3/29/2024
Today from Hiiraan Online:  _
Wararka Maanta- Axad, Oct 6 , 2013
Sheekh Maxamed Umal oo Sheegay in loogu Hanjabay in la dili doono, balse isagu uu sii wadi doono wacyi-gelinta diimeed

Axad, Oktoobar 06, 2013 (HOL) — Sheekh Maxamed Cabdi Umal oo ka mid ah culumada Islaamka ee dalka Kenya ayaa sheegay in loogu hanjabay in la dili doono, balse aysan taasi wax cabsii ah gelin doonin oo uu sii wadi doono wacyi-gelinnada diiniga ah.

Sheekha oo dhawaan ka hadlay weerarkii lagu qaaday dhismaha Westgate Mall ee magaalada Nairobi isagoo ku tilmaamay weerarkaas mid fool xun oo aysan diinta Islaamku ogoleyn, isagoo xusay in fariinta hanjabaadda ah ay uga timid Soomaaliya.

“Hanjabaad la iigu sheegayo in la i dilay ayaa iiga timid Soomaaliya, taasina ma ahan mid hor-istaagi doonta wacyi-gelinnada islaamiga ah ee aan wado, waana isi wadi doonaa,” ayuu yiri Sheekh Maxamed Umal.

Sidoo kale, Sheekhu wuxuu sheegay in loo sheegay in dadka dili doona ay kula suga nyihiin magaalada Nairobi, wuxuuna hanjaabaddan ku sheegay mid qayb ka ah dhibaatooyinka lagu hayo culummada islaamka meel walba oo ay joogaan.

Mar uu ka hadlayay magaalada Nairobi ayuu ku sheegay weerarkii Westgate lagu qaaday inuu ahaa mid aan wax sal ah ku lahayn diinta Islaamka, isagoo sheegay in halkaas lagu dilay dad shacab ah oo aan waxba galabsan oo ku jiray howl-maalmeedkooda caadiga ah.

Weerarkii Westgate Mall ayaa waxaa ku dhintay 67-qof, iyadoo 200-qof in ku dhowna ay dhaawacyo kala duwan kasoo gaareen, waxaana mas’uuliyadda weerarkaas sheegatay Al-shabaab oo ka dagalaanta gudaha Soomaaliya.

“Mar kasta oo Xarakada Al-shabaab ay weerarro ka fuliyaan dalka dibaddiisa waxay horseedaysaa in ciidammo hor leh la geeyo gudaha Soomaaliya, balse ma ahan mid sabab u noqon karta in ciidamada ay uga baxaan,” ayuu yiri Sheekh Umal oo sheegay in weerarkii Kampala lagu qaaday sanadkii 2010-kii u sababay in ciidammo badan la geeyo Soomaaliya.

Al-Shabaab ayaa lagu eedeeyay inay ka dambeysay dilalka culummo badan oo Soomaaliyeed, kuwaasoo la sheegay inay kasoo horjeesteen dagaallada ay Al-shabaab kula jirto dowladda Soomaaliya iyo ciidamada Soomaaliya ku sugan ee caawinaya dowladda.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/6/2013 11:05 AM EST
Axad, Oktoobar 06, 2013 (HOL) — Waaxda haweenka iyo arrimaha bulshada ee wasaaradda horumarinta adeegga bulshada dowladda Somalia oo gacan ka helaysa hay'ada caalamiga ah ee Qaramada Midoobay u qaabilsan qoyska ee UNFPA ayaa maanta Muqdisho kusoo gaba-gabeysay siminnaar looga hadlayay tacadiyada loo geysto haweenka Soomaaliyeed.

10/6/2013 9:13 AM EST
Axad, Oktoobar 06, 2013 (HOL) — Xildhibaanno ka tirsan baarlamaanka Soomaaliya ayaa duhurnimadii maanta ka degay garoonka diyaaradaha magaalada Beledweyne, halkaa oo ay ku soo dhaweeyeen mas'uuliyiinta maamulka gobolka Hiiraan oo uu hogaminayay guddoomiyaha gobolka iyo xubno ka socday wasaarrada arrimaha gudaha oo horay u sii joogay magaalada.

10/6/2013 9:08 AM EST
Axad, October 06, 2013(HOL) :- Wafdi uu horkacayo hogaamiyaha maamulka KMG ee Jubba Sheekh Axmed Max’ed Islaam (Axmed Madoobe) ayaa maanta dib ugu soo laabtay dalka, kadib safarro kala duwan oo uu kusoo maray dalal kala duwan.

10/6/2013 8:52 AM EST
Axad, Oktoobar 06, 2013 (HOL) — Xoghayaha arrimaha dibadda Mareykanka John Kerry ayaa sheegay inay sii wadayaan howlgallada ay ku baacsanayno kooxaha mas’uulka ka ah weerarrada argagaxisada ah ee ka dhaca Somalia iyo Liibiya.

10/6/2013 8:29 AM EST
Axad, Oktoobar 06, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) oo ka hadlayay waxqabadka xukuumaddiisa tan iyo markii la magacaaba oo ku beegnayd 06-da Oktoobar 2012 oo maanta ku beegan ayaa wuxuu sheegay in isku shaandheyn uu ku sameyn doono wasiirradiisa, isagoo xusay in la ballaarin doono.

10/6/2013 7:16 AM EST
Axad, Oktoobar 06, 2013 (HOL) — Fannaanada weyn ee Hibo Maxamed Hudoon (Hibo Nuura) oo bishii hore dib ugu soo laabatay Muqdisho ayaa rajo weyn ka muujiyay in Muqdisho ay dib ugu laabanaso Muqdishadii hore.

10/6/2013 3:52 AM EST
Axad, Oktoobar 06, 2013 (HOL) — Ergyga Midowga Afrika ee arrimaha Soomaaliya, Maxamed Saalax Anaadiif iyo wafdi uu hoggaaminayo oo ka socda AMISOM ayaa kulan kula yeeshay magaalada Minneapolis jaaliyadda Soomaaliyeed ee gobolka Minnesota ku nool.

10/6/2013 3:35 AM EST
Axad, October 06, 2013(HOL) :- Qaraxan oo ahaa mid xooggan islamarkaana siweyn looga maqlayay guud ahaan xaafadaha kala duwan ee magaalada Kismaayo ayaa saaka aroortii ka dhacay xaafadda Faanoole ee magaalada Kismaayo.

10/6/2013 3:09 AM EST
Axad, Oktoobar 06, 2013 (HOL) — Dowlada Mareykanka ayaa sheegtay inay ka dambeysay weerarkii habeen hore lagu qaaday degmada Baraawe ee gobolka Shabeellada hoose oo ah saldhigga ugu weyn ee Al-shabaab ay ku leedahay Koonfurta Soomaaliya.

10/6/2013 2:48 AM EST
Axad, Oktoobar 06, 2013 (HOL) — Wasiirka arrimaha gudaha iyo ammaanka Qaranka, C/kariin Xuseen Guuleed oo ka hadlayay tababar loo furayey qaar ka mid ah saraakiisha booliiska Somalia ayaa sheegay in booliiska Somalia uu ka tayo wanaagsan yahay booliiska dalka Ciraaq.