5/7/2021
Today from Hiiraan Online:  _
Wararka Maanta- Talaado, Oct 15, 2013
Munaasabadda Ciidul-Adxa oo Maanta si weyn looga Dabaal-dagay Gobolka Sool iyo Degmooyin kala duwan (SAWIRRO)



Talaado, Oktoobar 15, 2013 (HOL) — Magaalada Laascaanood ee xarunta gobolka Sool iyo degmada Buuhoodle ayaa maanta si wanaagsan looga ciiday, iyadoo ay boqolaal qof ay isugu soo baxeen goobo loo cayiray inay dadku ku tukadaan.

Goroonka Masalaha oo ku yaalla Koonfurta Laascaanood, masjidka jaamaca ah oo dhinaca Waqooyi ku yaalla iyo barxada dugsiga Hoyga ayaa maanta lagu tukaday salaaddii ciidda, iyadoo halkaas ay isugu soo baxeen shacab fara badan.

Bulshada ku dhaqan magaalada Laascaanood oo wajiyadoodu ka muuqday farxad yo rayn-rayn ayaa isugu hambalyaynayay maalinta koowaad ee ciidul Adxa, iyadoo maamulka gobolka Sool iyo kan degmada ay dadweynaha kula tukadeen masjidka jaamaca.

Magaaladda Buuhoodle ayaa iyadana waxay dadka ku nool isugu soo bexeen garoonka kubada cagta ee Xabbado, halkaas oo ay culummada deegaanka guud ahaan ku midaysnaayeen maalintan weynaynteed.

SAWIRRADA CIIDDA HALKAN KA DAAWO:

Sidoo kale, degmada Taleex ayaa iyadana bulshada ku nool ay ku tukadeen barxadda Xiidda oo duleedka degmada ku taala, iyadoo ay ka muuqanayeen qaar ka mid ah mas’uuliyiinta Khaatumo oo ka mid yahay madaxweyne ku xgeenka, Axmed Cilmi Cismaan (Axmed Karaash).

Degmada Xuddun ayaa iyadana lagu tukadey laba goobood oo ku kala yaal Waqooyiga iyo Koonfurta, iyadoo dadka deegaanka ay ku mashquuleen inta badan qalidda xoolaha ay ciidda ugu talo-galeen.

Munaasabadda ciidan ayaa si aad ah uga duwanayd habkii sannadihii la soo dhaafay looga ciiday magaalooyinkan, iyadoo dadka intooda badan ay si aad ah u qalayeen xoolaha, kuwaasoo lagu sadaqeysanayay bulshada danyarta ah ee magaalooyinkaas ku nool. Iyadoo qiimaha ariga uu ka gaaray gobolka Sool 50-doollar.

Seynab Cabdi Warsame, Hiiraan Online
[email protected]
Laascaanood, Gobolka Sool












Click here
10/15/2013 7:22 PM EST
Sidee looga ciiday maanta munsaabadda Ciidul Adxaa. Daawo sawiro laga soo qaaday magaalada Minneapolis ee gobolka Minnesota.

10/15/2013 12:25 PM EST
Talaado, Oktoobar 15, 2013 (HOL) — Madaxweynaha Somalia Xasan Sheekh Maxamud, guddoomiyaha baarlamaanka, Maxamed Sh. Cusmaan Jawaari iyo ra’iisul wasaaraha xukuumadda, Cabdi Faarax Shirdoon (Saacid) ayaa maanta munaasabad qado-sharaf ah u sameeyey xildhibaannada golaha shacabka, waxaaba kasoo qaybgalay ra’iisul wasaare ku-xigeenka, xubno ka tirsan golaha wasiirrada iyo xubnaha baarlamaanka.

10/15/2013 9:33 AM EST
Talaado, Oktoobar 15, 2013 (HOL) — Madaxweynaha Soomaaliya, Xasan Sheekh Maxamuud ayaa wareysi uu siiyay wargeys wabaahinta caalamka qaarkeed ku sheegay ay ciidamada Mareykanku ku qaadeen toddobaad ka hor degmada Baraawe ee gobolka Shabeellada Hoose lagu soo wargeliyay.

10/15/2013 9:17 AM EST
Talaado, Oktoobar 15, 2013 (HOL) — Wakiilka Midowga Afrika ee arrimaha Soomaaliya Mahamet Salah Anndif iyo wafdi uu hogaaminayo oo uu ka mid yahay taliyaha guud ee ciidamada midowgga Africa AMISOM Jen Andrew Gutti ayaa gaaray magaalada Beledweyne ee xarunta gobolka Hiiraan.

10/15/2013 9:09 AM EST
Talaado, October 15, 2013(HOL) :- Munaasibadda ciidda barakeeysan ee ciidul Adxa ayaa maanta siweyn looga xusay magaalada Kismaayo, iyadoona kumannaan qof ay isugu soo baxeen fagaareyaal kala duwan oo ku yaal magaalada Kismaayo.

10/15/2013 8:57 AM EST
Talaado, Oktoobar 15, 2013 (HOL) — Munaasabada Ciidul-Adxaa oo ka mid ah munaasabadaha ku weyn quluubta shacabka muslim-ka ah meel kasta oo ay joogaan, ayaa guud ahaanba siweyn looga maamuusay gobollada dalka Soomaaliya.

10/15/2013 4:43 AM EST
Talaado, Oktoobar 15, 2013 (HOL) — Xukuumadda Soomaaliya ayaa rajo wanaagsan ka qabta in kordhinta ciidamada AMISOM ay sabab u noqon karaan in laga adkaado Al-shabaab oo ka talisa deegaanno badan oo ka tirsan Soomaaliya, kuwaasoo ay ku jiraan magaalooyinka muhiim ah oo ay ka mid tahay degmada Baraawe oo 200-km koonfur kaga beegan Muqdisho.

10/15/2013 4:22 AM EST
Talaado, Oktoobar 15, 2013 (HOL) — Wasiirka Arrimaha gudaha Somaliland Cali Maxamed Waran-cadde ayaa mamnuucay in Dad sita E-Passporka Soomaaliya aanay ka gudbi Karin xuduudda u dhexeysa Somaliland iyo Soomaaliya.

10/15/2013 4:13 AM EST
Talaado, Oktoobar 15, 2013 (HOL) — Ugu yaraan laba qof ayaa ku geeriyooday habeen hore, ruux kalana wuu ku dhaawacmay ka dib markii nin la sheegay inuu maskaxda ka xanuunsanayo rasaas oodda kaga qaaday xaflad aroos oo ka dhacaysay miyiga magaaladda Gabiley.

10/15/2013 4:05 AM EST
Talaado, Oktoobar 15, 2013 (HOL) — Waaberigii hore ee saakka, ayaa dadweynaha ku nool goboladda Somaliland ku dareereen garoomadda waaweyn si ay usoo gutaan waajibaadka labadda Ragcadood ee salaadda ciidda.

10/15/2013 3:49 AM EST
Talaado, Oktoobar 15, 2013 (HOL) — Madaxda dowladda Somalia ayaa kula tukaday maanta masaajidka isbahaysiga Islaamka salaaddii ciidul-adxa, iyadoo hadal uu madaxweynuhu ka jeediyay masaajidka uga dalbaday dadka Soomaaliyeed inay isku naxariistaan oo ay is-cafiyaan.