5/7/2021
Today from Hiiraan Online:  _
Wararka Maanta- Sabti, Oct 12, 2013
Madaxda Ururka Midowga Afrika oo Maxkamadda dambiyada ICC ugu baaqay inaysan u yeeri karin Mas’uul Afrikaan ah oo xil haya



Sabti, Oktoobar 12, 2013 (HOL) — Shirkii madaxda ururka Midowga Afrika ayaa lasoo gaba-gabeeyey iyadoo go'aanadii kasoo baxay ay ka mid yihiin in madaxweyne ama ku xigeen Afirkaan ah aan looga yeeri karin maxkamadda dambiyada caalamiga ah ee ICC, lana xushmeeyo mudada ay xilka hayaan.

Ra’iisul wasaaraha Itoobiya, Hailemariam Desalegn oo ah shir guddoonka ururka Midowga Afrika oo gabagabadii kulanka hadlay ayaa sheegay in dhaqamada maxkamadda caalamiga ah ee ICC uu yahay mid aan loo duqaadan karin.

“Hubaashii waxaa ayaan-darro ah in maxkamaddu ay sii waddo howlaheeda iyadoo aan tixgelin wal-walka aan qabno. Waxaana wax lala yaabo ah inay u dhaqanto maxkamaddu ay cadalaad-darro ku jarribtay Afrika, middaas oo ah mid aan la aqbali karin,” ayuu yiri Desalegn.

Sidoo kale, ra’iisul wasaaraha Itoobiya oo sii hadlayay ayaa wuxuu sheegay in madaxweynaha Kenya, Uhuru Kenyatta iyo ku xigeenkiisa William Ruto ay door wanaagsan ka ciyaareen dastuurkii dalka Kenya iyo doorashooyinkii ku xigay ee ay iyagu kusoo baxeen, ayna tahay in la tixgeliyo dimuqraadiyadda ay kusoo dabbaaleen dalkooda iyo guusha ay gaareen.

“Ujeeddadeennu ma ahan inaan dagaal la gano maxkamadda dambiyada dagaalka ee ICC, basle waa baaq aan u jeedinayno, taasoo ah in walwalka Afrika ay maqasho,” ayuu ku daray hadalkiisa ra’iisul wasaaraha Itoobiya.

Maxkamadda dambiyada caalamiga ah ayaa waxay sannadihii lasoo dhaafay qaaday dacwooyinka madax ka tirsan kuwa Afirka, iyadoo xukun 50-sano ah ku ridday madaxweynihii hore ee dalka Laybeeriya, Jarles Taylor oo lagu soo oogay dambiyo ka dhan ah bani’aadamnimada.

Dhanka kale, maxkamaddu waxay dambiyo ka dhan ah bani’aadamniada ku soo rogtay madaxweynaha dalka Suudaan, Cumar Xasan Al-Bashiir oo ay ku bixisay maxkamaddu amar in lasoo xiro, inkastoo uu isagu ku gacan-sayray inuu u hoggaansamo amarka maxkamadda.

Sannadkan ayaa waxay maxkamaddu ku howlanayd dhageysiga dacwadaha loo haysto madaxweynaha iyo ku xigeenka dalka Kenya, kuwaasoo lagu soo oogay dacwado ka dhan ah bani’aadamnimada oo sannadkii 2007 ka dhacay dalka Kenya. Iyadoo dhageysiga dacwadda Ruto ay maxkamadda ka socota, halka dacwadda Kenyatta la filayo inay billlaabato 12-ka bisha soo socota ee November.

Dacwadahan ayaa waxay madaxda Midowga Afrika ka muujiyeen walaac aad u weyn, iyadoo waxa keliya ee la sugayo ay tahay jawaabta ay arrintaan ka bixiso maxkamadda dambiyada caalamiga ah ee ICC.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/12/2013 4:17 PM EST
London(HOL)-Dowlada Engriiska ayaa munaasabada todobaadka Calanka Soomaaliya awgeed waxay maanta dowlada Soomaaliya ku wareejisay calanki safaaradi hore ee Soomaaliya kulahayd London.

10/12/2013 2:50 PM EST
Sabti, Oktoobar 12, 2013 (HOL) — Madaxweynaha Soomaaliya, Xasan Sheekh Maxamuud ayaa magaalada Addis Ababa ee dalka Itoobiya kula kulmay maanta madaxweynaha dalka Uganda, Yoweri Museveni iyo ku ra’iisul wasaaraha dalka Itoobiya, Hailemariam Desalegn.

10/12/2013 10:47 AM EST
Sabti, Oktoobar 12, 2013 (HOL) — Wasiirka Duulista Hawada Somaliland Maxamuud Xaashi ayaa sheegay inay Soomaaliya jabisay heshiishkii dhinaca hawadda ee dhexmaray Somaliland iyo Soomaaliyo,isla markaana ka hadlay ka soo yeedhay wasiirka Warfaafinta iyo gaadiidka Cirka ee Soomaaliya C/laahi Ciilmooge oo sheegay inay hawadda Soomaaliya laga maamuli doonno magaaladda Muqdisho.

10/12/2013 10:19 AM EST
Sabti, Oktoobar 12, 2013 (HOL) — Naadiga dhaqanka ee SYL-II ayaa xaflad ballaaran oo shahaado lagu guuddoonsiiyay ugu qabtay Muqdihso fannaanadda weyn ee Hibo Maxamed Hudoon (Hibo Nuura), iyadoo xafladdan ay Khamiistii lasoo dhaafay ka dhacday hoteelka Saxafi.

10/12/2013 10:01 AM EST
Sabti, Oktoobar 12, 2013 (HOL) — Madaxweynaha Somalia, Xasan Sheekh Maxamud ayaa kulan gaar ah la qaatay madaxweynaha dalka Jabuuti, Ismaaciil Cumar Geelle ka hor intii uusan furmin shirkii madaxda Midowga Afrika.

10/12/2013 9:10 AM EST
Sabti, Oktoobar 12, 2013 (HOL) — Munaasabad ballaaran oo ay kasoo qayb-galeen diplomaasiyiin ay ka mid ahaayeen safiirka Nigeria u fadhisa Holland, safiirka dalka Ghana, safiirka Sierra Leone, xubno ka socotay dowladda Kenya, baarlamaanka EU-da qaybtiisa horumarinta Afrika iyo shaqsiyaad kale oo ay ka mid yihiin gabadha haysata kaalinta laabad ee quruxda Afrika, gabadha haysata biladda Top Model-ka, jiliyaal caan ah iyo xubno kale, isla markaana lagu bixinayay abaal marinta Africa Achievers Award 2013 ayaa lagu qabtay magaalada Almere ee dalka Netherlands.

10/12/2013 8:48 AM EST
Sabti, Oktoobar 12, 2013 (HOL) — Qaar ka mid ah Odayaasha iyo waxgaradka Somaliland ayaa beeniyey warar laga qoray Sheekh Siciid Axmed Jaamac oo ah maamulaha laanta Burco ee shirkadda Afrikan Online inay Al shabaab u magacowday gudoomiyaha magaaladda Baraawe.

10/12/2013 8:40 AM EST
Sabti, Oktoobar 12, 2013 (HOL) — Haweeney rayid ah ayaa ku geeriyootay saddex qof oo kalena way ku dhaawacmeen israsaaseyn u dhexeysay askar kawada tirsan ciidamada dowladda Somalia oo maanta ka dhacday degmada Dharkeynley ee gobolka Banaadir.

10/12/2013 8:31 AM EST
Sabti, Oktoobar 12, 2013 (HOL) — Ra’iisul wasaaraha Somalia, Cabdi Faarax Shirdoon oo maanta shir jaraa’id ku qabtay xafiiskiisa Muqdisho ayaa ka hadlay maalinta calanka iyo muhiimada ay u leedahay Soomaaliya.

10/12/2013 8:29 AM EST
Sabti, Oktoobar 12, 2013 (HOL) — Ururka Midowga Afrika ayaa dalbaday in la kordhiyo ciidamada AMISOM ee ku sugan Soomaaliya, si dagaalka lagula jiro Al-shabaab oo sheegatay mas’uuliyadda weerarkii Westgate Mall loo xoojiyo.

10/12/2013 2:23 AM EST
Sabti, Oktoobar 12, 2013 (HOL) — Dowladda Kuwait ayaa sheegtay inay ku dhisayso garoonka diyaaradaha magaalada Garoowe ee xarunta Puntland iyo jaamacadda Maakhir lacag dhan 10-milyan oo doollar oo amaah ah.

10/12/2013 2:01 AM EST
Sabti, Oktoobar 12, 2013 (HOL) — Madaxweynaha Somalia, Xasan Sheekh Maxamuud ayaa hambalyo ku aaddan sannad-guuradii 59-aad ee kasoo wareegtay markii ugu horreysay oo calan Soomaaliyeed laga taago ciidda Soomaaliya u diray shacabka Soomaaliyeed.