3/28/2024
Today from Hiiraan Online:  _
Wararka Maanta- Isniin, Sept 23, 2013
Howlgallo ka billowday Dhismaha WESTGATE iyo Qaraxyo waaweyn oo laga Maqlay Xarunta oo Maalintii Saddexaad la haysto


Isniin, September 23, 2013 (HOL) — iskahorimaad u dhexeeya ciidamada Kenya iyo ciidammo ajnabi ah oo caawinaya iyo kooxda gacanta ku haysa dhismaha ganacsi ee WESTGATE ayaa goor dhow halkaas ka qarxay, iyadoo qaraxyo waaweyn laga maqlayo gudaha xaruntaas.

Inkastoo aan la caddeyn karin qaraxyadu waxay yihiin, haddana dusha sare ee dhismaha ayaa waxaa ka baxaya qiiq madow, iyadoo ciidamada Kenya ay yaacayaan goobaha ku dhow xaruntaas.

Saraakiisha ciidamada Kenya ayaa sheegay in ay weerareen xarunta ayna doonayaan inay maanta noqoto maalintii ugu dambeysay oo ay kooxda hubeysan halkaas ku sugnaadaan.

Weerarkan ayaa waxaa ku dhaawacmay afar ka tirsan askartii Kenya ee ku qaaday weerarka, iyadoo dagaalkan ay ka qayb qaadanayaan gaadiidka ay ku xiran yihiin qoryaha daran-doorriga u dhaca sida gaadiidka loo yaqaan beebaha.

Xoogagga hubeysan ee ku sugan gudaha xaruntaas oo la sheegay inay isugu jiraan Soomaali iyo Ajnabi, ayaa waxay halkaas la wareegeen Sabtidii lasoo dhaafay iyagoo illaa maanta gacanata ku haya, iyadoo kooxaha hubeysan ay ku haystaan gudaha xaruntaas dad aan tiradooda la ogeyn.

Al-shabaab ayaa sheegtay in haddii la isku dayo in xoog lagu muquuniyo xoogaggooda gacanta ku haya xaruntaas ay layn doonaan dhammaan dadka la-haysteyaasha ah ee ku jira halkaas.

Hay'adda laanqayrta cas ee dalka Kenya ayaa sheegtay in 69-qof ay ku dhinteen weerarka lagu qaaday Westgate ayna ku dhaawacmeen 172-qof, iyadoo dadka dhintay ay ku jireen dad u dhashay dalalka Mareyanka, Kanada, Israa'iil, Hindiya iyo kuwo kale.  

Telefishinnada dalka Kenya ayaa baahinaya in dagaalku uu socdo, iyadoo la arkayo gaadiidka dab-damiska oo ku socda dhismaha xarunta si ay isugu dayaan inay dabka ka kacay u damiyaan.

Weerarkan ayaa noqonaya kii ugu xumaa ee ka dhaca Kenya, kaddib 1998 markaasoo kooxo taabacsan Al-qaacida ay weerareen safaaradda Mareykanka ee Nairobi, halkaasoo ay ku dhinteen boqolaal qof.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/23/2013 1:55 PM EST
Saacado kadib markii ay gudiga sare ee amniga qaranka ee Kenya ay shaaciyeen inay la wareegeen xarunta ganacsiga ee Westgate ayaa muuqaallada halkaasi ka imaanaya ay muujinayaan in dagaalkii uusan wali dhammaanin.

9/23/2013 11:12 AM EST
Isniin, September 23, 2013 (HOL) — Wasaaradda ganacsiga iyo warshadaha Soomaaliya ayaa warsaxaafadeed ay soo saartay maanta ku sheegay in lala macaamili karo Rugta Ganacsiga Soomaaliyeed lala macaamili karo.

9/23/2013 8:25 AM EST
Isniin, September 23, 2013 (HOL) — Magaalada Baydhabo ayaa waxaa xalay lagu dilay askari ka tirsan ciidamada dowladda Soomaaliya, kaasoo markii la dilay lagu riday ceel ku yaalla xaafadda isha ee magaalada Baydhabo.

9/23/2013 8:16 AM EST
Isniin, September 23, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) iyo wafdigii uu hoggaaminayay oo xalay gaaray magaalada Geneve ee dalka Switzerland, halkaasoo uu berri ka furmayo shirka golaha xuquuqul insaanka Qaramada Midoobay.

9/23/2013 8:00 AM EST
Isniin, September 23, 2013 (HOL) —Al-shabaab ayaa soo bandhigtay qaar ka mid ah magacyada xoogaggii weeraray xarunta ganacsiga WESTGATE ee magaalada Nairobi ee xarunta dalka.

9/23/2013 7:50 AM EST
Xarunta Ganacsiga ee Westgate ayaa gubanaysa kadib markii halkaas ay ka dhaceen wax ku dhow toboneeyo qarax oo is xigxiga sida ay ku soo warramayaan dadka agdhow deegaankaas.

9/23/2013 6:29 AM EST
Isniin, Sebtember 23, 2013 (HOL)- Ciidamada badda ee Puntland ayaa howgal ay dhowrkii beri ee ugu dambeeyey ka wadeen magaalada Boosaaso, waxay kusoo qab-qabteen qaar kamida dadka tahriibta ka shaqeeya.

9/23/2013 4:42 AM EST
Isniin, Sebtember 23, 2013 (HOL) War-saxaafadeed kasoo baxay madaxtooyada Puntland, ayaa si xooggan loogu cambaareeyey weerarkii ay dadka badni ku dhinteen ee ka dhacay suuqa Westgate, ee magaalada Nairobi ee xarunta dalka Kenya.

9/23/2013 3:50 AM EST
Isniin, September 23, 2013 (HOL) — Afhayeenka Al-shabaab, Sheekh Cali Maxamuud Raage (Sheekh Cali Dheere) oo la hadlayay warbaahinta afka Al-shabaab ku hadasha ayaa ka digay in ciidamada Kenya iyo kuwa ajnabiga ah inay xoog ku muquuniyaan xoogaggooda ku jira xarunta ganacsiga Westgate ee magaalada Nairobi.

9/23/2013 3:33 AM EST
Isniin, September 23, 2013 (HOL) — Ciidamada Kenya iyo kuwo ka socda dalka Israa’iil ayaa waxaa la sheegay inay isku diyaarinayaan sidii ay weerar ugu qaadi lahaayeen dhismaha ganacsiga ee Westgate, halkaasoo maalintii saddexaad ay haystaan kooxo hubeysan oo ka tisran Al-shabaab.

9/23/2013 3:18 AM EST
Isniin, Sebtember 23, 2013 (HOL)- Doon ganacsi oo u rarneyd ganacsato reer Puntland ah, kuna soo jeeddey dekedda magaalada Boosaaso ee xarunta gobolka Bari, ayaa ku degtey biyaha u dhexeeya dalalka Imaaraadka Carabta iyo Cummaan.

9/23/2013 3:18 AM EST
Isniin, September 23, 2013 (HOL) — Madaxweynaha Somalia, Xasan Sheekh Maxamuud ayaa xalay kulan kula yeeshay magaalada Columbus, Ohio qaar ka mid ah jaaliyadda Soomaaliyeed ee dalkaas ku nool, inkastoo ay jireen dad badan oo ka yimid gobollo fog-fog oo ay u suuro-geli wayday inay la kulmaan madaxweynaha Soomaaliya.

9/23/2013 3:11 AM EST
Isniin, September 23, 2013(HOL) :- Bambaanooyin nooca gacanta laga tuuro ayaa xalay saqdii dhexe lagu weeraray guri uu daganaa taliyaha saldhigga dhexe ee degmada Kismaayo Max’ed Cabdi Buulle Sugoow.