL) — Afhayeenka howgallada ee Al-shabaab, Sheekh C/casiis Abuu-Muscab oo la hadlay warbaahinta afkooda ku hadasha ayaa ka warbixiyay weerar ay habeen hore ku qaadeen xoogagooda saldhig booliis oo ku yaalla degmada Mandheera ee gobolka Waqooyi-bari Kenya.

9/27/2013 8:28 AM EST
Jimco, September 27, 2013 (HOL) — Xukuumadda dalka Turkiga ayaa sheegtay inay ka caawinayso dowladda Soomaaliya la-dagalaanka kooxaha argagixisada ah si looga hortago dhibaatooyinka khatarta ah ee ay ka geysanayaan Soomaaliya, kaddib kulan dhexmaray Ra'iisul wasaaraha Somaliya iyo ra'iisul wasaare ku xigeenka dalka Turkiga.

9/27/2013 7:52 AM EST
Jimco, September 27, 2013 (HOL) — Culummada Mulimiinta dalka Kenya ayaa ku cambaareeyay khudbadii Jimcaha ee maanta weerarkii dhowrka maalmood qaatay ee Al-shabaab ay ku qaadday dhismaha ganacsiga ee Westgate Mall.

9/27/2013 7:39 AM EST
Jimco, September 27, 2013 (HOL) — Dalalka Burund iyo Uganda oo ay kaga sugan yihiin ciidammo qayb ka ah howgalka Midowga Afrika ee AMISOM ayaa billaabay in ammaanka guud ee dalalkooda ay adkeeyaan iyagoo baqdin ka qaba in Al-shabaab ay weerarro kaga yimaadaan, kaddib weerarkii ay ka geysteen magaalada Nairobi ee xarunta dalka Kenya.

9/27/2013 7:26 AM EST
Jimco, September 27, 2013 (HOL) —Dowladda hoose Magaalada Laascaanood ee gobolka Sool ayaa billowday qorshe ay ku dhisayaan waddo laami ah oo isku xirta Isbitaalka guud ee magaalada.

9/27/2013 7:24 AM EST
Jimco, September 27, 2013 (HOL) — Barakacyaal jooga degmada Ceelberde ee gobolka Bakool oo markii hore ka yimid degmada Xudur oo xarun u ah gobolkaas ayaa laga dayrinayaa xaaladooda cunno iyo iyo biyo.

9/27/2013 2:37 AM EST
Jimco, September 27, 2013 (HOL) — Madaxweynaha Somalia, Xasan Sheekh Maxamuud oo khudbad ka jeediyay xalay shirka sannadlaha ah ee UN-ka ayaa ka hadlay arrimo badan oo horyaalla dowladda Somalia sida amniga iyo muhiimadda ay leedahay in la taagero hay’adaha dowliga ah ee Soomaaliya.