5/18/2021
Today from Hiiraan Online:  _
Wararka Maanta- Axad, Oct 6 , 2013
Wafdi uu Hoggaaminayo Shiikh Axmed Madoobe oo maanta dib ugu laabtay Magaalada Kismaayo ee Gobolka Jubbada Hoose




Axad, October 06, 2013(HOL) :- Wafdi uu horkacayo hogaamiyaha maamulka KMG ee Jubba Sheekh Axmed Max’ed Islaam (Axmed Madoobe) ayaa maanta dib ugu soo laabtay dalka, kadib safarro kala duwan oo uu kusoo maray dalal kala duwan.

Wafdigan oo kasoo qeybgalay shirkii dhaqaalaha loogu arurinayay Soomaaliya ee ka dhacay dalka Biljimka ayaa waxa uu kasoo ambabaxay magaalada Nairobi ee caasimadda dalka Kenya, halkaasoo ay mudooyinkii ugu danbeeyay ku sugnaayeen.

Qeybtii hore ee wafdiga oo isugu jiray siyaasiyiinta iyo odoyaal dhaqameed ayaa waxa ay yimaadeen maanta duhurkii, halka qeybta labaad ee wafdiga oo uu horkacayay hogaamiyaha maamulka Jubba Sheekh Axmed Madoobe ay iyaguna magaalada soo gaareen maanta gelinkii danbe.

Intii uusan wafdigu iman kahor ayaa siweyn loo adkeeyay ammaanka guud ee magaalada Kismaayo, iyadoona ciidamo tiro badan lagu daadiyay wadooyinka waaweyn ee dhexmara magaalada Kismaayo.

Imaatinka wafdigan ayaa ahaa mid aan hore loo shaacin, ilaa imikana ma jiraan masuuliyiin ka tirsan maamulka Jubba oo faahfaahin ka bixiyay imaatinka wafdigan.

Wafdigan maanta soo gaaray magaalada Kismaayo ayaa kusoo beegmaya xilli saaka uu magaalada Kismaayo ka dhacay qarax miino oo sababay qasaarooyin soo gaaray dad rayid ah.

Xasan Nuur, Hiiraan Online
[email protected]
Kismaayo-Soomaaliya












Click here
10/6/2013 11:05 AM EST
Axad, Oktoobar 06, 2013 (HOL) — Waaxda haweenka iyo arrimaha bulshada ee wasaaradda horumarinta adeegga bulshada dowladda Somalia oo gacan ka helaysa hay'ada caalamiga ah ee Qaramada Midoobay u qaabilsan qoyska ee UNFPA ayaa maanta Muqdisho kusoo gaba-gabeysay siminnaar looga hadlayay tacadiyada loo geysto haweenka Soomaaliyeed.

10/6/2013 9:13 AM EST
Axad, Oktoobar 06, 2013 (HOL) — Xildhibaanno ka tirsan baarlamaanka Soomaaliya ayaa duhurnimadii maanta ka degay garoonka diyaaradaha magaalada Beledweyne, halkaa oo ay ku soo dhaweeyeen mas'uuliyiinta maamulka gobolka Hiiraan oo uu hogaminayay guddoomiyaha gobolka iyo xubno ka socday wasaarrada arrimaha gudaha oo horay u sii joogay magaalada.

10/6/2013 8:52 AM EST
Axad, Oktoobar 06, 2013 (HOL) — Xoghayaha arrimaha dibadda Mareykanka John Kerry ayaa sheegay inay sii wadayaan howlgallada ay ku baacsanayno kooxaha mas’uulka ka ah weerarrada argagaxisada ah ee ka dhaca Somalia iyo Liibiya.

10/6/2013 8:29 AM EST
Axad, Oktoobar 06, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) oo ka hadlayay waxqabadka xukuumaddiisa tan iyo markii la magacaaba oo ku beegnayd 06-da Oktoobar 2012 oo maanta ku beegan ayaa wuxuu sheegay in isku shaandheyn uu ku sameyn doono wasiirradiisa, isagoo xusay in la ballaarin doono.

10/6/2013 7:16 AM EST
Axad, Oktoobar 06, 2013 (HOL) — Fannaanada weyn ee Hibo Maxamed Hudoon (Hibo Nuura) oo bishii hore dib ugu soo laabatay Muqdisho ayaa rajo weyn ka muujiyay in Muqdisho ay dib ugu laabanaso Muqdishadii hore.

10/6/2013 4:25 AM EST
Axad, Oktoobar 06, 2013 (HOL) — Sheekh Maxamed Cabdi Umal oo ka mid ah culumada Islaamka ee dalka Kenya ayaa sheegay in loogu hanjabay in la dili doono, balse aysan taasi wax cabsii ah gelin doonin oo uu sii wadi doono wacyi-gelinnada diiniga ah.

10/6/2013 3:52 AM EST
Axad, Oktoobar 06, 2013 (HOL) — Ergyga Midowga Afrika ee arrimaha Soomaaliya, Maxamed Saalax Anaadiif iyo wafdi uu hoggaaminayo oo ka socda AMISOM ayaa kulan kula yeeshay magaalada Minneapolis jaaliyadda Soomaaliyeed ee gobolka Minnesota ku nool.

10/6/2013 3:35 AM EST
Axad, October 06, 2013(HOL) :- Qaraxan oo ahaa mid xooggan islamarkaana siweyn looga maqlayay guud ahaan xaafadaha kala duwan ee magaalada Kismaayo ayaa saaka aroortii ka dhacay xaafadda Faanoole ee magaalada Kismaayo.

10/6/2013 3:09 AM EST
Axad, Oktoobar 06, 2013 (HOL) — Dowlada Mareykanka ayaa sheegtay inay ka dambeysay weerarkii habeen hore lagu qaaday degmada Baraawe ee gobolka Shabeellada hoose oo ah saldhigga ugu weyn ee Al-shabaab ay ku leedahay Koonfurta Soomaaliya.

10/6/2013 2:48 AM EST
Axad, Oktoobar 06, 2013 (HOL) — Wasiirka arrimaha gudaha iyo ammaanka Qaranka, C/kariin Xuseen Guuleed oo ka hadlayay tababar loo furayey qaar ka mid ah saraakiisha booliiska Somalia ayaa sheegay in booliiska Somalia uu ka tayo wanaagsan yahay booliiska dalka Ciraaq.