5/16/2021
Today from Hiiraan Online:  _
Wararka Maanta- Khamiis, Oct 10, 2013
Heshiis Hordhac ah oo laga gaaray khilaafyo in Muddo jiray oo u dhexeeyay beelo Wada-daga Gobolka Hiiraan (SAWIRRO)



Khamiis, Oktoobar 10, 2013 (HOL) — Kadib kulamo ay maalmihii la soo dhaafay la lahayd hay'adda cilmi-baarista iyo wadatashiga ee CRD odayaal iyo waxgarad kasoo jeeda beelo wada dega gobolka Hiiraan oo in mudo ah khilaaf uu ka dhaxeeyay,ayaa markii ugu horeysay waxaa ay beellahaasi gaareen hishiis hor dhac ah oo la doonayo lagu soo afjaro khilaafka mudaba soo jiitamayay.

Mas'uuliyiinta maamulka gobolka Hiiraan saraakiil ka tirsan hay'adda CRD, xildhibaanno iyo saraakiisha ciidamada Jabuuti ee howlgalka midowgga Africa AMISOM ayaa gaaray deegaannada Deefoow iyo Kabxanley oo ah halka ay colaadu ka taagan tahay marar badanna ay ka dhaceen dagaal sababo dhamasho iyo dhaawac, iyaga oo halkaa kulamo kula qaatay odayaasha iyo waxgaradka beellaha oo ay u soo bandhigeen qodobo sal u ah hishiis hor dhac ah oo laga gaaro khilaafka labada dhinac.

Cabdi Sheekh-doon Nageeye oo ka mid ah mas'uuliyiinta hay'adda CRD ee gogasha dhigtay ayaa HOL u sheegay in laga soo bilaabo 28-kii bishii September ku howlanayeen kulamo ay la lahaayeen waxgaradka beelaha, ugud danbeytiina waxaa uu sheegay in ay isku afgarteen qodobo muhiim ah oo aas-aas u noqon kara dhameynta colaada ka taagan deegaannada ay wada degaan beellaha.

''Afar qodob ayaa ugu muhiimsan ilaa iyo hadda is afgaradka la gaaray waxaana ka mid ah ''' Baaq nabadeed oo salka ku haya in goobihii ay colaaduhu ka dhaceen si nabad ah loogu wada noolaado xabbadana la joojiyo.Wax kasta oo cabsi keeni karo in laga saaro deegaanadii ay colaaduhu saameeyeen. Beel kasta waxaa waajib ku ah in ay ka shaqeeyaan wixiii nabada xoojinaya. Iyo in la tago meelihii ay colaaduhu ka goobihii ay colaadu ka abuurmeen si loo dhamaystiro dhammaynta colaadda,''ayuu yiri Cabdi Sheekh-doon Nageeye.

Qodobadan oo laga hor aqriyay waxgaradka iyo odayaasha lagula shiray deegaannada Deefoow iyo Kabxanley ayaa waxaa si wada jir ah u soo dhaweeyay waxgaradka dhinacyada ay khuseyso oo sheegay in ay xoojinayaan nabad-galyada kana foojignaan doonaan wax kasta oo colaad abuuri kara.

Nabadoon Axmed Cabdi Caalin oo ku hadllayay afka garab ka mid ah dhinacyada gaaray hishiiska hordhaca ah ayaa sheegay in ay adkeynayaan qodobada lagu hishiiyay, islamarkaana ka shaqeyn doonaan nabad-galyada iyo degnaashaha, isaga oo dhinaca kalana u mahad celiyay cid kasta oo ku howlan dhameynta khilaafka in mudo ah soo jiray.

Sidoo kale, Aadan Barre Max'ed oo u hadllay dhinaca kale ee hishiiskan uu quseynayo ayaa ballan-qaaday in ay adkeyn doonaan her-galinta qodobada lagu hishiiyay sii anbaqaadi doonaan dadaalada lagu hormarinayo nabada iyo degnaashaha.

Marka laga soo tago hay'adda CRD maamulka gobolka Hiiraan oo uu horkacayo guddoomiyaha gobolka Cabdi Faarax Laqanyo ayaa bilihii ugu danbeeyayba siweyn ugu howlanaa dhameynta khilaafka beellaha, waxaana muuqata in dadaalkaa oo uu horay maamulka u waday ku soo biireen  xildhibaanno ka tirsan baarlamaanka federaalka oo ka soo kala jeeday dhinacyada uu khilaafku u dhaxeeyo.

Asalka colaada beellaha wada dega deegaannada Deefoow iyo Kabxanley gobollka ayaa ah mid mid la xiriirta muran dhinaca deegaannka ah oo qolo walba ay sheeganeyso in ay milkiyadiisa leedahay, waxaana muuqata in hadda beelluhu isaga oo dhawaanayaan sidii hore.





C/raxmaan Diini, Hiiiraan Online
[email protected]
Beledweyne, Soomaaliya












Click here
10/10/2013 12:28 PM EST
Khamiis, Oktoobar 10, 2013 (HOL) — Qarax geystay khasaare isugu jirta dhimasho iyo dhaawac ayaa gellinkii dambe ee maanta waxaa xaafadda Suuqa Xoolaha ee degmada Huriwaa, iyadoo kooxihii weerarkaas geystay ay baxsadeen.

10/10/2013 10:22 AM EST
Khamiis, Oktoobar 10, 2013 (HOL) — Ciidamada Soomaaliya iyo kuwa dalka Itoobiya ee ku sugan degmada degmada Bardaale ayaa Maanta la wareegay deegaanka Qansax-Oomane oo 24-km u jira degmada Bardaale, halkaasoo ay ku sugnaayeen xoogagga Alshabaab.

10/10/2013 9:10 AM EST
Khamiis, Oktoobar 10, 2013 (HOL) — Hay’adda Bisha Case ee Turkiga ayaa sheegtay maanta oo Khamiis ah in lacag gaaraysa 350,000 oo doollar oo gargaar ahaan ugu socotay Soomaaliya ay haystaan ciidamada Kenay.

10/10/2013 9:02 AM EST
Khamiis, October 10, 2013(HOL) :- Iyadoo dhawaan la filayo in magaalada Baladweyne ee xarunta gobolka Hiiraan ay ka dhacdo doorashada maamulka gobolka Hiiraan taasoo ay qabanqaabadiisu imika socoto ayaa waxaa isu soo taagay xilka gudoomiyaha maamulka gobolka Hiiraan Injineer C/casiis Axmed oo kamid ah qurba joogta kasoo jeeda gobolka Hiiraan ee dalka Switzerland.

10/10/2013 8:55 AM EST
Khamiis, Oktoobar 10, 2013 (HOL) — Ra’iisul wasaaraha KMG ah ee dalka Liibiya ayaa lasii daayay, kaddib markii kooxo hubeysan ay saakay aroortii kala baxeen hoteel uu ka degenaa magaalada Tripoli ee xarunta dalkaas.

10/10/2013 8:47 AM EST
Khamiis, Oktoobar 10, 2013 (HOL) — Hay’adaha CRD iyo DAN GUUD oo hoos-tagta maamulka gobolka Banaadir ayaa maanta Muqdisho ugu soo gabagabeeyay dhallinyaro Soomaaliyeed tababar dhinaca muusiga ah, kaasoo noqonaya tababarkii ugu horreeyay muddo 30-sano ah la siiyo dhallinyaro Soomaaliyeed, waxaana dhallinyarada tababarkan ku guuleysatay ay isugu jireen wiilal iyo gabdho.

10/10/2013 7:49 AM EST
Khamiis, Oktoobar 10, 2013 (HOL) — Shir ay golaha wasiirradu maanta ku yeesheen Muqdisho ayaa waxay kusoo dhaweeyeen duqeyntii uu ciidammo ka tirsan kuwa Mareykanku ka fuliyeen horraantii toddobaadkan degmada Baraawe ee gobolka Shabeellada Hoose.

10/10/2013 7:29 AM EST
Khamiis, Oktoobar 10, 2013 (HOL) — Dowladda Soomaaliya ayaa ka digtay dhibaatada nolosheed ka dhalan karta xayiraadda uu bangiga Barclays ee dalka Britain uu kusoo rogay xawaaladaha Soomaalida.

10/10/2013 7:13 AM EST
Khamiis, Oktoobar 10, 2013 (HOL) — Al-Shabaab ayaa sheegtay inaan laga dhoofin karin dhuxusha dekedda magaalada Kismaayo, iyadoo uga digtay ganacsatada dhuxusha inay dhuxul ka dhoofiyaan dekedda Kismaayo.

10/10/2013 7:05 AM EST
Khamiis, Oktoobar 10, 2013 (HOL) — Ciidamada dowladda Soomaaliya ayaa weeraray tuulo la yiraahdo Ceeldhuun-Adeegow oo 45-km u jirta magaalada Baydhabo ee xarunta gobolka Bay, deegaankaas oo ay gacanta ku haysay Al-shabaab waxaana marta waddo oo xiriirisa Waajid iyo Baydhabo.

10/10/2013 2:04 AM EST
Khamiis, Oktoobar 10, 2013 (HOL) — Kooxo hubeysan ayaa saakay hoteel uu deggenaa ka afduubay ra’iisul wasaaraha KMG ah ee dalka Liibiya, Cali Zeydan iyadoo afduubku uu ku dhacay si nabadgalyo ah.