5/7/2021
Today from Hiiraan Online:  _
Wararka Maanta- Axad, Oct 13, 2013
Hay’adaha Amaanka oo si weyn uga walaacsan in Xarakada Al-shabaab ay Weerarro kale oo Argagaxiso ka geysato Kenya


Axad, Oktoobar 13, 2013 (HOL) — Hay’adaha ammaanka Kenya iyo kuwa reer galbeedka ayaa walaac xooggan ka muujinaya in Al-shabaab ay mar kale weerarro argagaxiso ka geysato gudaha dalka Kenya, sida uu qoray maanta Wargeyska Daily Nation ee kasoo baxa Kenya.

Baaritaanno dheeraad ah ayay hay’adahan ku hayaan koox lagu magacaabo Al-Hijra oo uu hoggaamiyo Sheekh Imaan Cali oo Kenyan kuna biiray kooxda Al-shabaab ee Soomaaliya taasoo si qarsoodi ah uga howlgasha Kenya.

“Midowga Yurub wuxuu si dhow ula socdaan hanjabaad dhawaan ka timid kooxda Al-Hijra iyo kuwa ay xiriirka la leedahay. Tani waxay keentay inay digooni badan muujiyaan hayadaha ammanaka Kenya iyo kuwa galbeedka, waxaana ugu baaqnay dhammaan Kenyanka inay gacan ka geystaan sidii loo banjirin lahaa weerarradaas,” ayuu sarkaal sare oo reer Yurub ah uu maanta oo Axad ah u sheegay wargeyska Daily Nation.

Al-shabaab oo adeegsanaysa shaqsiyaad ku sugan dalka Kenya ayaa bishii hore waxay weerar lama filaan ah ku qaadeen dhismaha ganacsiga Westgate ee magaalada Nairobi, kaasoo qaatay maalmo ayna ku dhinteen 67-qof oo ay ku jiraan ajnabi reer galbeed ah.

Sarkaalku wuxuu sheegay in weerarkii Westgate uu ahaa mid aad looga soo shaqeeyay ayna dhici karto in mid kaas la mid ah ay Al-shabaab iyo kooxda ay gacan-saarka leeyihiinn ay mar kale geystaan.

“Weerarkii Westgate Mall wuxuu ahaa mid isku dhafan iyadoo kooxdan ay u isticmaaleen kuwo toos ah iyo qaraxyo, wayna fududahay inay mar kale ka geystaan Kenya kaas oo kale,” ayuu yiri Matt Bryden oo ah madaxa koox baarayaal ah oo lagu magacaabo Sahan.

Midowga Yurub ayaa sheegay inay rumeysan yihiin in farsamadaas oo kale ay Al-shabaab u adeegsan karto xero tababar oo ay ku leeyihiin meel ku dhow garoonka diyaaradaha ee Muqdisho.

Horraantii sanadkan ayay Al-shabaab weerar qorsheysan ka fuliyeen dhisme ay Qaramada Midoobay ku leedahay Muqdisho, kaasoo ku dhow garoonka diyaaradaha ee Muqdisho, halkaasoo ay ku dileen tiro shaqaalaha Qaramada Midoobay ka tirsan oo ay askartii ilaalinaysa ku jiraan.

Cap. Simiyu Werunga oo ka mid ah madaxa haya’d ka faalloota ammaanka oo dalka Kenya saldhiggeedu yahay ayaa sheegay in ciidamada ammaanka ee Kenya ay sameeyaan horumar ka badan midka hadda iyagoo beegsanaya shaqsiyaadka ay uga shakiyaan inay ka tirsan yihiin argagaxisada.

Al-shabaab ayaa toddobaadyo ka hor ku hanjabtay inay Kenya ka geysan doonto weerarro la mid ah kii ay ku qaadday dhismaha ganacsi ee Westgate, iyadoo sheegtay in weerarradu ay socon doonaan illaa magaalada Nairobi ay isku bedesho webiyo dhiig ah.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/13/2013 2:19 PM EST
Axad, Oktoobar 13, 2013 (HOL) — Madaxweynaha Somalia, Xasan Sheekh Maxamuud oo maanta dib ugu soo laabtay Muqdisho kaddib shir uu kaga soo qaybgalay magaalada Addis Ababa ee dalka Itoobiya ayaa soo dhaweeyay go’aanka ay madaxda Afrika ku gaareen in la kordhiyo ciidamada AMISOM.

10/13/2013 1:56 PM EST
Axad, Oktoobar 13, 2013 (HOL) — Iskahorimaad u dhexeeyay ciidammada ka tirsan kuwa dowladda Soomaaliya iyo kooxo hubeysan ayaa galabta ka duleedka magaalada Muqdisho, gaar ahaan deegaanka Siinka dhee kaddib markii uu ciidamada iyo kooxaha hubeysan soo dhexgalay muran.

10/13/2013 1:34 PM EST
Axad, Oktoobar 13, 2013 (HOL) — Maxkamadda gobolka Sool ayaa xukunno kala duwan ku ridday maanta dad la sheegay inay ahaayeen kuwo dilal iyo dhaawacyo geystay, kuwaas oo ay ku jireen kuwii dilay weriye Axmed Saakin oo 23-kii Oktobar ee sannadkii hore lagu dilay magaalada Laascaanood.

10/13/2013 10:42 AM EST
Sheekh Maxamed Yaasiin oo ah maalqabeen Soomaaliyeed ayaa shaaciyay inuu isu soo taagayo tartanka doorashada madaxtinnimo ee la filayo in bisha Janaury ay ka dhacdo magaalada Garoowe ee xarunta u ah Puntland.

10/13/2013 9:14 AM EST
Axad, Oktoobar 13, 2013 (HOL) — Haweenka Puntland ayaa walaac ka muujiyay ka qayb galka xubnaha ka mid noqonaya baarlamaanka cusub ee Puntlad, iyagoo sheegay in shacabka Puntland ay weli ku dhagan yihiin dhaqanka ah in haweenka aysan ka mid noqon hay’adaha xukuumadda.

10/13/2013 8:17 AM EST
Axad, Oktoobar 13, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa war-saxaafadeed uu maanta soo saaray ku sheegay in xukuumaddu ay xaqiijinayso in ammaanka Muqdisho uu yahay mid la isku halleyn karo oo wanaagsan.

10/13/2013 7:57 AM EST
Axad, Oktoobar 13, 2013 (HOL) — Wasiirka warfaafinta, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa maanta hortagay xildhibaannada baarlamaanka Soomaaliya isagoo uga warbixiyay heshiiskii ay xukuumaddu la gashay shirkadda FAVOR LLC oo dhawaan lagu wareejiyay maamulka garoonka diyaaradaha ee Muqdisho.

10/13/2013 7:32 AM EST
Axad, October 13, 2013(HOL)—Xaflad si weyn loo soo agaasimay oo lagu soo dhaweynayay siyaasiga Maxamed Cumar Waayeel oo booqasho ku jooga dalka Sweden ayaa xalay lagu qabtay Magaalada Katrineholm ee dalka Sweden, iyadoo xafladdana ay ka soo qeybgalay dad badan oo ka kala yimid magaalooyin kala duwan oo dalka Sweden ka tirsan.

10/13/2013 7:11 AM EST
Axad, Oktoobar 13, 2013 (HOL) — Dowladda Suudaan ayaa muujisay sida ay uga xun tahay go’aankii madaxda ururka Midowga Afrika ay ka qaateen maxkamadda dambiyada dagaalka ee ICC, iyadoo ku tilmaantay inuu yahay go’aan jilicsan.

10/13/2013 3:31 AM EST
Axad, Oktoobar 13, 2013 (HOL) — Wasiirka ganacsiga iyo warshadaha dowladda Somalia, Maxamuud Xasan Axmed ayaa sheegay in wasaaraddu ay sameysay guddi baaritaanno ku sameynaya raashinka iyo dawooyinka dalka kasoo gelinayo si ganacsiga dalka la keenayo uu u noqdo mid tayo ahaan aad u wanaagsan.

10/13/2013 3:06 AM EST
Axad, Oktoobar 13, 2013 (HOL) — Kooxo bastoolado ku hubeysan ayaa xalay ku dilay degmada Yaaqshiid ee magaalada Muqdisho saddex wiil oo dhallinyaro ah, kuwaasoo lagu dhex-toogtay dawaar ay ku lahaayeen xaafadda Carafaat.

10/13/2013 2:45 AM EST
Axad, Oktoobar 13, 2013 (HOL) — Kulan looga hadlayay ammaanka dalka ayaa xalay lagu qabtay Muqdisho, kaasoo ay ka qaybgaleen ra’iisul wasaare Saacid, saraakiisha ciidamada ammaanka iyo taliyeyaal.