5/7/2021
Today from Hiiraan Online:  _
Wararka Maanta- Arbaco, Oct 16, 2013
Ra’iisul Wasaarha Somalia oo sheegay in Wadashaqeyn Wanaagsan ay kala shaqeyso Golaha Baarlamaanka Soomaaliya



Arbaco, Oktoobar 16, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay in wadashaqeyn wanaagsan ay kala dhexeyso baarlamaanka Somalia isagoo xusay in halkii sano ee ay jirtay xukuumaddu ay dhowr ajande u gudbisay golaha shacabka.

Mudane Saacid ayaa sheegay inaysan kala kulmin baarlamaanka muddadii uu xafiiska joogay wax caqabad ah, isagoo intaas raaciyay in 25 hindise iyo shan heshiis ay u gudbiyeen baarlamaanka.

“Waxaan halkan ka qirayaa in baarlamaanka iyo xukuumadda ay u dhexeyso wada-shaqeyn wanaagsan, waxaana halkii sano aan u gudbinnay 25 hindise sharciyeed iyo shan heshiis, dhammaantoodna waxay u meel-mariyeen si ay u ku jirto kalsooni buuxda iyo shaqo wanaag,” ayuu yiri ra’iisul wasaaraha Soomaaliya.

Sidoo kae, ra’iisul wasaaruhu wuxuu sheegay in xukuumaddu ay ku kalsoon tahay wadashaqeynta kala dhexeysa baarlamaanka, isagoo sheegay inay u gudbin doonaan sannadka soo socda mooshinno iyo heshiisyo kale oo intaas ka badan.

“Baarlamaanku wuxuu muujiyay shaqo wanaag hufan, waxaana inagu diyaar u nahay inaan ula shaqeyno si wanaagsan, tanina waxay caddeyn buuxda u tahay in xukuumaddu ay diyaar u tahay in lala xisaabtamo” ayuu ku daray hadalkiisa.

Ra’iisul wasaaraha Soomaaliya ayaa hadalka ka sheegay kulan qado-sharaf  ahayd oo shalay ka dhacay xarunta madaxtooyada Soomaaliya, isagoo intaa ku daray inuu ku faraxsan yahay howlaha dowladda Somalia u qabsoomay intii ay jirtay, uuna shaqo intaas ka wanaagsan u rajeynayo sannadaha soo socda.

Dhanka kale, ra’iisul wasaaraha Soomaaliya ayaa waxaa lagu wadaa inuu 26-ka bishan Oktoobar hortago baarlamaanka Soomaaliya si uu khudbad uu ku sharraxyo wax-qabadka xukuumadiisa sannadkii lasoo dhaafay.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/16/2013 2:05 PM EST
Arbaco, Oktoobar 16, 2013 (HOL) — Madaxweynaha Puntland oo maanta Garoowe dib ugu soo laabtay ayaa ka hadlay mashaariic shidaal baaris ah oo la filayo in sanadka soo socda ay ka bilaabmaan qaybo kamid ah dalka Soomaaliya.

10/16/2013 11:33 AM EST
Arbaco, Oktoobar 16, 2013 (HOL) —Wafdi ballaaran oo uu hoggaaminayo madaxweynaha Puntland C/raxmaan Maxamed Faroole ayaa maanta dalka dib ugu soo laabtay, kaddib muddo dhowr todobaad ah oo ay safarro shaqo dibadda ugu maqnaayeen.

10/16/2013 8:46 AM EST
Arbaco, Oktoobar 16, 2013 (HOL) — Agaasimayaal iyo wakiillo ka kala socda qaar ka mid ah wasaaradaha xukuumadda federaalka Somalia ayaa maanta kulan kula yeeshay garoonka diyaaradaha Muqdisho dublamaasiyiin ka socda dowladda Netherlands, iyadoo kawada hadlay sidii iskaashi uu u dhexmari lahaa labada dowladood.

10/16/2013 8:06 AM EST
Arbaco, Oktoobar 16, 2013 (HOL) — Madaxweynaha dalka Jabuuti, Ismaaciil Cumar Geelle ayaa sheegay in ciidamada dalkiisa ee qaybga ka ah AMSIOM ay sii joogi doonaan Somalia inta ay cagaheeda isaga taagayso, amnigana dib looga soo celinayo, kaddib khudbad uu ka jeediyay munaasabadda ciidul Adxa oo lagu qabtay magaalada Jabuuti.

10/16/2013 7:52 AM EST
Arbaco, Oktoobar 16, 2013 (HOL) — Ciidamada ammaanka Itoobiya ayaa xiray saddex qof oo looga shakisan yahay inay xiriir la lahaayeen qarax ka dhacay magaalada Addis Ababa maalintii Axadda ahayd, kaasoo ay laba qof oo la sheegay inay Soomaali ahaayeen ku dhinteen.

10/16/2013 7:29 AM EST
Arbaco, Oktoobar 16, 2013 (HOL) — Wasiirka amniga Puntland, Khaliif Ciise Mudan ayaa sheegay inay jiraan qorshayaal ay Al-shabaab ku doonayso inay weerarro kaga geysato deegaannada maamulka Puntland.

10/16/2013 7:15 AM EST
Arbaco, Oktoobar 16, 2013 (HOL) — Madaxweynaha Somali, Xasan Sheekh Maxamuud ayaa sheegay in kaalmada dhinaca ammaanka ah ee ay ka helaan dalalka caalamku ay tahay mid aad u yar, isagoo ugu baaqay in Soomaalidu ay ku tashato in ciidamada ammaanka aysan jirin cid u maqan.

10/16/2013 7:06 AM EST
Arbaco, Oktoobar 16, 2013 (HOL) — Kaddib kulan ballaaran oo magaalada Beledweyne ay ku yeesheen xubnaha ka socda wasaarada arrimaha gudaha, xildhibaanno, mas’uuliyiinta maamulka gobolka Hiiraan, odayaasha dhaqanka iyo waxgaradka beelaha gobolka Hiiraan ayaa looga dhawaaqay in la guda–gallay wajigii labaad qorshaha dhismaha maamulka gobolka Hiiraan oo ah mid ku iman doona hab doorasho.

10/16/2013 2:32 AM EST
Arbaco, Oktoobar 16, 2013 (HOL) — Afhayeenka guud ee Xarakada Al-shabaab, Sheekh Cali Maxamuud Raage (Sheekh Cali Dheere) oo degmada Baraawe kula hadlayya boqolaal qof oo ka tirsan shacabka degmadaas ayaa sheegay in dalka Kenya uu ku dhawaaday inuu ka mid noqdo goobaha ay ka taliyaan.

10/16/2013 2:12 AM EST
Arbaco, Oktoobar 16, 2013 (HOL) — Xoghayaha guud ee golaha shacabka Soomaaliya ayaa sheegay inaysan waxba ka jirin warar sheegaya inay ku amareen ra’iisul wasaaraha Soomaaliya inuu horyimaado baarlamankaa si uu kalsoonida u weydiisto, warkaas oo ay warbaahinta qaarkeed baahisay.