5/16/2021
Today from Hiiraan Online:  _
Wararka Maanta- Arbaco, Oct 9 , 2013
Weerar Bambaano oo Xalay lagu qaaday saldhig ay ciidamada dowladda ku leeyihiin degmada Marka ee G. Shabeellada Hoose


Arbaco, October 09, 2013(HOL) :- Weerar loo adeegsaday bambaanooyinka gacanta laga tuuro ayaa xalay lagu qaaday saldhig ay ciidamada dowladda Soomaaliya ku leeyihiin degmada Marka ee gobolka Shabeelaha Hoose.

Weerarradan ayaa lagu qaaday saldhigga dhexe ee degmada Marka halkaasoo ay ku sugnaayeen ciidamo ka tirsan kuwa dowladda, waxaana ilaa imika la ogayn qasaaraha rasmiga ah ee ka dhashay weerarradaasi.

Goobjoogayaal ku sugan magaalada Marka ayaa HOL u sheegay in laba bambaano oo nooca gacanta ah lagu tuuray saldhigga dhexe ee degmada Marka.

Ciidamada dowladda ayaa weerarka ka dib waxa ay howlgallo ka sameeyeen xaafadaha ku dhow dhow halkaasi, waxaana howlgalladaasi ay kusoo qabqabteen dad looga shakisanyahay in ay ka danbeeyeen weerarradaasi.

Ma jiraan masuuliyiin ka tirsan maamulka degmada Marka oo faahfaahin ka bixiyay weerarradii xalay iyo weliba qasaarooyinka ka dhashay.

Dhinaca kale xoogagga Al-shabaab ayaa xalay weerarro xooggan ku qaaday saldhigyo ay ciidamada dowladda iyo kuwa AMISOM ku leeyihiin deegaanada Janaale iyo Shalaanbood ee gobolka shabeelaha Hoose.

Dagaalladan oo ahaa kuwo xooggan ayay labada dhinac isu adeegsadeen hubka noocyadiisa kala duwan, waxaana saraakiil u kala hadashay labada dhinac ay guulo ka sheegteen dagaalladaasi.

Xoogagga Al-shabaab ayaa aalaaba weerarro caynkan oo kale ah ka fuliya saldhigyada ay ciidamada dowladda Soomaaliya iyo kuwa AMISOM ku leeyihiin gobollada ay maamulaan ee koonfurta Soomaaliya.

Xasan Nuur, Hiiraan Online
[email protected]
Kismaayo-Soomaaliya.












Click here
10/9/2013 9:14 AM EST
Arbaco, Oktoobar 09, 2013 (HOL) — Madaxweynaha Maraykanka, Barack Obama oo ka hadlay weerarkii Mareykanku uu ku beegsaday guri xeebta degmada Baraawe ku yaalla ayuu sheegay inuu yahay mid ay si gaar ah ugu bartilmaameedsanayeen saraakiisha Al-Qaacida ee Afirka ku sugan.

10/9/2013 9:03 AM EST
Arbaco, Oktoobar 09, 2013 (HOL) — Nabaddoonnada Digil iyo Mirifle ayaa u galay saldhigga AMISOM ay ku leedahay Baydhabo iyagoo ka baqdin qaba in la dilo, iyadoo nabaddoonnadan oo tiradoodu tahay 63-qof kuwaasoo aysan is-arkin caruurtooda iyo xaasaskooda.

10/9/2013 8:51 AM EST
Arbaco, Oktoobar 09, 2013 (HOL) — Golaha Wakiiladda Somaliland ayaa maanta guddo galay doodda miisaaniyadda Qaranka ee wasaaradda maaliyaddu usoo gudbisay toddobaadkan.

10/9/2013 8:35 AM EST
Arbaco, Oktoobar 09, 2013 (HOL) — Munaasibad balaadhan oo loogu baroor diiqayo sanad guuradii kowaad ee ka soo wareegtay geeridii Abwaan Maxamed Xaashi Dhamac Gaariye oo ahaa aqoonyahan ku weyn qalbiyadda umadda Soomaaliyeed, ayaa xalay lagu qabtay magaaladda Hargeysa.

10/9/2013 8:31 AM EST
Arbaco, Oktoobar 09, 2013 (HOL) — Maamulka gobolka Banaadir ayaa ka dhawaajiyay maanta in barakacayaasha ku sugan magaalada Muqdisho ay dajin doonaan xero ka baxsan magaalada, taasoo ay sheegeen inay ka heli doonaan waxyaabaha aasaaska u nolosha.

10/9/2013 8:26 AM EST
Arbaco, Oktoobar 09, 2013 (HOL) — Hadal-heynta ugu badan magaalada Beledweyne marka aad eegto xiligan waa halka ay wax u marayaan mas'uuliyiin ka tirsan dowladda oo ku guda jira la tashiyo ballaaran oo ku aadan dhismaha maamul cusub oo markii ugu horeysay ku imanaya hab doorasho ah.

10/9/2013 4:41 AM EST
Arbaco, October 09, 2013(HOL) :- Sheekh Max’ed Awlibaax oo kamid ahaa masuuliyintii la shaqeyn jirtay maamulka KMG ee Jubba islamarkaana xubin sare ka ah ururka Ahlusunna ee gobolka Gedo ayaa ku eedeeyay hogaamiyaha maamulka Jubba Sheekh Axmed Madoobe in uu jabiyay qodobo ka mid ah heshiisyadii uu la galay dowladda Soomaaliya.

10/9/2013 3:22 AM EST
Arbaco, October 09, 2013(HOL) :- Dowladda Mareeykanka ayaa shaaca ka qaaday ujeedada ka danbeeysay weerarkii ay dhawaan ciidamada Kumaandooska dalkaasi ka fuliyeen guri ku yaal degmada Baraawe ee gobolka Shabeelaha Hoose.