3/28/2024
Today from Hiiraan Online:  _
Wararka Maanta- Isniin, Oct 7 , 2013
Shir looga hadlayo sidii lagu soo bandhigiyo shidaalka ku jira Soomaaliya oo Maanta ka furmay Galbeedka Magaalada London

Isniin, Oktoobar 07, 2013 (HOL) — Shir looga hadlayo shidaal la baarayo Soomaaliya ayaa maanta ka furmay magaalada London ee xarunta Britain waxaana shirkaas ka qaybgalay wasiirka khayraadka dalka, C/risaaq Cumar Maxamed iyo mas’uuliyiin ka socda shirkadaha shidaalka baara iyo shirkad laga leeyahay dalka Britain oo Soomaaliya ka baaraysa shidaalka.

Qodobbada shirkan looga hadlayo ayaa waxaa ka mid ah shidaalka Somalia laga heli karo, iyadoo wasiirka khayraadka Soomaaliya uu sheegay inay ka jirto Soomaaliya fursad weyn oo shidaal looga saari karo.

Wasiirka ayaa sheegay in Soomaaliya ay hadda ka jirto nabad la isku haleyn karo loogana baari karo shidaal, isagoo rajo wanaagsan ka muujiyay in laga soo saari karo shidaalka, taasoo uu sheegay inay fursad weyn u tahay dib u soo kabashada Soomaaliya oo 22-sano ku jiray burbur iyo dhaqaale la’aan.

Ujeeddada shirkan ayaa waxaa lagu sheegay sidii loogu soo bandhig lahaa shirkadaha shidaalka qoda shidaalka laga heli karo Soomaaliya iyagoo laga baari doono shidaalka badda iyo barriga Soomaaliya.

“Shirkan waxaa kasoo qaybgalay wasiirro Afrikaan ah, madaxda shirkadaha maal-gashiga caalamka, qorshihiisuna waa sidii shidaalka Soomaaliya loosoo bandhigi lahaa, si shirkadaha shidaalka qoda maal-gaashi ugu sameystaan,” ayuu yiri wasiirka oo intaas ku daray in shirkani socon doono saddex casho.

Golaha wasiirrada dowladda Soomaaliya ayaa toddobaadkii hore isla meel dhigay in Soomaaliya laga baaro shidaal, ayna shidaalkaas baari doonto shirkad laga leeyahay dalka Britain oo lagu magacaabo Soma Oil & Gas, taasoo heshiis lagu baarayo shidaalka la saxiixay dowladda Soomaaliya.

Madaxa shirkadda Soma Oil & Gas, Robert Sheppard ayaa sheegay inuu rajo wanaagsan ka qabo in Soomaaliya laga helo karo shidaal iyo gaas fara badan, wuxuuna sheegay inay baaritaanka ka sameyn doonaan goobaha ay ka taliso dowladda federaalka.

“Waanu dareensannahay khatarta ammaan ee Soomaaliya ka jirta, balse waxaan isku dayaynaa in howgallada baarista shidaalka aan dowladda uga helno ciidammo ilaaliya,” ayuu hadalkiisa ku daray Sheppard.

Howshan lagu baarayo shidaalka Soomaaliya ayaa waxay noqon doontaa fursad weyn oo qayb ka qaadata dib u soo kabashada Soomaaliya oo ay ka jireen colaado sannado fara badan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/7/2013 3:02 PM EST
Isniin, Oktoobar 07, 2013 (HOL) — Wasiirka Arrimaha gudaha Somaliland Cali Maxamed Warancade, ayaa faahfaahin ka bixiyey dilkii laba cisho ka hor ka dhacay magaaladda Hargeysa oo afar dhalinyaro ahi dhagax ku dileen wiil dhalinyaro ah.

10/7/2013 11:59 AM EST
Isniin, Oktoobar 07, 2013 (HOL) — Xildhibaannada labada aqal ee Itoobiya ayaa maanta u doortay madaxweynaha dalkaas, Mulatu Teshome Wirtu oo ahaa wasiirkii hore ee beeraha dalka Itoobiya, kaasoo xilka hayn doona lixda sano ee soo socota.

10/7/2013 10:23 AM EST
Isniin, Oktoobar 07, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay Axaddii shalay in burburinta Al-shabaab ay la kaashan doonaan dalalka caalamka iyo kuwa dariska la ah Soomaaliya.

10/7/2013 9:41 AM EST
Isniin, Oktoobar 07, 2013 (HOL) — Madaxweynaha Somalia, Xasan Sheekh Maxamuud oo maanta kulan kula yeeshay xarunta madaxtooyada sarakiisha ciidamadda xoogga dalka ayaa amaanay sida ay ciidamadu u shaqeeyaan.

10/7/2013 8:12 AM EST
Isniin, Oktoobar 07, 2013 (HOL) — Baarlamaanka Soomaaliya ayaa dib u celiyay maanta hidise sharciyeed ku saabsan horumarinta bangiga dhexe ee Soomaaliya oo ay soo gudbisay wasaaradda maaliyadda Soomaaliya.

10/7/2013 8:06 AM EST
Isniin, Oktoobar 07, 2013 (HOL) — Hoggaamiyaha maamulka KMG ah ee Jubba Sheekh Axmed Max’ed Islaam Axmed Madoobe oo maanta shir jaraa’id ku qabtay madaxtooyada ee Kismaayo ayaa uga warbixiyay arimo badan oo ay kamid yihiin safarro uu kusoo maray dalal kala duwan, shirka la filayo in uu ka dhaco Muqdisho iyo weliba wafdigii ka socday dowladda Soomaaliya ee dhawaan soo gaaray magaalada Kismaayo.

10/7/2013 7:35 AM EST
Isniin, Oktoobar 07, 2013 (HOL) — Booliiska dalka Kenya ayaa maanta soo bandhigay magacyada iyo sawirrada laba nin oo Soomaali ah oo la sheegay inay qayb ka qaataan weerarkii bishii hore lagu qaaday dhismaha ganacsi ee Westgate Mall ee magaalada Nairobi.

10/7/2013 4:15 AM EST
Isniin, Oktoobar 07, 2013 (HOL) — Shir ay AMISOM soo qaban-qaabisay oo laba maalmood ka socday ayaa lagu soo gabgabeeyay gobolka Minnesota ee dalka Mareykanka. Kulankan ayaa waxaa kasoo qayb-galay xubno ka kala yimid Waqooyiga Ameerika kana koobnaa aqoon-yahanno, culumaa’uddiin, haween iyo dhallinyaro.

10/7/2013 4:09 AM EST
Isniin, Oktoobar 07, 2013 (HOL) — Ugu yaraan 50-qof ayaa ku dhintay tiro intaas ka badanna way ku dhinteen kaddib mudaaharaadyo rabshado wata oo shalay oo Axad ahayd ku dhexmaray dalka Masar.

10/7/2013 2:21 AM EST
Isniin, Oktoobar 07, 2013 (HOL) — Maamulka Somaliland ayaa sheegay inay albaabbada isugu dhufteen xafiis lagu bixin jiray baasaboorka Soomaaliga ee E-Passport-ka loo yaqaan, iyagoo sheegay inay maxakamad soo taagayaan shaqsiyaadkii ku lugta lahaa howshan.

10/7/2013 2:10 AM EST
Isniin, Oktoobar 07, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qaybgalay kulan ka dhacay degmada Howlwadaag ayaa ugu baaqay shacabka Muqdisho inay iska dhiciyaan Al-shabaab oo aysan u ogolaan degmooyinkooda.

10/7/2013 2:09 AM EST
Isniin, Oktoobar 07, 2013 (HOL) — Dowladda Mareykanka ayaa shaaciysay magaca sarkaalkii ay ku weerareen xeebta degmada Baraawe ee gobolka Shabeellada Hoose, halkasoo ah saldhigga ugu weyn ururka Al-shabaab ay ku leeyihiin Koonfurta Soomaaliya.