5/16/2021
Today from Hiiraan Online:  _
Wararka Maanta- Talaado, Oct 15, 2013
Wakiilka gaarka ah ee Ururka Midowga Afrika ee Somalia oo Maanta gaaray Magaalada Beledweyne ee Gobolka Hiiraan (SAWIRRO)



Talaado, Oktoobar 15, 2013 (HOL) — Wakiilka Midowga Afrika ee arrimaha Soomaaliya Mahamet Salah Anndif iyo wafdi uu hogaaminayo oo uu ka mid yahay taliyaha guud ee ciidamada midowgga Africa AMISOM Jen Andrew Gutti ayaa gaaray magaalada Beledweyne ee xarunta gobolka Hiiraan.

Wafdiga ayaa kulamo kala duwan la qatay mas’uuliyiinta maamulka gobolka Hiiraan iyo saraakiisha ciidamada Jabuuti ee qeybta ka ah howlgalka AMISOM, iyada oo kulanka kadib ku soo wareegay xarumaha ciidamada, gaar ahaan xarunta gaaska shanaad ee Lama-galaay oo inta badan hadda lagu qabto tababarada ciidamada maamulka gobolka Hiiraan.

Sidoo kale, wakiilka midowgga Africa iyo wafdigiisa ayaa tagay saldhiga booliiska magaalada Beledweyne oo uu tababar uga soconayo ciidamo booliiska, isaga oo u kuur-galay sida uu tababarku socdo.

Mahamet Salah Anndif oo la hadllay ciidamada ayaa ku dhiiri-galiyay howsha sida uu sheegay ay u hayaan bulshada, isaga oo si gaar ah ugu amaanay ciidamada booliiska kaalita ay ka qaataan sugida nabad-galyada.

Sidoo kale, waxaa uu sheegay in dhawaan ay soo gaari doonaan magaalada Beledweyne ciidamo booliiska oo ka tirsan midowgga Africa oo ka qeyb-qaadan doona sugida ammniga, gacan buuxda siin doona ciidamada maamulka gobolka Hiiraan.

“Maanta oo ah maalin Ciid ah aad ayaan ugu faraxsnahay in aan soo gaaro magaalada Beledweyne, aad ayaan ugu faraxsannahay howlaha kala duwan ee halka ka socda [Beledweyne], waxaana socdaalkanu yahay mid ku saleysan sidii aan ugu kuur-gali laheyn howlaha kala duwan ee ciidamada AMISOM, waana uga mahad celineynaa sida ay isaga xil saareen wax ka qabashada nabad-galyada iyo waliba tayeeynta ciidamada maamulka halka ka jira,’’ ayuu yiri wakiilka midowgga Africa.

Wafdiga iyo mas’uuliyiinta maamulka gobolka oo ay wehliyaan xildhibanno ka tirsan baarlamaanka Soomaaliya, saraakiisha Jabuuti iyo saraakiisha ciidamada xoogga dalka Soomaaliyeed, ayaa kulan gaar ah oo ay wada-qaateen waxaa looga wada hadallay arrimaha ammniga.

Socdaalkan ayaa noqonaya kii ugu horeeyay ee uu ku tago magaalada Beledweyne wakiilka midowgga Africa ee Soomaaliya.








C/raxmaan Diini, Hiiraan Online
[email protected]
Beledweyne, Soomaaliya












Click here
10/15/2013 7:22 PM EST
Sidee looga ciiday maanta munsaabadda Ciidul Adxaa. Daawo sawiro laga soo qaaday magaalada Minneapolis ee gobolka Minnesota.

10/15/2013 12:25 PM EST
Talaado, Oktoobar 15, 2013 (HOL) — Madaxweynaha Somalia Xasan Sheekh Maxamud, guddoomiyaha baarlamaanka, Maxamed Sh. Cusmaan Jawaari iyo ra’iisul wasaaraha xukuumadda, Cabdi Faarax Shirdoon (Saacid) ayaa maanta munaasabad qado-sharaf ah u sameeyey xildhibaannada golaha shacabka, waxaaba kasoo qaybgalay ra’iisul wasaare ku-xigeenka, xubno ka tirsan golaha wasiirrada iyo xubnaha baarlamaanka.

10/15/2013 12:24 PM EST
Talaado, Oktoobar 15, 2013 (HOL) — Magaalada Laascaanood ee xarunta gobolka Sool iyo degmada Buuhoodle ayaa maanta si wanaagsan looga ciiday, iyadoo ay boqolaal qof ay isugu soo baxeen goobo loo cayiray inay dadku ku tukadaan.

10/15/2013 9:33 AM EST
Talaado, Oktoobar 15, 2013 (HOL) — Madaxweynaha Soomaaliya, Xasan Sheekh Maxamuud ayaa wareysi uu siiyay wargeys wabaahinta caalamka qaarkeed ku sheegay ay ciidamada Mareykanku ku qaadeen toddobaad ka hor degmada Baraawe ee gobolka Shabeellada Hoose lagu soo wargeliyay.

10/15/2013 9:09 AM EST
Talaado, October 15, 2013(HOL) :- Munaasibadda ciidda barakeeysan ee ciidul Adxa ayaa maanta siweyn looga xusay magaalada Kismaayo, iyadoona kumannaan qof ay isugu soo baxeen fagaareyaal kala duwan oo ku yaal magaalada Kismaayo.

10/15/2013 8:57 AM EST
Talaado, Oktoobar 15, 2013 (HOL) — Munaasabada Ciidul-Adxaa oo ka mid ah munaasabadaha ku weyn quluubta shacabka muslim-ka ah meel kasta oo ay joogaan, ayaa guud ahaanba siweyn looga maamuusay gobollada dalka Soomaaliya.

10/15/2013 4:43 AM EST
Talaado, Oktoobar 15, 2013 (HOL) — Xukuumadda Soomaaliya ayaa rajo wanaagsan ka qabta in kordhinta ciidamada AMISOM ay sabab u noqon karaan in laga adkaado Al-shabaab oo ka talisa deegaanno badan oo ka tirsan Soomaaliya, kuwaasoo ay ku jiraan magaalooyinka muhiim ah oo ay ka mid tahay degmada Baraawe oo 200-km koonfur kaga beegan Muqdisho.

10/15/2013 4:22 AM EST
Talaado, Oktoobar 15, 2013 (HOL) — Wasiirka Arrimaha gudaha Somaliland Cali Maxamed Waran-cadde ayaa mamnuucay in Dad sita E-Passporka Soomaaliya aanay ka gudbi Karin xuduudda u dhexeysa Somaliland iyo Soomaaliya.

10/15/2013 4:13 AM EST
Talaado, Oktoobar 15, 2013 (HOL) — Ugu yaraan laba qof ayaa ku geeriyooday habeen hore, ruux kalana wuu ku dhaawacmay ka dib markii nin la sheegay inuu maskaxda ka xanuunsanayo rasaas oodda kaga qaaday xaflad aroos oo ka dhacaysay miyiga magaaladda Gabiley.

10/15/2013 4:05 AM EST
Talaado, Oktoobar 15, 2013 (HOL) — Waaberigii hore ee saakka, ayaa dadweynaha ku nool goboladda Somaliland ku dareereen garoomadda waaweyn si ay usoo gutaan waajibaadka labadda Ragcadood ee salaadda ciidda.

10/15/2013 3:49 AM EST
Talaado, Oktoobar 15, 2013 (HOL) — Madaxda dowladda Somalia ayaa kula tukaday maanta masaajidka isbahaysiga Islaamka salaaddii ciidul-adxa, iyadoo hadal uu madaxweynuhu ka jeediyay masaajidka uga dalbaday dadka Soomaaliyeed inay isku naxariistaan oo ay is-cafiyaan.