5/16/2021
Today from Hiiraan Online:  _
Wararka Maanta- Arbaco, Oct 9 , 2013
Dowladda Mareykanka oo Caddeysay Hadafka ay ka lahayd Weerarkii ay ku qaaday Degmada Baraawe ee Koonfurta Somalia


Arbaco, October 09, 2013(HOL) :- Dowladda Mareeykanka ayaa shaaca ka qaaday ujeedada ka danbeeysay weerarkii ay dhawaan ciidamada Kumaandooska dalkaasi ka fuliyeen guri ku yaal degmada Baraawe ee gobolka Shabeelaha Hoose.

 

Sarkaal sare oo ka tirsan dowladda Mareeykanka oo warbaahinta la hadlay ayaa sheeegay in weerarkaasi ay ku doonayeen in ay kusoo qabtaan ninka lagu magacaabo C/qaadir Max’ed C/qaadir, kaasoo uu xusay in uu xubin  sare ka yahay ururka Al-shabaab.

 

Ninkan oo asal ahaan Soomaali ah balse heysta dhalasho Kenyan ah ayuu sarkaalku sheegay in uu saaxiib dhow la ahaa Faizul Cabdalla iyo Salah Nabhan oo lagu eedeyay in ay ku lug lahaayeen weerarradii 1998-dii lagu qaaday safaaradaha Mareykanka ee dalalka Kenya iyo Tanzania.

 

Ciidamo ka tirsan kumaandooska dalka Mareeykanka ayaa 5-tii bishan weerar qorsheysan ku qaaday guri ku yaal degmada Baraawe kaasoo ay sheegeen in ay ku sugnaayeen masuuliyiin ay bartilmaameedsanayeen, waxaana halkaasi uu iska horimaad xooggan ku dhexmaray xoogagga Al-shabaab iyo ciidamadii weerarka fulinayay.

 

Dowladda Mareykanka ayaa marar badan howlgallo ay ku bartilmaameedsaneeyso shaqsiyaad gaar ah waxa ay ka fulisay deegaano ay ka arimiyaan xoogagga Al-shabaab oo ku yaal koonfurta Soomaaliya.

 

Xasan Nuur, Hiiraan Online
[email protected]
Kismaayo-Soomaaliya












Click here
10/9/2013 9:14 AM EST
Arbaco, Oktoobar 09, 2013 (HOL) — Madaxweynaha Maraykanka, Barack Obama oo ka hadlay weerarkii Mareykanku uu ku beegsaday guri xeebta degmada Baraawe ku yaalla ayuu sheegay inuu yahay mid ay si gaar ah ugu bartilmaameedsanayeen saraakiisha Al-Qaacida ee Afirka ku sugan.

10/9/2013 9:03 AM EST
Arbaco, Oktoobar 09, 2013 (HOL) — Nabaddoonnada Digil iyo Mirifle ayaa u galay saldhigga AMISOM ay ku leedahay Baydhabo iyagoo ka baqdin qaba in la dilo, iyadoo nabaddoonnadan oo tiradoodu tahay 63-qof kuwaasoo aysan is-arkin caruurtooda iyo xaasaskooda.

10/9/2013 8:51 AM EST
Arbaco, Oktoobar 09, 2013 (HOL) — Golaha Wakiiladda Somaliland ayaa maanta guddo galay doodda miisaaniyadda Qaranka ee wasaaradda maaliyaddu usoo gudbisay toddobaadkan.

10/9/2013 8:35 AM EST
Arbaco, Oktoobar 09, 2013 (HOL) — Munaasibad balaadhan oo loogu baroor diiqayo sanad guuradii kowaad ee ka soo wareegtay geeridii Abwaan Maxamed Xaashi Dhamac Gaariye oo ahaa aqoonyahan ku weyn qalbiyadda umadda Soomaaliyeed, ayaa xalay lagu qabtay magaaladda Hargeysa.

10/9/2013 8:31 AM EST
Arbaco, Oktoobar 09, 2013 (HOL) — Maamulka gobolka Banaadir ayaa ka dhawaajiyay maanta in barakacayaasha ku sugan magaalada Muqdisho ay dajin doonaan xero ka baxsan magaalada, taasoo ay sheegeen inay ka heli doonaan waxyaabaha aasaaska u nolosha.

10/9/2013 8:26 AM EST
Arbaco, Oktoobar 09, 2013 (HOL) — Hadal-heynta ugu badan magaalada Beledweyne marka aad eegto xiligan waa halka ay wax u marayaan mas'uuliyiin ka tirsan dowladda oo ku guda jira la tashiyo ballaaran oo ku aadan dhismaha maamul cusub oo markii ugu horeysay ku imanaya hab doorasho ah.

10/9/2013 4:41 AM EST
Arbaco, October 09, 2013(HOL) :- Sheekh Max’ed Awlibaax oo kamid ahaa masuuliyintii la shaqeyn jirtay maamulka KMG ee Jubba islamarkaana xubin sare ka ah ururka Ahlusunna ee gobolka Gedo ayaa ku eedeeyay hogaamiyaha maamulka Jubba Sheekh Axmed Madoobe in uu jabiyay qodobo ka mid ah heshiisyadii uu la galay dowladda Soomaaliya.

10/9/2013 4:06 AM EST
Arbaco, October 09, 2013(HOL) :- Weerar loo adeegsaday bambaanooyinka gacanta laga tuuro ayaa xalay lagu qaaday saldhig ay ciidamada dowladda Soomaaliya ku leeyihiin degmada Marka ee gobolka Shabeelaha Hoose.