10/21/2019
Today from Hiiraan Online:  _
Wararka Maanta- Khamiis, Sept 26, 2013
ABUU-ZUBEYR: “Kenya ciidamadeeda ha kala baxdo Soomaaliya haddii kale ha u diyaar-garowdo dagaal iyo burbur dhaqaale”


Khamiis, September 26, 2013 (HOL) — Hoggaamiyaha Al-shabaab, Sheekh Mukhtaar C/raxmaan Abuu-zubeyr oo loo yaqaan Axmed Cabdi Gadole ayaa ka hadlay weerarkii ay Al-shabaab ay ku qaadday dhismaha Westgate Mall ee magaalada Nairobi, isagoo sheegay inuu ahaa mid ay uga jawaabayeen duullaan uu sheegay inay Kenya kusoo qaadday Soomaaliya.

Abuu-zubeyr ayaa sheegy in duullaankan ay ku beegeen 10-casho kaddib sannad-guuradii 12-aad ee kasoo wareegtay 11-kii September 2002 oo ahayd markii weerarro ay dad badani ku dhinteen lagu qaaday dalka Mareykanka.

“Weerarkii Westgate wuxuu ka mid yahay weerarrada ay islaamku dunida ka fuliyeen kuwa ugu taariikhisan, taasoo dhiiggooda ay ku qoreen qaar ka mid ah mujaahidiinta naftood hurayaasha ah, iyagoo u aargudayay dhiigga kuwa aan waxba galabsan ee la laayhay, waxaana Kenya lagu tusay dhibaatada ay ciidamadoodu ka geysanayaan gudaha dalkeenna,” ayuu yiri Abuu-zubeyr.

Sidoo kale, amiirka Al-shabaab wuxuu soo hadal qaaday afartii maalmood ee ay kooxaha hubeysan ka dhex-dagaalamayeen gudaha suuqa Westgate Mall isagoo ku tilmaamay mid muujinaysa inaysan jirin wax ka horiman kara iimaanka, isago xusay inuu yahay duullaan amakaag ku reebay dadka dalka Kenya u dhashay oo dhan.

“Weerarkaas  wuxuu ku ahaa dhakafaar iyo yaab madaxda Kenya ee sida ka fiirsi la’aanta ah ugu soo duulay Soomaaliya, wuxuu sidoo kale u ahaa dalalka reer galbeedka tusaale ku aaddan shirkadahooda batroolkana u baaraya Kenya,” ayuu hadalkiisa raaciyay.

Sidoo kale, hoggaamiyaha Al-shabaab wuxuu ku sheegay in dagaalka ay ku soo qaadday Kenya dalka Soomaaliya uu yahay mid aanay awood u lahayn oo ay geliyeen reer galbeedka, isagoo sheegay inaysan marna kaga adkaan karin Islaamka.

“Bulshada reer Kenya waxaan leenahay waxaad gasheen dagaal aydaan u lahayn awood… danahiinnana ka dhan ah… waxaad lumiseen amnigiina iyo dhaqaalihiina, waxaad weydeen wiilashiinnii, maxaa yeelay xasuuqa ay ka geysteen ciidamadiina Kismaayo iyo deegaannada kale qayb ayaad ka tihiin, waayo siyaasiyiinta idinka ayaa doortay, canshuurta aad bixisaan ayaa lagu hubeeyaa ciidanka go’aanka dagaalkana waad taageerteen” ayuu yiri mas’uulka ugu sarreeya Al-shabaab.

Hoggaamiyaha Al-shabaab oo sii hadlay ayaa sheegay in Kenya aysan wax awood ah u lahayn dagaal daba-dheeraada  oo ay kasii wadaan Soomaaliya, sidoo kalena aysan u dulqaadin karin weerarro dhiig-bax ah oo dalka Kenya gudihiisa ka dhaca, sidaa darteed ay tahay in ciidamadooda ay kala baxaan gudaha Soomaaliya.

“Maanta go’aan qaata oo ciidankiina kala baxa Soomaaliya, haddii kale u diyaar garooba dhiig badan oo dhulkiina ku daata, burbur dhaqaale iyo barakac,” ayuu Abuu-zubeyr hadalkiisa ku daray.

Ugu dambeyb, hoggaamiyaha Al-shabaab wuxuu sheegay in weerarkii Westgate Mall ay Kenya u adeegsatay sun kiimiko ah si ay u afjaraan colaadda, waxaana ku dhintay gudaha xaruntaas 100 oo afduub ahaan loogu haystay.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
9/26/2013 10:32 AM EST
Khamiis, September 26, 2013 (HOL) — Waxaa maanta gaaray magaalada Beledweyne ee xarunta gobolka Hiiraan taliyaha ciidamada booliiska Soomaaliyeed Jen C/xakiin Daahir Saciid [Saacid] iyo wafdi uu hogaaminayo oo ay ka mid ahaayeen saraakiil ka soctay booliiska howlgalka midowgga Afrika AMISOM.

9/26/2013 10:29 AM EST
Khamiis, September 26, 2013 (HOL) — Golaha wasiirrada Soomaaliya ayaa maanta yeeshay kulankoodii caadiga ahaa, waxaana shir guddoominayay ku-simaha ra’iisul wasaaraha ahna wasiirka kheyraadka, Cabdirisaaq Cumar Maxamed, waxaana kulanka looga dooday qodobbo ay ka mid yihiin amniga dalka, gaar ahaana howlgal toddobaadkan looga sifeeyay Al-shabaab qeybo ka mid ah gobolka Shabeellada dhexe.

9/26/2013 10:02 AM EST
Khamiis, September 26, 2013 (HOL) — Ugu yaraan laba sarkaal oo booliiska Kenya ka tirsan ayaa ku dhintay weerar ay dabley hubeysan saldhig booliis oo ku yaalla degmada Mandheera ee gobolka Waqooyi-bari Kenya.

9/26/2013 7:44 AM EST
Khamiis, September 26, 2013 (HOL) — Taliyaha ciidamada dalka Uganda, Jen. Katumba Wamala ayaa sheegay in ciidamada AMISOM tiradooda lagu kordhiyo kumannaan askari si ay u xoojiyaan dagaalka ay kula jiraan Al-shabaab.

9/26/2013 7:17 AM EST
Khamiis, September 26, 2013 (HOL) — Guddoomiyaha maamulka gobolka Hiiraan Cabdi Faarax Laqanyo oo maalin ka hor dib ugu laabtay magaalada Beledweyne ee xarunta gobolka Hiiraan, isaga oo ka mid ahaa wafuudii ka qeyb-gashay shirkii Brussels, ayaa sheegay in sida ugu dhaqsiyaha badan ula wareegi doonaan deegaannada gacanta ugu jira xoogagga Al-shabaab.

9/26/2013 7:15 AM EST
Khamiis, September 26, 2013 (HOL) — Mucaraadka dalka Itoobiya ayaa ka muujiyay walaac xooggan in Al-shabaab ay dalkaas ku beegsato joogitaanka ciidamada Itoobiya ee gudaha Soomaaliya, iyadoo dowladda Itoobiya ay ku sheegtay hadalkaas mid aanay waxba ka jirin.

9/26/2013 6:45 AM EST
Khamiis, September 26, 2013 (HOL) — Wasaaradda war-faafinta Puntland ayaa xayiraad ay horay ugu soo rogtey ka qaadday saddex idaacadood oo aan xarumo ku lahayn Puntland, balse ay baahin jireen qaar kamid ah FM-yada ka shaqeeya deegaannada Puntland. Saddexda idaacadood ee la fasaxay ayaa kala ah Ergo, Bar-kulan iyo Hirad.

9/26/2013 6:43 AM EST
Inkastoo madaxweynaha dalka Kenya Uhuru Kenyatta uu shaaciyay in 72 qof oo ay ku jiraan 5 kamid ah kooxihii weerarka qaaday ay ku dhinteen dagaalkii 4-ta maalmood socday ayaa wararka ay warbaahintu helaysaa ay muujinayaan in dhammaan dadkii afduubka loogu haystay gudaha xaruntaas maydadkoodu ay ku hoos jiraan dhismayaashii burburay.

9/26/2013 3:42 AM EST
Khamiis, September 26, 2013 (HOL) — Madaxweynaha Soomaaliya, Xasan Sheekh Maxamuud oo ku sugan dalka Mareykanka ayaa kulammo dhinaca ammaanka ah la yeeshay madax kala duwan oo calaami ah, waxaana ka mid ah: Madaxweynaha Turkiga Cabdullaahi Guul, amiirka Qatar, Sheekh Tamiim Bin Xamad Al Thaani iyo xoghayihii hore ee wasaarada arrimaha dibadda ee Maraykanka, Hillary Clinton.

9/26/2013 3:41 AM EST
Khamiis, September 26, 2013 (HOL) — Kaddib markii uu ra’iisul wasaaraha Soomaaliya, Cabdi Faarax Shirdoon (Saacid) uu soo gaba-gabeeyay socdaal uu ku joogay magaalada Geneve ee Switzerland oo uu kaga qayb-galayay kulankii golaha xuquuqul insaanka Qaramada Midoobay ee looga hadlayay sidii kor loogu qaadi lahaa xuquuqul insaanka Soomaaliya ayuu shalay soo gaaray magaaladda Ankara ee dalka Turkiga oo booqasho rasmi ah uu ku yimid.

9/26/2013 2:20 AM EST
Khamiis, September 26, 2013 (HOL) — Madaxweynaha Puntland C/raxmaan Maxamed Faroole iyo wafdi uu hoggaaminayo oo maalmihii u dambeeyey booqasho ku joogey dalka Yemen, ayaa la kulmay madaxda ugu sarreysa dalkaas, gaar ahaan Madaxweyne Cabddul Rabbi Mansuur Haadi iyo Ra'iisul wasaare Basindawa.

9/26/2013 1:41 AM EST
Khamiis, September 26, 2013 (HOL) — Hal qof ayaa ku dhintay shan kalena way ku dhaawacmeen qaraxo iyo is-rasaaseyn xalay ka dhacday degmada Wajeer ee gobolka waqooyi-bari Kenya.