3/29/2024
Today from Hiiraan Online:  _
Wararka Maanta- Jimco, Sept 20, 2013
Mudaharaadyo rabshado wata oo xalay ka dhacay Magaalada Ceerigaabo & Khilaaf ka taagan bedelka lacagta Shiling Soomaaliga

Jimco, September 20, 2013 (HOL) — Illaa shan qof ayaa la sheegay inay ku dhaawacmeen mudaharaadyo rabshado wata oo xalay ka dhacay magaalada Ceerigaabo ee xarunta gobolka Sanaag, kaasoo keenay in la boobo dukaamo ku yaalla magaaladaas.

Rabshadahan ayaa ka dashay ka dib markii maamulka gobolka iyo qaar ka mid ah ganacsatada gobolku isku khilaafeen bedelaadii lacagtii Shilin Somaliga ahaa oo dhowaan loogu bedelay lacagta shilling Somaliland, taas oo xabsiga loo taxaabay qaar ka mid ah ganacsatadda ka dibna ay ka cadhoodeen qaybo ka mid ah dadweynaha magaaladdu.

Dadweynahan ka gadoodsan xadhiga ganacsataddaasi ayaa xalay oo dhan ka socday magaaladda, waxaanay taasi keentay inay ciidanka maniga iyo dadkii mudahraadayey isku dhacaan oo ay illaa shan qof ku dhaawacmeen.

Ciidamada Militariga ayaa markii dambe kala dareeriyey dadweynihii mudaharaadayey, waxaana la sheegayaa inay hadda magaaladu degantahay.

Si kastaba ha ahaatee, qaar ka mid h ganacsatada Ceerigaabo ayaa dhaliilay qaabka loo bedelay lacagtaasi hore ee shilling Soomaaliga ah, iyagoo sheegay in aan hal mar la wada bedelin ee labadda lacagyoodba la wada isticmaalo, haseyeeshee xukuumadda ayaa amar ku soo saartay in aan lacagta Somaliland ahayn la isticmaali karin.

Sidoo kale sarifleyaaasha gobolka Sanaag ayaa iyaguna ka cabanayey inay lacag badan oo foojari ah oo Shiling Soomaali ah  lagu soo daadiyey gobolka, taas oo wax u dhintay dhaqaalihii gobolkan sidaas darteedna ay dalbadeen in wax laga qabto lacagtaasi.

Illaa hadda xukuumadda Somaliland kama hadal khasaarihii ka dhashay mudaaharaadyadaas iyo khilaafka ka taagan bedelka lacagaha shillin Soomaaliga ah oo laga istimcaalo gobolkaas.

Barkhad-Ladiif  M. Cumar, Hiiraan Online 
[email protected]  
Hargeysa, Somaliland













Click here
9/20/2013 3:55 PM EST
Jimco, 20 September 2013(HOL)—Agaasimaha Hay’adda Cilmi baarista iyo wadatashiga CRD Jabriil Ibraahim Cabdulle oo ka mid ah aqoonyahannadii ka qeybgalay shirkii New Deal ee Soomaaliya loogu qabtay xarunta Midowga Yurub uu leeyahay Magaalada Brussels ee dalka Belgium ayaa wareysi ku saabsan shirkaas waxaa uu siiyay TV-ga Somali Channel, wuxuuna wareysiga uga warramay mirihii shirka ka soo baxay...

9/20/2013 1:09 PM EST
Jimco, September 20, 2013 (HOL) — Dowladda Soomaaliya ayaa markii ugu horreysay u magacowday guddoomiyaha bankiga dhexe ee dalka haweeney Soomaaliyeed oo lagu magacaabo Yusur Abraar, iyadoo bedelaysa C/salaam Cumar Hadliye oo horay xilkaas u hayay.

9/20/2013 1:08 PM EST
Jimco, September 20, 2013 (HOL) — Ra'iisul wasaare ku xigeenka Suuriya, Qadri Jamiil ayaa sheegay in dagaallada sokeeye ee dalkiisa ka socda ay gaareen heer aan la kala adkaan Karin, wuxuuna sababta ku sheegay in kooxaha dagaalamaya aysan xoog isku muquunin karin.

9/20/2013 10:18 AM EST
Taleefishinka CBS ee laga leeyahay dalka Maraykanka ayaa tabiyay in kooxda Alshabaab ee Soomaaliya ka dagaallanta ay samaynayso hub kiimikiil ah taasoo ay kasoo xigteen dukumiinti Maxkamadeed oo la helay oo muujinaya in Al Shabaab oo ah koox xiriir la leh Ururka Al Qacidda ay ku howlantahay horumarinta hub Kiimikaal ah oo ay samaysato.

9/20/2013 8:54 AM EST
Jimco, September 20, 2013 (HOL) — Ugaas C/raxmaan Ugaas Khaliif iyo boqolaal dadweynaha oo isaga kala yimid xaafaddaha magaalada Beledweyne ayaa maanta si wada jir ah uga qeyb-qaatay shubka qeybtii koowaad dhismaha masjidka Bardaha ee magaalada Beledweyne.

9/20/2013 8:39 AM EST
Jimco, September 20, 2013 (HOL) — Dowladda Mareykanka ayaa daboolka ka qaadday inay 69-milyan oo doollar ku bixinayso dib u dhiska Soomaaliya, sida kobcinta dhaqaalaha, waxbarasahada, horumarinta dimuqraadiyadda, xukuumadda iyo shuruucda kala duwan ee dalka.

9/20/2013 8:13 AM EST
Jimco, September 20, 2013 (HOL) — Madaxweynaha Somalia, Xasan Sheekh Maxamuud oo dhawaan booqday magaalada Roma ee dalka Talyaaniga ayaa sheegay in dhallinyarada Soomaaliyeed ee Taliyaaniga ku nool ay qaarkood haysato nolo xumo aad u daran.

9/20/2013 2:13 AM EST
Jimco, September 20, 2013 (HOL) —Soomaalida ee ku nool magaalada Columbus, Ohio ee dalka Mareykanka ayaa waxay diyaar-garow xooggan ugu jiraan sidii ay ku soo dhaweyn lahaayeen madaxweynaha Soomaaliya Xasan Sheekh Maxamud iyo wafdi uu hoggaaminay, kuwaasoo la filayo inay gaaraan Columbus maalinta Axadda ah oo ay bishan ku beegan tahay 22-ka.

9/20/2013 1:59 AM EST
Jimco, September 20, 2013 (HOL) — Madaxweynaha Soomaaliya, Xasan Sheekh Maxamuud oo ay wehliyaan wasiiradda arrimaha dibadda Somalia, Fowsiyo Yuusuf Xaaji Aadan, wasiirka maaliyadda, Maxamuud Xassan Suleyman, wasiir-u-dowlaha madaxtooyada, Faarax Cabduqaadir iyo la-taliyeyaal qaas ah ayaa maanta gaaray magaalada Washington DC ee dalka Maraykanka, halkaasoo ay kula kulmi doonaan madax sare ee dalkaas.

9/20/2013 1:53 AM EST
Jimco, September 20, 2013 (HOL) — Ugu yaraan 11-qof oo ka mid ah dadka ka xoogsada jabinta kaawooyinka dhagaxa ayaa ku dhintay shan kalena way ku dhaawacmeen kaddib markii shalay kaawo ay qodayeen ay kula duntay duleedka degmada Kaaraan ee gobolka Banaadir.