5/7/2021
Today from Hiiraan Online:  _
Wararka Maanta- Arbaco, Oct 16, 2013
Afhayeenka Guud ee Al-shabaab oo Shaaciyay in Kenya ay ku dhawaatay in ay ka mid noqoto Deegaannada ay ka taliyaan



Arbaco, Oktoobar 16, 2013 (HOL) — Afhayeenka guud ee Xarakada Al-shabaab, Sheekh Cali Maxamuud Raage (Sheekh Cali Dheere) oo degmada Baraawe kula hadlayya boqolaal qof oo ka tirsan shacabka degmadaas ayaa sheegay in dalka Kenya uu ku dhawaaday inuu ka mid noqdo goobaha ay ka taliyaan.

Sheekh Cali Dheere ayaa sidoo kale ka hadlay weerarkii ay ciidamada gaarka ah ee Mareykanku ku qaadeen dhawaan degmada Baraawe, isagoo xusay in uu ahaa mid indhaha caalamka looga jeedinayay weerarkii Westgate Mall.

“Magaalada Nairobi waxay ku dhawaatay inay ka mid noqto deegaannada aan ka talino ee maamullada leh, kaddib markii koox yar oo ka tirsan Al-shabaab ay dhowr maalmood haysteen suuqa Westgate” ayuu yiri Sheekh Cali Dheere.

Afhayeenka oo sii hadlaya ayaa wuxuu sheegay in Al-shabaab ay sii wadi doonaan weerarrada ay ku qaadayaan dalka Kenya, isagoo sheegay inay u ahayd weerarkii Westgate mid tijaabo ah oo ay ku ogaadaan awoodda ay leeyihiin ciidamada Kenya.

Xarakada Al-shabaab ayaa xarunta ganacsiga Westgate Mall ee magaalada Nairobi ku qaaday weerar bishii lasoo dhaafay, kaasoo qaatay dhowr casho, waxaana ku dhintay in ka badan 67-qof, iyadoo ay ku dhaawacmeen dhowr boqol oo kale.

Sidoo kale, afhayeenka Al-shabaab aya asheegay in weerarkii Baraawe ay kusoo qaadeen ciidamada gaarka ah ee Mareykanka uu ahaa mid caalamku ay doonayeen inay indhaha kaga jeediyaan weerarkii Westgate Mall oo ahaa weerar dhibaato badan gaarsiiyay Kenya.

“Weerarkii lagu soo qaaday Baraawe wuxuu ahaa mid la doonayay in rayiga calaamka lagu qaldo oo looga jeediyo indhahooda weerarkii Westgate, balse weerarkaas wuxuu ahaa mid lagu fashilmay oo hadafkii la lahaa laga gaari waayay,” ayuu yiri afhayeenka Al-shabaab.

Ugu dambeyn, afhayeenku wuxuu hadalkiisa kusoo xiray in ciidamadii ay kala laabteen degmada Baraawe ceeb, fadeexo iyo khasaare nafeed oo kala duwan, wuxuuna xusay in weerarka lagu bartilmaameedsaday guri xeebta ku yaalla oo ay deggenayeen xubno ka tirsan Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/16/2013 2:05 PM EST
Arbaco, Oktoobar 16, 2013 (HOL) — Madaxweynaha Puntland oo maanta Garoowe dib ugu soo laabtay ayaa ka hadlay mashaariic shidaal baaris ah oo la filayo in sanadka soo socda ay ka bilaabmaan qaybo kamid ah dalka Soomaaliya.

10/16/2013 11:33 AM EST
Arbaco, Oktoobar 16, 2013 (HOL) —Wafdi ballaaran oo uu hoggaaminayo madaxweynaha Puntland C/raxmaan Maxamed Faroole ayaa maanta dalka dib ugu soo laabtay, kaddib muddo dhowr todobaad ah oo ay safarro shaqo dibadda ugu maqnaayeen.

10/16/2013 8:46 AM EST
Arbaco, Oktoobar 16, 2013 (HOL) — Agaasimayaal iyo wakiillo ka kala socda qaar ka mid ah wasaaradaha xukuumadda federaalka Somalia ayaa maanta kulan kula yeeshay garoonka diyaaradaha Muqdisho dublamaasiyiin ka socda dowladda Netherlands, iyadoo kawada hadlay sidii iskaashi uu u dhexmari lahaa labada dowladood.

10/16/2013 8:06 AM EST
Arbaco, Oktoobar 16, 2013 (HOL) — Madaxweynaha dalka Jabuuti, Ismaaciil Cumar Geelle ayaa sheegay in ciidamada dalkiisa ee qaybga ka ah AMSIOM ay sii joogi doonaan Somalia inta ay cagaheeda isaga taagayso, amnigana dib looga soo celinayo, kaddib khudbad uu ka jeediyay munaasabadda ciidul Adxa oo lagu qabtay magaalada Jabuuti.

10/16/2013 7:52 AM EST
Arbaco, Oktoobar 16, 2013 (HOL) — Ciidamada ammaanka Itoobiya ayaa xiray saddex qof oo looga shakisan yahay inay xiriir la lahaayeen qarax ka dhacay magaalada Addis Ababa maalintii Axadda ahayd, kaasoo ay laba qof oo la sheegay inay Soomaali ahaayeen ku dhinteen.

10/16/2013 7:29 AM EST
Arbaco, Oktoobar 16, 2013 (HOL) — Wasiirka amniga Puntland, Khaliif Ciise Mudan ayaa sheegay inay jiraan qorshayaal ay Al-shabaab ku doonayso inay weerarro kaga geysato deegaannada maamulka Puntland.

10/16/2013 7:15 AM EST
Arbaco, Oktoobar 16, 2013 (HOL) — Madaxweynaha Somali, Xasan Sheekh Maxamuud ayaa sheegay in kaalmada dhinaca ammaanka ah ee ay ka helaan dalalka caalamku ay tahay mid aad u yar, isagoo ugu baaqay in Soomaalidu ay ku tashato in ciidamada ammaanka aysan jirin cid u maqan.

10/16/2013 7:06 AM EST
Arbaco, Oktoobar 16, 2013 (HOL) — Kaddib kulan ballaaran oo magaalada Beledweyne ay ku yeesheen xubnaha ka socda wasaarada arrimaha gudaha, xildhibaanno, mas’uuliyiinta maamulka gobolka Hiiraan, odayaasha dhaqanka iyo waxgaradka beelaha gobolka Hiiraan ayaa looga dhawaaqay in la guda–gallay wajigii labaad qorshaha dhismaha maamulka gobolka Hiiraan oo ah mid ku iman doona hab doorasho.

10/16/2013 2:51 AM EST
Arbaco, Oktoobar 16, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay in wadashaqeyn wanaagsan ay kala dhexeyso baarlamaanka Somalia isagoo xusay in halkii sano ee ay jirtay xukuumaddu ay dhowr ajande u gudbisay golaha shacabka.

10/16/2013 2:12 AM EST
Arbaco, Oktoobar 16, 2013 (HOL) — Xoghayaha guud ee golaha shacabka Soomaaliya ayaa sheegay inaysan waxba ka jirin warar sheegaya inay ku amareen ra’iisul wasaaraha Soomaaliya inuu horyimaado baarlamankaa si uu kalsoonida u weydiisto, warkaas oo ay warbaahinta qaarkeed baahisay.