5/16/2021
Today from Hiiraan Online:  _
Wararka Maanta- Arbaco, Oct 16, 2013
MADAXWEYNE GEELLE: “Ciidamadeennu way sii joogayaan Soomaaliya inta itaalkeennu yahayna waan taageeraynaa walaalaheen”



Arbaco, Oktoobar 16, 2013 (HOL) — Madaxweynaha dalka Jabuuti, Ismaaciil Cumar Geelle ayaa sheegay in ciidamada dalkiisa ee qaybga ka ah AMSIOM ay sii joogi doonaan Somalia inta ay cagaheeda isaga taagayso, amnigana dib looga soo celinayo, kaddib khudbad uu ka jeediyay munaasabadda ciidul Adxa oo lagu qabtay magaalada Jabuuti.

Geelle ayaa hambalyo u diiray ciidamada dalkiisa ee Soomaaliya ku sugan ; isagoo ku amaanay waxqabadka iyo dadaalka ay gacan ku siinayaan dadka Soomaaliyeed ee ay walaalaha yihiin, isagoo ugu baaqay inay howshooda ka sii wadaan halkaas.

"Hambalyo ayaan u dirayaa geesiyaasheena jooga Soomaaliya ee dadaalka ku bixinaya taageerada walaalahood. Itaalkeennu inta uu yahay waa sii wadi doonnaan taageerada iyo tababarrada aan siinayno ciidamada walaalaha ah ee Soomaaliyeed si ay dalkooda cadowga uga ceshadaan,” ayuu hadalkiisa ku daray.

Isagoo intaas ku daray in howsha ugu weyn ee ciidamadooda ay Soomaaliya u joogaan ay tahay sidii ay uga shaqeyn lahaayeen ammaanka iyo sidii ay u fududeyn lahaayeen howlaha nabadeed ee shacabka.

Madaxweynaha Jabuuti wuxuu sheegay inaysan hanjabaadaha ka imaanaya Al-Shabaab aysan shageysan doonin, isagoo kuwa hanjabaya ku sheegay in aysan ahayn iyaga, balse lagu adeeganayo oo kooxo kale ay hanjabaadda waddo.

" Hanjabaadaha ka imaanaya Al-shabaab oo dhiigga shacabka xalaaleystay ma ahan kuwo aan maqlayno, waayo waa kuwo dhibaato ku haya dadkii dad u xigay ee Soomaaliyeed, marka cid kale oo ay u naxayaan ma jirto," ayuu hadalkiisa ku daray madaxweynaha Jabuuti.

Dalka Jabuuti ayaa waxaa Soomaaliya kaga sugan hal guuto oo ciidammo ah, kuwaasoo ka howlgalaya deegaanno ka tirsan gobolka Hiiraan oo ay ku jirto magaalada xarunta ah ee Baladweyne.

Xarakada Al-Shabaab ayaa dhawaan ugu baaqay madaxweynaha Jabuuti in ciidamadiisa uu kala baxo Soomaaliya, haddii kale ay la kulmayaan cawaaqib iyo weeraro ay la beegsanayaan ciidankooda jooga gobolka Hiiraan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/16/2013 2:05 PM EST
Arbaco, Oktoobar 16, 2013 (HOL) — Madaxweynaha Puntland oo maanta Garoowe dib ugu soo laabtay ayaa ka hadlay mashaariic shidaal baaris ah oo la filayo in sanadka soo socda ay ka bilaabmaan qaybo kamid ah dalka Soomaaliya.

10/16/2013 11:33 AM EST
Arbaco, Oktoobar 16, 2013 (HOL) —Wafdi ballaaran oo uu hoggaaminayo madaxweynaha Puntland C/raxmaan Maxamed Faroole ayaa maanta dalka dib ugu soo laabtay, kaddib muddo dhowr todobaad ah oo ay safarro shaqo dibadda ugu maqnaayeen.

10/16/2013 8:46 AM EST
Arbaco, Oktoobar 16, 2013 (HOL) — Agaasimayaal iyo wakiillo ka kala socda qaar ka mid ah wasaaradaha xukuumadda federaalka Somalia ayaa maanta kulan kula yeeshay garoonka diyaaradaha Muqdisho dublamaasiyiin ka socda dowladda Netherlands, iyadoo kawada hadlay sidii iskaashi uu u dhexmari lahaa labada dowladood.

10/16/2013 7:52 AM EST
Arbaco, Oktoobar 16, 2013 (HOL) — Ciidamada ammaanka Itoobiya ayaa xiray saddex qof oo looga shakisan yahay inay xiriir la lahaayeen qarax ka dhacay magaalada Addis Ababa maalintii Axadda ahayd, kaasoo ay laba qof oo la sheegay inay Soomaali ahaayeen ku dhinteen.

10/16/2013 7:29 AM EST
Arbaco, Oktoobar 16, 2013 (HOL) — Wasiirka amniga Puntland, Khaliif Ciise Mudan ayaa sheegay inay jiraan qorshayaal ay Al-shabaab ku doonayso inay weerarro kaga geysato deegaannada maamulka Puntland.

10/16/2013 7:15 AM EST
Arbaco, Oktoobar 16, 2013 (HOL) — Madaxweynaha Somali, Xasan Sheekh Maxamuud ayaa sheegay in kaalmada dhinaca ammaanka ah ee ay ka helaan dalalka caalamku ay tahay mid aad u yar, isagoo ugu baaqay in Soomaalidu ay ku tashato in ciidamada ammaanka aysan jirin cid u maqan.

10/16/2013 7:06 AM EST
Arbaco, Oktoobar 16, 2013 (HOL) — Kaddib kulan ballaaran oo magaalada Beledweyne ay ku yeesheen xubnaha ka socda wasaarada arrimaha gudaha, xildhibaanno, mas’uuliyiinta maamulka gobolka Hiiraan, odayaasha dhaqanka iyo waxgaradka beelaha gobolka Hiiraan ayaa looga dhawaaqay in la guda–gallay wajigii labaad qorshaha dhismaha maamulka gobolka Hiiraan oo ah mid ku iman doona hab doorasho.

10/16/2013 2:51 AM EST
Arbaco, Oktoobar 16, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay in wadashaqeyn wanaagsan ay kala dhexeyso baarlamaanka Somalia isagoo xusay in halkii sano ee ay jirtay xukuumaddu ay dhowr ajande u gudbisay golaha shacabka.

10/16/2013 2:32 AM EST
Arbaco, Oktoobar 16, 2013 (HOL) — Afhayeenka guud ee Xarakada Al-shabaab, Sheekh Cali Maxamuud Raage (Sheekh Cali Dheere) oo degmada Baraawe kula hadlayya boqolaal qof oo ka tirsan shacabka degmadaas ayaa sheegay in dalka Kenya uu ku dhawaaday inuu ka mid noqdo goobaha ay ka taliyaan.

10/16/2013 2:12 AM EST
Arbaco, Oktoobar 16, 2013 (HOL) — Xoghayaha guud ee golaha shacabka Soomaaliya ayaa sheegay inaysan waxba ka jirin warar sheegaya inay ku amareen ra’iisul wasaaraha Soomaaliya inuu horyimaado baarlamankaa si uu kalsoonida u weydiisto, warkaas oo ay warbaahinta qaarkeed baahisay.