5/16/2021
Today from Hiiraan Online:  _
Wararka Maanta- Isniin, Oct 7 , 2013
Ra’iisul Wasaare Saacid oo sheegay in Dagaallada lagula jiro Al-shabaab ay la kaashan doonaan Caalamka iyo dalalka dariska



Isniin, Oktoobar 07, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay Axaddii shalay in burburinta Al-shabaab ay la kaashan doonaan dalalka caalamka iyo kuwa dariska la ah Soomaaliya.

Saacid oo ka hadlayay kulan uu kaga warbixinayay waxqabaadkii halka sano ee xukuumaddiisa ayaa sheegay in ciidamada DF iyo kuwa gacanta siinaya ee AMISOM ay ka mid tahay ay ku guuleysteen inay Al-shabaab deegaanno badan oo Soomaaliya ku yaalla ka saaraan.

“Caalamka iyo dalalka dariska ah ayaa naga caawinaya sidii aan Al-shabaab uga adkaan lahayn,” ayuu yiri Saacid oo sheegay in xilligan uu caalamku diyaar u yahay inay Soomaaliya ka caawiyaan sidii Al-shabaab oo burburin lahaa.

Sidoo kale, Saacid ayaa sheegay in dowladda Soomaaliya ay calaamka ka codsanayso inay ku taageerto hub iyo dhaqaale lagula dagaalamo kooxda Al-shabaab oo uu ku sheegay inay khatar ku tahay Soomaaliya, dalalka dariska ah iyo dunida inteeda kale.

Mar la weydiiyay weerarkii uu Mareykanku ku qaaday degmada Baraawe ee gobolka Shabeellada Hoose oo saldhig u ah Al-shabaab ayuu sheegay inuu qayb ka yahay dagaalka lagula jiro Al-shabaab ee la doonayo in ciidan ahaan iyo fikir ahaan loogu burburiyo.

Ciidamada gaarka ah ee Mareykanka ayaa weerar ku qaaday dhisme xeebta degmada Baraawe ku yaalla, kaasoo la sheegay inay ku sugnaayeen xubno sar-sare oo Al-shabaab ka tirsan, inkastoo lagu guuldarreystay in hadafkii laga lahaa weerarkaas la fuliyo.

Xarakada Al-shabaab ayaa dhawaan weerarro ka geystay dalka Kenya gaar ahaan suuqa Westgate halkaasoo ay ku dhinteen 67-qof oo shacab u badan, iyadoo ay ku dhaawacmeen tiro intaas ka badan.

Afhayeen u hadlay Al-shabaab ayaa ku hanjabay in Kenya ay weeraro kaas la mid ah ka geysan doonaan, isagoo sheegay in weeraradan ay jawaab uga dhiganayaan diimada ay madaxda Kenya diideen dalabkoodii ahaa inay kala baxaan Soomaaliya ciidamadooda oo qayb ka ah howgalka AMISOM.

Madaxweynaha dowladda Soomaaliya, Xasan Sheekh Maxamuud oo hadal ka jeediyay shirkii sanadlaha ahaa ee Qaramada Midoobay bishii lasoo dhaafay ayaa sheegay in Al-shabaab aysan khatar ku ahayn Somalia oo keliya, balse ay khatar ku tahay caalamka oo dhan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/7/2013 3:02 PM EST
Isniin, Oktoobar 07, 2013 (HOL) — Wasiirka Arrimaha gudaha Somaliland Cali Maxamed Warancade, ayaa faahfaahin ka bixiyey dilkii laba cisho ka hor ka dhacay magaaladda Hargeysa oo afar dhalinyaro ahi dhagax ku dileen wiil dhalinyaro ah.

10/7/2013 11:59 AM EST
Isniin, Oktoobar 07, 2013 (HOL) — Xildhibaannada labada aqal ee Itoobiya ayaa maanta u doortay madaxweynaha dalkaas, Mulatu Teshome Wirtu oo ahaa wasiirkii hore ee beeraha dalka Itoobiya, kaasoo xilka hayn doona lixda sano ee soo socota.

10/7/2013 9:41 AM EST
Isniin, Oktoobar 07, 2013 (HOL) — Madaxweynaha Somalia, Xasan Sheekh Maxamuud oo maanta kulan kula yeeshay xarunta madaxtooyada sarakiisha ciidamadda xoogga dalka ayaa amaanay sida ay ciidamadu u shaqeeyaan.

10/7/2013 8:12 AM EST
Isniin, Oktoobar 07, 2013 (HOL) — Baarlamaanka Soomaaliya ayaa dib u celiyay maanta hidise sharciyeed ku saabsan horumarinta bangiga dhexe ee Soomaaliya oo ay soo gudbisay wasaaradda maaliyadda Soomaaliya.

10/7/2013 8:06 AM EST
Isniin, Oktoobar 07, 2013 (HOL) — Hoggaamiyaha maamulka KMG ah ee Jubba Sheekh Axmed Max’ed Islaam Axmed Madoobe oo maanta shir jaraa’id ku qabtay madaxtooyada ee Kismaayo ayaa uga warbixiyay arimo badan oo ay kamid yihiin safarro uu kusoo maray dalal kala duwan, shirka la filayo in uu ka dhaco Muqdisho iyo weliba wafdigii ka socday dowladda Soomaaliya ee dhawaan soo gaaray magaalada Kismaayo.

10/7/2013 7:49 AM EST
Isniin, Oktoobar 07, 2013 (HOL) — Shir looga hadlayo shidaal la baarayo Soomaaliya ayaa maanta ka furmay magaalada London ee xarunta Britain waxaana shirkaas ka qaybgalay wasiirka khayraadka dalka, C/risaaq Cumar Maxamed iyo mas’uuliyiin ka socda shirkadaha shidaalka baara iyo shirkad laga leeyahay dalka Britain oo Soomaaliya ka baaraysa shidaalka.

10/7/2013 7:35 AM EST
Isniin, Oktoobar 07, 2013 (HOL) — Booliiska dalka Kenya ayaa maanta soo bandhigay magacyada iyo sawirrada laba nin oo Soomaali ah oo la sheegay inay qayb ka qaataan weerarkii bishii hore lagu qaaday dhismaha ganacsi ee Westgate Mall ee magaalada Nairobi.

10/7/2013 4:15 AM EST
Isniin, Oktoobar 07, 2013 (HOL) — Shir ay AMISOM soo qaban-qaabisay oo laba maalmood ka socday ayaa lagu soo gabgabeeyay gobolka Minnesota ee dalka Mareykanka. Kulankan ayaa waxaa kasoo qayb-galay xubno ka kala yimid Waqooyiga Ameerika kana koobnaa aqoon-yahanno, culumaa’uddiin, haween iyo dhallinyaro.

10/7/2013 4:09 AM EST
Isniin, Oktoobar 07, 2013 (HOL) — Ugu yaraan 50-qof ayaa ku dhintay tiro intaas ka badanna way ku dhinteen kaddib mudaaharaadyo rabshado wata oo shalay oo Axad ahayd ku dhexmaray dalka Masar.

10/7/2013 2:21 AM EST
Isniin, Oktoobar 07, 2013 (HOL) — Maamulka Somaliland ayaa sheegay inay albaabbada isugu dhufteen xafiis lagu bixin jiray baasaboorka Soomaaliga ee E-Passport-ka loo yaqaan, iyagoo sheegay inay maxakamad soo taagayaan shaqsiyaadkii ku lugta lahaa howshan.

10/7/2013 2:10 AM EST
Isniin, Oktoobar 07, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qaybgalay kulan ka dhacay degmada Howlwadaag ayaa ugu baaqay shacabka Muqdisho inay iska dhiciyaan Al-shabaab oo aysan u ogolaan degmooyinkooda.

10/7/2013 2:09 AM EST
Isniin, Oktoobar 07, 2013 (HOL) — Dowladda Mareykanka ayaa shaaciysay magaca sarkaalkii ay ku weerareen xeebta degmada Baraawe ee gobolka Shabeellada Hoose, halkasoo ah saldhigga ugu weyn ururka Al-shabaab ay ku leeyihiin Koonfurta Soomaaliya.