5/7/2021
Today from Hiiraan Online:  _
Wararka Maanta- Axad, Oct 13, 2013
Kooxo bastoolado ku hubeysan oo degmada Yaaqshiid ee Gobolka Banaadir ku toogtay saddex wiil oo dhallinyaro ah


Axad, Oktoobar 13, 2013 (HOL) — Kooxo bastoolado ku hubeysan ayaa xalay ku dilay degmada Yaaqshiid ee magaalada Muqdisho saddex wiil oo dhallinyaro ah, kuwaasoo lagu dhex-toogtay dawaar ay ku lahaayeen xaafadda Carafaat.

Inkastoo aan la ogeyn sababta ay kooxahan hubeysan u toogteen saddexda wiil iyo cidda ay kooxahan ka tirsanaayeen ayaa waxaa dad goobjoogayaal ah ay sheegeen in dhallinyarada la dilay laga toogtay qaybaha sare ee jirka.

“Tiro ka mid ah dhallinyaro bastoolado ku hubeysan ayaa dhallinyarada ku toogtay dawaarkooda xilli ay howlo tolliin dhar ah ku jireen, lamana oga sababta loo dilay,” ayuu yiri mid ka mid ah dadka goobjoogayaash ah ee ku sugnaa xaafadda Carrafaat oo uu dilkan ka dhacay.

Laba ka mid ah dhallinyaradan la toogtay ayaa waxay ku dhinteen gudaha dawaarka, halka mid kalena uu soo gaaray dhaawac halis ah, inkastoo intii loo sii waday isbitaalka uu geeriyooday, waxaana dilkan uu noqonayaa kii ugu xumaa ee toddobadkan ka dhaca degmada Yaaqshiid.

Dableydan weerarka geysatay ayaa goobta ka baxsaday ka hor intii aysan halkaas gaarin ciidamada nabadsugidda dowladda ayaan ciidamadu ay ka sameeyeen halkaas baaritaanno ay ku raadinayeen kooxihii weerarkan ka geystay dawaarka.

“Arrintan waxay ahayd mid naxdin leh, dadka degmada oo dhan aad ayay u hadal hayaan dilkii xalay dhacay. Dilalkan oo kale way kusoo laa-laabteen degmada,” ayay tiri Raxmo Ismaaciil oo ka mid ah dadka xaafaddaasa ku nool.

Xaafadda Carraat oo ku taalla jidka warshadaha ayaa waxaa tan iyo markii ay Al-shabaab isaga baxday Muqdisho ka dhacayay dilal qorsheysan oo ay geysanayaan kooxo hubeysan iyo iskahorimaadyo u dhexeeya ciidamada dowladda Soomaaliya iyo kuwa Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/13/2013 2:19 PM EST
Axad, Oktoobar 13, 2013 (HOL) — Madaxweynaha Somalia, Xasan Sheekh Maxamuud oo maanta dib ugu soo laabtay Muqdisho kaddib shir uu kaga soo qaybgalay magaalada Addis Ababa ee dalka Itoobiya ayaa soo dhaweeyay go’aanka ay madaxda Afrika ku gaareen in la kordhiyo ciidamada AMISOM.

10/13/2013 1:56 PM EST
Axad, Oktoobar 13, 2013 (HOL) — Iskahorimaad u dhexeeyay ciidammada ka tirsan kuwa dowladda Soomaaliya iyo kooxo hubeysan ayaa galabta ka duleedka magaalada Muqdisho, gaar ahaan deegaanka Siinka dhee kaddib markii uu ciidamada iyo kooxaha hubeysan soo dhexgalay muran.

10/13/2013 1:34 PM EST
Axad, Oktoobar 13, 2013 (HOL) — Maxkamadda gobolka Sool ayaa xukunno kala duwan ku ridday maanta dad la sheegay inay ahaayeen kuwo dilal iyo dhaawacyo geystay, kuwaas oo ay ku jireen kuwii dilay weriye Axmed Saakin oo 23-kii Oktobar ee sannadkii hore lagu dilay magaalada Laascaanood.

10/13/2013 10:42 AM EST
Sheekh Maxamed Yaasiin oo ah maalqabeen Soomaaliyeed ayaa shaaciyay inuu isu soo taagayo tartanka doorashada madaxtinnimo ee la filayo in bisha Janaury ay ka dhacdo magaalada Garoowe ee xarunta u ah Puntland.

10/13/2013 9:14 AM EST
Axad, Oktoobar 13, 2013 (HOL) — Haweenka Puntland ayaa walaac ka muujiyay ka qayb galka xubnaha ka mid noqonaya baarlamaanka cusub ee Puntlad, iyagoo sheegay in shacabka Puntland ay weli ku dhagan yihiin dhaqanka ah in haweenka aysan ka mid noqon hay’adaha xukuumadda.

10/13/2013 8:51 AM EST
Axad, Oktoobar 13, 2013 (HOL) — Hay’adaha ammaanka Kenya iyo kuwa reer galbeedka ayaa walaac xooggan ka muujinaya in Al-shabaab ay mar kale weerarro argagaxiso ka geysato gudaha dalka Kenya, sida uu qoray maanta Wargeyska Daily Nation ee kasoo baxa Kenya.

10/13/2013 8:17 AM EST
Axad, Oktoobar 13, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa war-saxaafadeed uu maanta soo saaray ku sheegay in xukuumaddu ay xaqiijinayso in ammaanka Muqdisho uu yahay mid la isku halleyn karo oo wanaagsan.

10/13/2013 7:57 AM EST
Axad, Oktoobar 13, 2013 (HOL) — Wasiirka warfaafinta, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa maanta hortagay xildhibaannada baarlamaanka Soomaaliya isagoo uga warbixiyay heshiiskii ay xukuumaddu la gashay shirkadda FAVOR LLC oo dhawaan lagu wareejiyay maamulka garoonka diyaaradaha ee Muqdisho.

10/13/2013 7:32 AM EST
Axad, October 13, 2013(HOL)—Xaflad si weyn loo soo agaasimay oo lagu soo dhaweynayay siyaasiga Maxamed Cumar Waayeel oo booqasho ku jooga dalka Sweden ayaa xalay lagu qabtay Magaalada Katrineholm ee dalka Sweden, iyadoo xafladdana ay ka soo qeybgalay dad badan oo ka kala yimid magaalooyin kala duwan oo dalka Sweden ka tirsan.

10/13/2013 7:11 AM EST
Axad, Oktoobar 13, 2013 (HOL) — Dowladda Suudaan ayaa muujisay sida ay uga xun tahay go’aankii madaxda ururka Midowga Afrika ay ka qaateen maxkamadda dambiyada dagaalka ee ICC, iyadoo ku tilmaantay inuu yahay go’aan jilicsan.

10/13/2013 3:31 AM EST
Axad, Oktoobar 13, 2013 (HOL) — Wasiirka ganacsiga iyo warshadaha dowladda Somalia, Maxamuud Xasan Axmed ayaa sheegay in wasaaraddu ay sameysay guddi baaritaanno ku sameynaya raashinka iyo dawooyinka dalka kasoo gelinayo si ganacsiga dalka la keenayo uu u noqdo mid tayo ahaan aad u wanaagsan.

10/13/2013 2:45 AM EST
Axad, Oktoobar 13, 2013 (HOL) — Kulan looga hadlayay ammaanka dalka ayaa xalay lagu qabtay Muqdisho, kaasoo ay ka qaybgaleen ra’iisul wasaare Saacid, saraakiisha ciidamada ammaanka iyo taliyeyaal.