10/16/2019
Today from Hiiraan Online:  _
Wararka Maanta- Arbaco, Sept 25, 2013
Biyo la'aan ka jirta degmada Qandala ee gobolka Bari iyo qiimaha biyaha oo aad kor ugu kacay


Arbaco, September 25, 2013 (HOL)- Biyo la'aan xooggan ayaa ka jirta degmada Qandala ee gobolka Bari, kaddib markii aysan halkaas muddo dhowr sano wax roobab ahi ka di'in.

Duqa degmada Qandala Jaamac Maxamed Khuurshe, oo maanta la hadlay warbaahinta, ayaa sheegay in xaaladda biyo la'aantu ay tahay mid halis ah.

Jamaac Khuurshe ayaa dhanka kale sheegay in uu biyo yareeyey ceelkii ugu weynaa ee ay dadka degama Qandala iyo deegaannada ku xeerani ka cabi jireen.

Qiimaha biyaha ayuu sidoo kale sheegay in si aad ah uu kor ugu kacay, iyadoo xilligan qiimaha halka fuusto ee biyaha ahi uu marayo 200,000 (labo boqol oo kun) oo Shilin Soomaali ah.

Mar wax laga weydiiyey in arrintan ay u gudbiyeen dowladda Puntland iyo hay'adaha samafalka, wuxuu sheegay in dhowr mar oo hore ay la xiriireen, haseyeeshee ilaa iyo hadda aysan jirin cid usoo jawaabtey.

"Runtii arrintaas annagu ka maamul ahaan wax aan ka qaban karno ma jiraan...waan u sheegnay dowladda iyo hay'adaha in ay arrintaas wax nagala qabtaan, welina cid wax nala qabatay ma jirto " duqa degmada Qandala ayaa yiri.

Deegaano badan oo ka tirsan gobolka Bari, kuwaas oo degmada Qandala iyo tuulooyinka hoostaga ay kamid yihiin, waxaa dhowrkii sano ee ugu dambeeyey ka jirey abaaro daba dheeraaday, saameynna ku yeeshay nolosha dadka iyo duunyada.

Maxamed Salaad Xaaji Dirir, Hiiraan Online
[email protected]
Boosaaso, Puntland









Click here
9/25/2013 1:51 PM EST
Arbaco, September 25, 2013 (HOL) — Madaxweynaha Soomaaliya, Xasan Sheekh Maxamuud oo ku sugan dalka Mareykanka ayaa sheegay in kooxda Al-shabaab aysan khatar ku ahayn Soomaaliya iyo Afrika oo keliya, balse ay khatar ku tahay caalamka oo dhan.

9/25/2013 12:12 PM EST
Arbaco, September 25, 2013 (HOL) — Wafdi uu hoggaaminayo wasiirka warfaafinta, boostada, is-gaarsiinta iyo gaadiidka ee jamhuuriyadda federaalka Soomaaliya, Mudane C/laahi Ciil-mooge Xirsi, ayaa ku sugan magaalada Montreal ee dalka Canada.

9/25/2013 8:56 AM EST
Arbaco, September 25, 2013 (HOL) — Ergayga Qaramada Midoobay ee Soomaaliya, dajire Nicholas Kay ayaa ku baaqay in la xoojiyo dagaalka lagula jiro Al-shabaab laguna kordhiyo ciidamada AMISOM ee ku sugan Soomaaliya 5,000 oo askari oo dheeraad ah.

9/25/2013 8:55 AM EST
Arbaco, September 25, 2013 (HOL) — Xukuumadda Soomaaliya ayaa guddi heer wasiir ah u magacowday qabanqaabada shirka dib u heshiisiinta Jubba, kaasoo lagu qaban doono magaalada Muqdisho.

9/25/2013 8:40 AM EST
Arbaco, September 25, 2013 (HOL) — Wareegto kasoo baxday xafiiska madaxweeyne ku xigeenka maamulka Jubba Jen. C/laahi Sheekh Ismaaciil Fartaag ayaa mudo laba bilood ah lagu mamnuucay dhismaha dhulalka bannaan iyo kuwa laysku heysto.

9/25/2013 4:52 AM EST
Arbaco, September 25, 2013 (HOL) — Kal-fadhigii 24-aad ee golaha xuquuqul insaanka Qaramada Midoobay oo maanta ka dhacay magaalada Geneve - Switzerland kaasoo diiradda lagu saaray xuquuqda aadanaha Soomaaliya ayaa lagu ammaanay dadaalka xukuumadda Soomaaliya ugu jirto taabbo-galinta dhawrista iyo horumarinta xuquuqda aadanaha, iyadoo 22-kii sano ee lasoo dhaafay ay dalka ka dhacayeen xad-gudubyo liddi ku ah xuquuqda Aadanaha.

9/25/2013 4:50 AM EST
Arbaco, September 25, 2013 (HOL) —Qurba jooga deegaanka Jir-jir ee gobolka Awdal ayaa waxay fasallo wax lagu barto ku kordhiyeen dugsiga hoose iyo dhexe ee deegaankaas, iyadoo munaasabaddii lagu furayay ay ka soo qaybgaleen cuqaasha, waxgaradka, xildhibaannada golaha deegaanka Boorama iyo haween qurba-joog ah oo kasoo jeeda deegaankan.

9/25/2013 3:07 AM EST
Baarlamaanka Kenya ayaa shalay galinkii dambe yeeshay kulan looga hadlayay ammaanka dalka kadib markii Alshabaab ay qaaday weerar khasaare badan dhaliyay oo lala beegsaday xarun ganacsi oo ku taalla xaafada Westlands oo kamid ahayd meelaha ugu ammaanka fiican ee magaalada Nairobi.