10/23/2019
Today from Hiiraan Online:  _
Wararka Maanta- Arbaco, Sept 25, 2013
Wafdi uu Hoggaaminyo Wasiirka War-faafinta Soomaaliya oo Shirka 38-aad ee ICAO kaga qaybgalay Magaalada Montreal (SAWIRRO)



Arbaco, September 25, 2013 (HOL) — Wafdi uu hoggaaminayo wasiirka warfaafinta, boostada, is-gaarsiinta iyo gaadiidka ee jamhuuriyadda federaalka Soomaaliya, Mudane C/laahi Ciil-mooge Xirsi, ayaa ku sugan magaalada Montreal ee dalka Canada.

Wasiirka warfaafinta iyo wafdigiisa, ayaa ka qayb gelaya shirka 38aad ee ururka caalamiga ah ee qaabilsan duulimaadyada rayidka ah, kaas oo magaciisa loosoo gaabiyo ICAO.

Ururka ICAO oo ay xubno ka yihiin 191 dal  oo Soomaaliya ay qab ka tahay, wuxuu marka la gaaro bisha Janaayo ee sanadka soo socda ee 2014, ku wareejin doonaa dowladda Soomaaliya maamulka hawada Soomaaliya.

Arrintan ayaa daba socota heshiis ay horay dowladda federaalku ururkan ula gashay bishi May ee lasoo dhaafay, kaas oo dhigayey in maamulka hawada Soomaaliya dib logu soo celiyo dowladda federaalka, ee uu hoggaamiyo Madaxweyne Xasan Sheekh Maxamuud.

Dhinaca kale, waxaa magaalada Montreal  si gaar ah kulan ugu yeeshay wasiirradda gaadiidka cirka ee dalalka Afrikaanka ah ee shirkaas ka qayb galay, waxayna isla soo qaadeen go'aamo arrimaha duulimaadka ku saabsan oo bishii July ee sanadkan kasoo baxay, shir ka dhacay magaalada Abuja ee dalka Nayjeeriya.

Wasiirrada gaadiidka cirka ee shirkaas ka qayb galay, ayaa isku raacay in ay muhiim tahay in la tayeeyo, horumar ballaaranna lagu sameeyo gaadiidka cirka, si loola jaanqaado tiknoolajiyadda cusub.

Wasiirka warfaafinta, boostada, is-gaarsiinta iyo gaadiidka ee jamhuuriyadda federaalka Soomaaliya, Mudane C/laahi Ciil-mooge Xirsi, ayaa si gaar ah ula kulmay wufuuddii ka socotey dalalka Kenya iyo Itoobiya, kuwaasoo ay isla soo qaadeen arrimo badan oo khuseeya danaha ay saddexda dal wadaagaan.

Waa markii ugu horreysey muddo 30 sano ah, oo wefdi heer wasiir ah oo ka socda Soomaaliya ay ka qayb galaan shirka guud ee ururka caalamiga ah ee qaabilsan duulimaadyada rayidka ah ee ICAO.



Maxamed Salaad Xaaji Dirir, Hiiraan Online
[email protected] 
Boosaaso, Puntland










Click here
9/25/2013 1:51 PM EST
Arbaco, September 25, 2013 (HOL) — Madaxweynaha Soomaaliya, Xasan Sheekh Maxamuud oo ku sugan dalka Mareykanka ayaa sheegay in kooxda Al-shabaab aysan khatar ku ahayn Soomaaliya iyo Afrika oo keliya, balse ay khatar ku tahay caalamka oo dhan.

9/25/2013 8:56 AM EST
Arbaco, September 25, 2013 (HOL) — Ergayga Qaramada Midoobay ee Soomaaliya, dajire Nicholas Kay ayaa ku baaqay in la xoojiyo dagaalka lagula jiro Al-shabaab laguna kordhiyo ciidamada AMISOM ee ku sugan Soomaaliya 5,000 oo askari oo dheeraad ah.

9/25/2013 8:55 AM EST
Arbaco, September 25, 2013 (HOL) — Xukuumadda Soomaaliya ayaa guddi heer wasiir ah u magacowday qabanqaabada shirka dib u heshiisiinta Jubba, kaasoo lagu qaban doono magaalada Muqdisho.

9/25/2013 8:40 AM EST
Arbaco, September 25, 2013 (HOL) — Wareegto kasoo baxday xafiiska madaxweeyne ku xigeenka maamulka Jubba Jen. C/laahi Sheekh Ismaaciil Fartaag ayaa mudo laba bilood ah lagu mamnuucay dhismaha dhulalka bannaan iyo kuwa laysku heysto.

9/25/2013 4:52 AM EST
Arbaco, September 25, 2013 (HOL) — Kal-fadhigii 24-aad ee golaha xuquuqul insaanka Qaramada Midoobay oo maanta ka dhacay magaalada Geneve - Switzerland kaasoo diiradda lagu saaray xuquuqda aadanaha Soomaaliya ayaa lagu ammaanay dadaalka xukuumadda Soomaaliya ugu jirto taabbo-galinta dhawrista iyo horumarinta xuquuqda aadanaha, iyadoo 22-kii sano ee lasoo dhaafay ay dalka ka dhacayeen xad-gudubyo liddi ku ah xuquuqda Aadanaha.

9/25/2013 4:50 AM EST
Arbaco, September 25, 2013 (HOL) —Qurba jooga deegaanka Jir-jir ee gobolka Awdal ayaa waxay fasallo wax lagu barto ku kordhiyeen dugsiga hoose iyo dhexe ee deegaankaas, iyadoo munaasabaddii lagu furayay ay ka soo qaybgaleen cuqaasha, waxgaradka, xildhibaannada golaha deegaanka Boorama iyo haween qurba-joog ah oo kasoo jeeda deegaankan.

9/25/2013 4:02 AM EST
Arbaco, September 25, 2013 (HOL)- Biyo la'aan xooggan ayaa ka jirta degmada Qandala ee gobolka Bari, kaddib markii aysan halkaas muddo dhowr sano wax roobab ahi ka di'in.

9/25/2013 3:07 AM EST
Baarlamaanka Kenya ayaa shalay galinkii dambe yeeshay kulan looga hadlayay ammaanka dalka kadib markii Alshabaab ay qaaday weerar khasaare badan dhaliyay oo lala beegsaday xarun ganacsi oo ku taalla xaafada Westlands oo kamid ahayd meelaha ugu ammaanka fiican ee magaalada Nairobi.