5/16/2021
Today from Hiiraan Online:  _
Wararka Maanta- Arbaco, Oct 16, 2013
Xoghayaha Baarlamaanka oo shaaciyay in aysan waxba ka jirin inay Ra’iisul Wasaaraha ka dalbadeen inuu kaslooni weydiisto



Arbaco, Oktoobar 16, 2013 (HOL) — Xoghayaha guud ee golaha shacabka Soomaaliya ayaa sheegay inaysan waxba ka jirin warar sheegaya inay ku amareen ra’iisul wasaaraha Soomaaliya inuu horyimaado baarlamankaa si uu kalsoonida u weydiisto, warkaas oo ay warbaahinta qaarkeed baahisay.

Cabdikariin Xaaji Cabdi (Buux) oo ah xogyaha baarlamankaa ayaa sheegay in qoraal kusoo baxay warbaahinta qaarkeed oo sheegaya in ra’iisul wasaare Saacid uu weydiisto kalsoonida aysan ahayn mid uu wax ka jiro.

“Warbaahinta Soomaalida qaaarkeed waxaa lagu baahiyay warar aanay wax ka jirin oo been abuur ah. Baarlamanaku xaq buu u leeyahay inuu ra’iisul wasaaraha iyo xukuumadda la xisaabtamo, balse qoraalka la baahiyay ee ah in xukuumadda loo yeeray waa mid been ah,” ayuu yiri C/kariin Buux.

Sidoo kale, Xoghayaha ayaa tilmaamay in warbaahinta ay sheegeen in laga keenay ra’iisul wasaaraha mooshin loogu yeerayo si uu baarlamaanka u weydiisto kalsoonida, laakiinse waxaan si cad u sheegayaa buu yiri inuusan warkaasi ahayn mid jira oo uu been abuur yahay.

“Waxaan doonayaa inaan shacbiga u iftiimiyo arrinta u yeerista Ra’iisul wasaaraha ee 26-ka bishan, sababta loogu yeerayna waa inuu khudbad ka jeediyo baarlamaanka, taaspo uu kaga waribxinayo howlihii xukuumadda u qabsoomay muddadii sannadka ahayd ee xukuumaddu shaqeynaysay,” ayuu yiri C/kariin Buux.

Isgoo sii hadlaya ayuu xohayuhu sheegay in qodobbada laga doonayo ra’iisul wasaare inuu ka warbixiyo ay ka mid yihiin miisaaniyadii hore iyo sida ay u hir-gashay, caqabadaha ka hor yimid iyo sidoo kale inuu baarlamaanka hor-keeno miisaaniyadda sanadka soo socda ee 2014-ka, iyagoo kadib wasiirka maalliyadda uu imaan doono oo arrinta miisaaniyadda sii amba-qaadi doono taasi ayaana ah xaqiiqda jirta oo ma jiro wax mooshin ah oo la keenay.

Xoghayaha guud ee golaha shacabka, C/kariin Xaaji Buux ayaa ka hadlay nidaamka mooshin keenista wuxuuna xusay in marka ay xildhibaannada mooshin soo diyaariyaan ay isaga oo xoghayaha ay ay soo marsiyaan uuna ku daro lifaaq sidaasna guddoonka baarlamaanka ugu gudbiyo, isagoo xusay inaanay jirin wax mooshin ah oo xukuumadda laga keenay.

Ugu dambeyn wuxuu fariin u diray tafaftirayaasha warbaahinta qaarkood oo uu kula taliyay inay ka fekeraan warka ay daabacayaan oo aysan ku deg-degin baahinta war aysan hubin loona baahan yahay in tan hadda dhacday ay ku qaataan tusaale, isagoo wararka noocaas oo kale ah ku tilmaamay in ay yihiin kuwo looga golleeyahay in hormarka dowladnimada lagu dhaawaco.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/16/2013 2:05 PM EST
Arbaco, Oktoobar 16, 2013 (HOL) — Madaxweynaha Puntland oo maanta Garoowe dib ugu soo laabtay ayaa ka hadlay mashaariic shidaal baaris ah oo la filayo in sanadka soo socda ay ka bilaabmaan qaybo kamid ah dalka Soomaaliya.

10/16/2013 11:33 AM EST
Arbaco, Oktoobar 16, 2013 (HOL) —Wafdi ballaaran oo uu hoggaaminayo madaxweynaha Puntland C/raxmaan Maxamed Faroole ayaa maanta dalka dib ugu soo laabtay, kaddib muddo dhowr todobaad ah oo ay safarro shaqo dibadda ugu maqnaayeen.

10/16/2013 8:46 AM EST
Arbaco, Oktoobar 16, 2013 (HOL) — Agaasimayaal iyo wakiillo ka kala socda qaar ka mid ah wasaaradaha xukuumadda federaalka Somalia ayaa maanta kulan kula yeeshay garoonka diyaaradaha Muqdisho dublamaasiyiin ka socda dowladda Netherlands, iyadoo kawada hadlay sidii iskaashi uu u dhexmari lahaa labada dowladood.

10/16/2013 8:06 AM EST
Arbaco, Oktoobar 16, 2013 (HOL) — Madaxweynaha dalka Jabuuti, Ismaaciil Cumar Geelle ayaa sheegay in ciidamada dalkiisa ee qaybga ka ah AMSIOM ay sii joogi doonaan Somalia inta ay cagaheeda isaga taagayso, amnigana dib looga soo celinayo, kaddib khudbad uu ka jeediyay munaasabadda ciidul Adxa oo lagu qabtay magaalada Jabuuti.

10/16/2013 7:52 AM EST
Arbaco, Oktoobar 16, 2013 (HOL) — Ciidamada ammaanka Itoobiya ayaa xiray saddex qof oo looga shakisan yahay inay xiriir la lahaayeen qarax ka dhacay magaalada Addis Ababa maalintii Axadda ahayd, kaasoo ay laba qof oo la sheegay inay Soomaali ahaayeen ku dhinteen.

10/16/2013 7:29 AM EST
Arbaco, Oktoobar 16, 2013 (HOL) — Wasiirka amniga Puntland, Khaliif Ciise Mudan ayaa sheegay inay jiraan qorshayaal ay Al-shabaab ku doonayso inay weerarro kaga geysato deegaannada maamulka Puntland.

10/16/2013 7:15 AM EST
Arbaco, Oktoobar 16, 2013 (HOL) — Madaxweynaha Somali, Xasan Sheekh Maxamuud ayaa sheegay in kaalmada dhinaca ammaanka ah ee ay ka helaan dalalka caalamku ay tahay mid aad u yar, isagoo ugu baaqay in Soomaalidu ay ku tashato in ciidamada ammaanka aysan jirin cid u maqan.

10/16/2013 7:06 AM EST
Arbaco, Oktoobar 16, 2013 (HOL) — Kaddib kulan ballaaran oo magaalada Beledweyne ay ku yeesheen xubnaha ka socda wasaarada arrimaha gudaha, xildhibaanno, mas’uuliyiinta maamulka gobolka Hiiraan, odayaasha dhaqanka iyo waxgaradka beelaha gobolka Hiiraan ayaa looga dhawaaqay in la guda–gallay wajigii labaad qorshaha dhismaha maamulka gobolka Hiiraan oo ah mid ku iman doona hab doorasho.

10/16/2013 2:51 AM EST
Arbaco, Oktoobar 16, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay in wadashaqeyn wanaagsan ay kala dhexeyso baarlamaanka Somalia isagoo xusay in halkii sano ee ay jirtay xukuumaddu ay dhowr ajande u gudbisay golaha shacabka.

10/16/2013 2:32 AM EST
Arbaco, Oktoobar 16, 2013 (HOL) — Afhayeenka guud ee Xarakada Al-shabaab, Sheekh Cali Maxamuud Raage (Sheekh Cali Dheere) oo degmada Baraawe kula hadlayya boqolaal qof oo ka tirsan shacabka degmadaas ayaa sheegay in dalka Kenya uu ku dhawaaday inuu ka mid noqdo goobaha ay ka taliyaan.