3/28/2024
Today from Hiiraan Online:  _
Wararka Maanta- Axad, Sept 22, 2013
Kulan looga hadlay sidii Culumadu Soomaaliyeed ay uga hor-tegi lahaayeen Fikirka Xag-jirnimada oo lagu qabtay Muqdisho (SAWIRRO)


Axad, September 22, 2013 (HOL) — Dood-cilmiyeed looga hadlayay sidii ay culummada Soomaaliyeed  door uga qaadan karaan ka hor-taga fikiradaha Xag-jirnimada ayaa maanta ka dhacay magaalada Muqdisho, iyadoo doodda uu soo qabanqaabiyay ururka horumarinta dhallinyarada Soomaaliyeed ee SYP.

Sheekh Ibraahim Maxamed Weydow oo doodda ka hadlay ayaa sheegay in loo baahan yahay in culummada Soomaaliyeed iyo shacabku ay taladooda isku darsadaan si hal aragti uga qaataan xag-jirnimada, loona helo xal.

“Culummada Soomaaliyeed mas’uuliyad weyn ayaa ka saran inay ka hadlaan fikradaha qaldan ee xagga diinta ah. Kuwaasoo ay ka dambeyso Al-shabaab waxaana loo baahan yahay in ummadda laga badbaadiyo fikradahaas,” ayuu yiri Sheekh Ibraahim Weydoow.

Sidoo kale, C/qaadir Maxamed Axmed oo ka mid ahaa aqoonyahanadii kasoo qaybgalay doodda ayaa isaguna sheegay in xilligan Al-Shabaab ay iyagu is ugaarsanayaan, sidaas daraadeedna looga baahan yahay shacabka inay ka geystaan gacan sidii loo qaban lahaa kuwa ku dhuumanaya Muqdisho iyo deegaannada kale ee nabdoon.

"Qaabka ugu fiican in arrinta lagu sameyn karo waa in culimada iyo bulshada hoggaankeeda uu dhexmaro xiriir wanaagsan ayna noqdaan kuwosi aad ah isugu xiran. Hooyada iyo aabaha Soomaaliyeed waxaa looga baahan yahay iyagana inay il gaar ah ku hayaan wiilkooda, maadaama ay imaan karto in maskaxda laga bedelo, laguna wacyi-geliyaa in xagjirnimadu ay tahay mid aan wanaagsanayn," ayuu yiri Macallin Daahir oo ka mid ahaa culummadii doodda ka qaybgalay.

Waxaa kaloo doodda ka hadlay Sheekh Salaad Cantood Xasan oo xusay in sida fikirka xag-jirnimada diimeed lagu baabi'in karo in culummadu ay u istaagaan in meel walba ay ka hadlaan, isla markaana ay muujiyaan inuu fikirkani yahay mid qaldan oo horseedaya dhibaato.

"Sida lagu baabi'in karo xag-jirnimada diineed waxaa ka mid ah in shacabka laga wacyi-geliyo dhibaatooyinkiisa, culummaduna ay xoogga saaraan sidii ay fikirkaas ku baabi’in lahaayeen, maadaama uu yahay mid dhashay intii uu dalku ku jiray colaadaha," ayuu yiri Sheekh Cantoob oo xusay in saxaafadda ay iyaduna qayb ka qaadato sidii fikirkaan lagu baabi’in lahaa.

Ugu dambeyn, xubnihii doodda kasoo qaybgalay ayaa waxay is-dhaafsadeen fikrado iyo talooyin kusaabsan ka hortagga xagjirnimada diimeed, iyagoo u mahadceliyay hay’adda SYP oo kulanka soo abaabushay.



Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/22/2013 1:41 PM EST
Axad, September 22, 2013 (HOL) — Wasiirada arrimaha dibadda ee Soomaaliya, Fowsiyo Yuusuf Xaaji Aadan ayaa sheegtay in ciidamada Kenya aysan ka bixi doonin gudaha Soomaaliya, ayna qayb ka yihiin howlgalka Midowga Afrika ee AMISOM.

9/22/2013 1:29 PM EST
Axad, September 22, 2013 (HOL) — Kooxo hubeysan oo watay gaari Toyota ah ayaa maqrinimadii caawa ku toogtay xaafadda Buulo-xuubey ee degmada Wadajir xildibaan, Xuseen C/salaam Maxamed xilli uu ku socday gurigiisa.

9/22/2013 12:53 PM EST
Axad, September 22, 2013 (HOL) — Al-shabaab ayaa bog cusub ka furatay shabakadda Twitter-ka, kaddib markii xalay laga xiray bartii ay horay ugu lahaayeen shabakaddaas, taasoo ay ku sheegteen weerarkii lagu qaaday rugta ganacsiga WESTGATE ee magaalada Nairobi.

9/22/2013 12:26 PM EST
Axad, September 22, 2013 (HOL) — Maamulka Isbitaalka Indhaha Al-Nuur oo ka mid ah isbitaalada indhaha ayaa faahfaahin ka bixiyay waxqabadkii isbitaalka mudadii uu jiray, iyadoo maanta ay ku beeganayd sanadguuradii 11-aad ee kasoo wareegtay markii la aasaasay isbitaalka.

9/22/2013 9:14 AM EST
Kadib markii uu dhiigiisa ugu deeqay dadkii ku waxyeelloobay weerarkii ka dhacay xarunta ganacsiga ee Westgate ayaa safiirka Soomaaliya u fadhiya dalka Kenya uu ku baaqay Soomaalidu ay dhiigooda u shubaan dadka dhaawaca maadaama cadow isku mid ah u na laynayo.

9/22/2013 8:40 AM EST
Maalin kadib markii koox hubaysan ay weerar qorshaysan ku qaadeen xarunta Westgate ayaa waxaa arrinta soo faragaliyay ciidamada Israel.

9/22/2013 6:37 AM EST
Warar soo baxay ayaa sheegaya in xubno kamid ah qoyska madaxweynaha dalka Kenya ay ku jireen dadkii lagu dilay weerarka lagu qaaday xarunta gacacsiga ee Westgate.

9/22/2013 6:15 AM EST
Axad, September 22, 2013 (HOL) — Guddoomiyaha maxkamadda iyo xeer ilaaliyaha degmada Baydhabo ayaa maanta xabsiga la dhigay, kaddib markii lagu eedeeyay inay xabsiga kasii daayeen nin gacanku dhiigle ahaa oo lagu xukumay dil toogasho.

9/22/2013 6:07 AM EST
Axad, September 22, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa saaka u dhoofay magaalada Geneva ee dalka Switzerland. Iyadoo safarkan uu noqonayo kii ugu horreeyay oo ra’iisul wasaaraha Soomaaliya uu ugu ambabaxo dal ku yaalla Qaaradda Yurub.

9/22/2013 5:45 AM EST
Axad, September 22, 2013 (HOL) — Xukuumadda Kenya ayaa sheegtay in 59-qof ay ku dhinteen 162-qof oo kalena ay ku dhaawacmeen weerarkii lagu qaaday rugta ganacsiga ee WESTGATE, halkaasoo qaybo ka mid ah ay weli gacanta ku hayaan kooxihii weerarka ku qaaday.

9/22/2013 2:37 AM EST
Axad, September 22, 2013 (HOL) — Bartii Xarakada Al-sjabaab ay ku lahayd bogga ay bulshada ku xiriirto ee Twitter-ka ee xalay ku sheegteen weerarkii lagu qaaday xarunta ganacsiga ee Westgate ayaa la xiray, iyadoo afhayeen u hadlay shirkadda iska leh shabakaddan uu sheegay inay isitmcaalka barta ka joojiyeen Al-shabaab.

9/22/2013 2:35 AM EST
Axad, September 22, 2013 (HOL) — Ciidamada Kenya ayaa weli dagaal kula jira kooxo hubeysan oo shalay barqadii la wareegay xarunta ganacsiga ee WESTGATE oo ku taalla bartamaha magaalada Nairobi ee xarunta dalka Kenya.

9/22/2013 2:34 AM EST
Axad, September 22, 2013 (HOL) — Ciidamada dowladda Somalia ayaa saaka howgallo baaritaano ah kawada gudaha Suuqa weyn ee Bakaaraha iyo waddooyinka soo gala, howlgalkaas oo lagu sheegay mid lagu xaqiijinayo amniga guud ee suuqaas.

9/22/2013 2:27 AM EST
Axad, September 22, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sheekh Cali Dheere) oo ka hadlay weerarkii ay sheegteen ee lagu qaaday dhismaha ganacsi ee magaalada Nairobi ayaa sheegay in haddii Kenya ay doonayso nabad ay ciidamadeeda kala baxo Soomaaliya.