3/28/2024
Today from Hiiraan Online:  _
Wararka Maanta- Axad, Oct 13, 2013
Sheekh Maxamed Yaasiin oo Shaaciyay in uu isku soo taagayo Doorashada Madaxweynenimo ee Maamul Goboleedka Puntlland
M1530020.jpg
Axad, October 13, 2013(HOL) - Sheekh Maxamed Yaasiin oo ah maalqabeen Soomaaliyeed ayaa shaaciyay inuu isu soo taagayo tartanka doorashada madaxtinnimo ee la filayo in bisha Janaury ay ka dhacdo magaalada Garoowe ee xarunta u ah Puntland.

Maxamed Yaasiin ayaa horay uga soo qaybgalay doorashooyinkii madaxtinnimada Soomaaliya ee sannadihii 2004 iyo 2012- kuwaasoo aysan u suuroobin inuu ku guulaysto.

"Waxaan ku rajo waynahay inaan ku guulaysanayo waayo waxaan kamid ahay aasaasayaashii Puntland waxaanan ahay nin isu keeni kara dadka reer Puntland ee wax kala tabanaya" ayuu yiri musharraxan cusub oo ku biiray musharrixiin dhowr ah oo horay uu shaaciyay inay u tartamayaan madaxtinnimada Puntland kuwaasoo uu kamid yahay Ra'iisul wasaarihii hore ee Soomaaliya C/wali Cali Gaas.

Sheekh Maxamed Yaasiin ayaa sheegay inuu cadaalad iyo kitaabka ilaahey ku dhaqi doono dadka ku nool deegaanadaas isagoo farriin adag u diray madaxweynaha haatan talada haya C/raxmaan Sheekh Maxamed Faroole oo ugu baaqay in uu qabto doorasho hufnaan iyo cadaaladi ku dheehantahay.

"Madaxweyne C/raxmaan waxaan ugu baaqayaa inuu doorasho xalaal ah qabto uuna xukunka si sharaf leh u wareejiyo sidii sharafta lahayd ee isaga loogu wareejiyay oo kale hadii laga guulaysto, waxaani waa ammaano dad u dhiibteen ee maahan wax shaqsi gaar ahi leeyahay" ayuu yiri Xaaji Maxamed Yaasiin.

"Waxaan u ballanqaadayaa dadweynaha Puntland inaan u noqdo adeege ee aanan noqon sida madaxda hadda jirta ee iyaga loo adeego" ayuu sii raaciyay khudbad dheer oo u jeediyay warbaahinta taasoo uu ku qabtay hoteelka Laico Regency ee magaalada Nairobi.

Mar wax laga waydiiyay sida uu wajahi doono xiriirka xumaaday ee u dhexeeya Puntland iyo dawlada Federaalka ah ayuu sheegay in Puntland ay tahay qayb kamid ah Soomaaliya ayna waligeed ahaan doonto balse loo baahanyahay in wixii khilaafaad ah ee jira lagu dhammeeyo wadahadal iyadoo la adkaynayo midnimada iyo jiritaanka ummada Soomaaliyeed lana tixgalinayo danaha gaarka ah ee dadka ku nool deegaannada Puntland.

M1530014.jpg

Axmed C/samad, Hiiraan Online
[email protected]
Nairobi , Kenya











Click here
10/13/2013 2:19 PM EST
Axad, Oktoobar 13, 2013 (HOL) — Madaxweynaha Somalia, Xasan Sheekh Maxamuud oo maanta dib ugu soo laabtay Muqdisho kaddib shir uu kaga soo qaybgalay magaalada Addis Ababa ee dalka Itoobiya ayaa soo dhaweeyay go’aanka ay madaxda Afrika ku gaareen in la kordhiyo ciidamada AMISOM.

10/13/2013 1:56 PM EST
Axad, Oktoobar 13, 2013 (HOL) — Iskahorimaad u dhexeeyay ciidammada ka tirsan kuwa dowladda Soomaaliya iyo kooxo hubeysan ayaa galabta ka duleedka magaalada Muqdisho, gaar ahaan deegaanka Siinka dhee kaddib markii uu ciidamada iyo kooxaha hubeysan soo dhexgalay muran.

10/13/2013 1:34 PM EST
Axad, Oktoobar 13, 2013 (HOL) — Maxkamadda gobolka Sool ayaa xukunno kala duwan ku ridday maanta dad la sheegay inay ahaayeen kuwo dilal iyo dhaawacyo geystay, kuwaas oo ay ku jireen kuwii dilay weriye Axmed Saakin oo 23-kii Oktobar ee sannadkii hore lagu dilay magaalada Laascaanood.

10/13/2013 9:14 AM EST
Axad, Oktoobar 13, 2013 (HOL) — Haweenka Puntland ayaa walaac ka muujiyay ka qayb galka xubnaha ka mid noqonaya baarlamaanka cusub ee Puntlad, iyagoo sheegay in shacabka Puntland ay weli ku dhagan yihiin dhaqanka ah in haweenka aysan ka mid noqon hay’adaha xukuumadda.

10/13/2013 8:51 AM EST
Axad, Oktoobar 13, 2013 (HOL) — Hay’adaha ammaanka Kenya iyo kuwa reer galbeedka ayaa walaac xooggan ka muujinaya in Al-shabaab ay mar kale weerarro argagaxiso ka geysato gudaha dalka Kenya, sida uu qoray maanta Wargeyska Daily Nation ee kasoo baxa Kenya.

10/13/2013 8:17 AM EST
Axad, Oktoobar 13, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa war-saxaafadeed uu maanta soo saaray ku sheegay in xukuumaddu ay xaqiijinayso in ammaanka Muqdisho uu yahay mid la isku halleyn karo oo wanaagsan.

10/13/2013 7:57 AM EST
Axad, Oktoobar 13, 2013 (HOL) — Wasiirka warfaafinta, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa maanta hortagay xildhibaannada baarlamaanka Soomaaliya isagoo uga warbixiyay heshiiskii ay xukuumaddu la gashay shirkadda FAVOR LLC oo dhawaan lagu wareejiyay maamulka garoonka diyaaradaha ee Muqdisho.

10/13/2013 7:32 AM EST
Axad, October 13, 2013(HOL)—Xaflad si weyn loo soo agaasimay oo lagu soo dhaweynayay siyaasiga Maxamed Cumar Waayeel oo booqasho ku jooga dalka Sweden ayaa xalay lagu qabtay Magaalada Katrineholm ee dalka Sweden, iyadoo xafladdana ay ka soo qeybgalay dad badan oo ka kala yimid magaalooyin kala duwan oo dalka Sweden ka tirsan.

10/13/2013 7:11 AM EST
Axad, Oktoobar 13, 2013 (HOL) — Dowladda Suudaan ayaa muujisay sida ay uga xun tahay go’aankii madaxda ururka Midowga Afrika ay ka qaateen maxkamadda dambiyada dagaalka ee ICC, iyadoo ku tilmaantay inuu yahay go’aan jilicsan.

10/13/2013 3:31 AM EST
Axad, Oktoobar 13, 2013 (HOL) — Wasiirka ganacsiga iyo warshadaha dowladda Somalia, Maxamuud Xasan Axmed ayaa sheegay in wasaaraddu ay sameysay guddi baaritaanno ku sameynaya raashinka iyo dawooyinka dalka kasoo gelinayo si ganacsiga dalka la keenayo uu u noqdo mid tayo ahaan aad u wanaagsan.

10/13/2013 3:06 AM EST
Axad, Oktoobar 13, 2013 (HOL) — Kooxo bastoolado ku hubeysan ayaa xalay ku dilay degmada Yaaqshiid ee magaalada Muqdisho saddex wiil oo dhallinyaro ah, kuwaasoo lagu dhex-toogtay dawaar ay ku lahaayeen xaafadda Carafaat.

10/13/2013 2:45 AM EST
Axad, Oktoobar 13, 2013 (HOL) — Kulan looga hadlayay ammaanka dalka ayaa xalay lagu qabtay Muqdisho, kaasoo ay ka qaybgaleen ra’iisul wasaare Saacid, saraakiisha ciidamada ammaanka iyo taliyeyaal.