10/21/2019
Today from Hiiraan Online:  _
Wararka Maanta- Khamiis, Sept 26, 2013
Kooxo Hubeysan oo Xalay Weerar Khasaare geystay oo xalay la beegsaday Degmada Wajeer ee Waqooyi-bari Kenya


Khamiis, September 26, 2013 (HOL) — Hal qof ayaa ku dhintay shan kalena way ku dhaawacmeen qaraxo iyo is-rasaaseyn xalay ka dhacday degmada Wajeer ee gobolka waqooyi-bari Kenya.

Taliyaha ciidamda booliska ee degmada Wajeer ayaa u sheegay idaacadda VOA-da, in qaraxyada oo loo adeegsaday bumbooyinka gacanta laga tuuro aysan wax khasaare ah geysan.

Mid kamid ah qaraxyada xalay degamada Wajeer ka dhacay, waxaa lala bar-tilmaameedsaday goob kaniisad ah oo horay qarax khasaare geystey uu uga dhacay.

Taliyaha booliska Wajeer ayaa sidoo kale sheegay, in is-rasaaseyn qaddar daqiiqado ah socotey ay dhex martay ciidamo ka tirsan booliska iyo dabley hubeysan oo weerar gaadmo ah kusoo qaaday.

Isk-hor-imaadkaas ayaa sida uu xusay waxaa ku geeriyoodey hal qof oo rayid ah, iyadoo ay afar qof oo kalena ku dhaawacmeen. Dadka dhaawaca ah waxaa ku jira qof looga shekisan yahay inuu kamid ahaa kooxdii weerarka soo qaadday.

Ciidamada Kenya ayaa weerarradan kaddib xalay degmada Wajeer ka sameeyey baaritaanno ay ku raadinayaan dad looga shekiyey in ay falalkaas ku lug lahaayeen, inkasta oo aysan ilaa iyo hadda jirin cid loosoo qabtay.

Degmada Wajeer oo 500km ka durugsan caasimadda Nairobi, horayna ay uga dhaceen weerarro -uu qaar kamid ah mas'uuliyaddooda sheegtay ururka Al-shabaab-, waxay afartii bilood ee ugu dambeeyey ka nasatay qaraxyada iyo weerarrada noocan oo kale ah.

Maxamed Salaad Xaaji Dirir, Hiiraan Online
[email protected]
Boosaaso, Puntland









Click here
9/26/2013 10:32 AM EST
Khamiis, September 26, 2013 (HOL) — Waxaa maanta gaaray magaalada Beledweyne ee xarunta gobolka Hiiraan taliyaha ciidamada booliiska Soomaaliyeed Jen C/xakiin Daahir Saciid [Saacid] iyo wafdi uu hogaaminayo oo ay ka mid ahaayeen saraakiil ka soctay booliiska howlgalka midowgga Afrika AMISOM.

9/26/2013 10:29 AM EST
Khamiis, September 26, 2013 (HOL) — Golaha wasiirrada Soomaaliya ayaa maanta yeeshay kulankoodii caadiga ahaa, waxaana shir guddoominayay ku-simaha ra’iisul wasaaraha ahna wasiirka kheyraadka, Cabdirisaaq Cumar Maxamed, waxaana kulanka looga dooday qodobbo ay ka mid yihiin amniga dalka, gaar ahaana howlgal toddobaadkan looga sifeeyay Al-shabaab qeybo ka mid ah gobolka Shabeellada dhexe.

9/26/2013 10:02 AM EST
Khamiis, September 26, 2013 (HOL) — Ugu yaraan laba sarkaal oo booliiska Kenya ka tirsan ayaa ku dhintay weerar ay dabley hubeysan saldhig booliis oo ku yaalla degmada Mandheera ee gobolka Waqooyi-bari Kenya.

9/26/2013 7:44 AM EST
Khamiis, September 26, 2013 (HOL) — Taliyaha ciidamada dalka Uganda, Jen. Katumba Wamala ayaa sheegay in ciidamada AMISOM tiradooda lagu kordhiyo kumannaan askari si ay u xoojiyaan dagaalka ay kula jiraan Al-shabaab.

9/26/2013 7:17 AM EST
Khamiis, September 26, 2013 (HOL) — Guddoomiyaha maamulka gobolka Hiiraan Cabdi Faarax Laqanyo oo maalin ka hor dib ugu laabtay magaalada Beledweyne ee xarunta gobolka Hiiraan, isaga oo ka mid ahaa wafuudii ka qeyb-gashay shirkii Brussels, ayaa sheegay in sida ugu dhaqsiyaha badan ula wareegi doonaan deegaannada gacanta ugu jira xoogagga Al-shabaab.

9/26/2013 7:15 AM EST
Khamiis, September 26, 2013 (HOL) — Mucaraadka dalka Itoobiya ayaa ka muujiyay walaac xooggan in Al-shabaab ay dalkaas ku beegsato joogitaanka ciidamada Itoobiya ee gudaha Soomaaliya, iyadoo dowladda Itoobiya ay ku sheegtay hadalkaas mid aanay waxba ka jirin.

9/26/2013 6:51 AM EST
Khamiis, September 26, 2013 (HOL) — Hoggaamiyaha Al-shabaab, Sheekh Mukhtaar C/raxmaan Abuu-zubeyr oo loo yaqaan Axmed Cabdi Gadole ayaa ka hadlay weerarkii ay Al-shabaab ay ku qaadday dhismaha Westgate Mall ee magaalada Nairobi, isagoo sheegay inuu ahaa mid ay uga jawaabayeen duullaan uu sheegay inay Kenya kusoo qaadday Soomaaliya.

9/26/2013 6:45 AM EST
Khamiis, September 26, 2013 (HOL) — Wasaaradda war-faafinta Puntland ayaa xayiraad ay horay ugu soo rogtey ka qaadday saddex idaacadood oo aan xarumo ku lahayn Puntland, balse ay baahin jireen qaar kamid ah FM-yada ka shaqeeya deegaannada Puntland. Saddexda idaacadood ee la fasaxay ayaa kala ah Ergo, Bar-kulan iyo Hirad.

9/26/2013 6:43 AM EST
Inkastoo madaxweynaha dalka Kenya Uhuru Kenyatta uu shaaciyay in 72 qof oo ay ku jiraan 5 kamid ah kooxihii weerarka qaaday ay ku dhinteen dagaalkii 4-ta maalmood socday ayaa wararka ay warbaahintu helaysaa ay muujinayaan in dhammaan dadkii afduubka loogu haystay gudaha xaruntaas maydadkoodu ay ku hoos jiraan dhismayaashii burburay.

9/26/2013 3:42 AM EST
Khamiis, September 26, 2013 (HOL) — Madaxweynaha Soomaaliya, Xasan Sheekh Maxamuud oo ku sugan dalka Mareykanka ayaa kulammo dhinaca ammaanka ah la yeeshay madax kala duwan oo calaami ah, waxaana ka mid ah: Madaxweynaha Turkiga Cabdullaahi Guul, amiirka Qatar, Sheekh Tamiim Bin Xamad Al Thaani iyo xoghayihii hore ee wasaarada arrimaha dibadda ee Maraykanka, Hillary Clinton.

9/26/2013 3:41 AM EST
Khamiis, September 26, 2013 (HOL) — Kaddib markii uu ra’iisul wasaaraha Soomaaliya, Cabdi Faarax Shirdoon (Saacid) uu soo gaba-gabeeyay socdaal uu ku joogay magaalada Geneve ee Switzerland oo uu kaga qayb-galayay kulankii golaha xuquuqul insaanka Qaramada Midoobay ee looga hadlayay sidii kor loogu qaadi lahaa xuquuqul insaanka Soomaaliya ayuu shalay soo gaaray magaaladda Ankara ee dalka Turkiga oo booqasho rasmi ah uu ku yimid.

9/26/2013 2:20 AM EST
Khamiis, September 26, 2013 (HOL) — Madaxweynaha Puntland C/raxmaan Maxamed Faroole iyo wafdi uu hoggaaminayo oo maalmihii u dambeeyey booqasho ku joogey dalka Yemen, ayaa la kulmay madaxda ugu sarreysa dalkaas, gaar ahaan Madaxweyne Cabddul Rabbi Mansuur Haadi iyo Ra'iisul wasaare Basindawa.