3/28/2024
Today from Hiiraan Online:  _
Wararka Maanta- Khamiis, Oct 10, 2013
Mid ka mid ah Qurbo-joogta kasoo jeeda Gobolka Hiiraan oo ku dhawaaqay in uu u taagan yahay xilka Gudoomiyaha Gobolka

Khamiis, October 10, 2013(HOL) :- Iyadoo dhawaan la filayo  in magaalada Baladweyne ee xarunta gobolka Hiiraan ay ka dhacdo doorashada maamulka gobolka Hiiraan taasoo ay qabanqaabadiisu imika socoto ayaa waxaa isu soo taagay xilka gudoomiyaha maamulka gobolka Hiiraan Injineer C/casiis Axmed oo kamid ah qurba joogta kasoo jeeda gobolka Hiiraan ee dalka Switzerland.

Munaasibad ka dhacday Hotel Universal ee magaalada Muqdisho islamarkaana ay  kasoo qeybgaleen xildhibaanada kasoo jeeda gobolka Hiiraan, siyaasiyiin iyo wax garad kale ayuu masuulkani ku shaaciyay musharaxnimadiisa xilka gudoomiyaha maamulka gobolka Hiiraan.

Goobtii ay xafladda ka dhaceeysay ayaa wax aa khudbado kala duwan oo isugu jiray taageero iyo dhiirigelin ka jeediyay qaar katirsan xubnihii lagu casuumay, waxaana dadkii halkaasi ka hadlay kamid ahaa XIldhibaan Max’ed Xasan Ibraahim (Qoono), ka asoo sheegay in musharaxan uu yahay mid wax weyn ka badali kara marxaladda uu imika ku suganyahay gobolka Hiiraan.

Inj. C/casiis Axmed oo isna goobta ka hadlay ayaa sheegay in hadii uu ku guuleysto xilka gudoomiyaha maamulka gobolka Hiiraan uu wax weyn ka qaban doono dhinacyada caafimaadka, waxbarashada iyo horumarka.

Magaalada Baladweyne ee xarunta gobolka Hiiraan ayaa wax aka socoto qabanqaabo ku aadan doorashada maamulka gobolka oo ay soo dooornayaan dadka deegaanka, waxaana halkaasi ku sugan xildhibaanno iyo gudi ka socda wasaaradda arimaha gudaha, kaasoo la socon doona habka u dhaceyso doorashada.

Masuulkan ayaa noqonaya kii ugu horeeyay oo shaaca ka qaada in uu u sharaxanyahay xilka gudoomiyaha maamulka gobolka Hiiraan ee bartamaha Soomaaliya.

Xasan Nuur, Hiiraan Online
[email protected]
Kismaayo-Soomaaliya













Click here
10/10/2013 12:28 PM EST
Khamiis, Oktoobar 10, 2013 (HOL) — Qarax geystay khasaare isugu jirta dhimasho iyo dhaawac ayaa gellinkii dambe ee maanta waxaa xaafadda Suuqa Xoolaha ee degmada Huriwaa, iyadoo kooxihii weerarkaas geystay ay baxsadeen.

10/10/2013 10:58 AM EST
Khamiis, Oktoobar 10, 2013 (HOL) — Kadib kulamo ay maalmihii la soo dhaafay la lahayd hay'adda cilmi-baarista iyo wadatashiga ee CRD odayaal iyo waxgarad kasoo jeeda beello wada dega gobolka Hiiraan oo in mudo ah khilaaf uu ka dhaxeeyay,ayaa markii ugu horeysay waxaa ay beellahaasi gaareen hishiis hor dhac ah oo la doonayo lagu soo afjaro khilaafka mudaba soo jiitamayay.

10/10/2013 10:22 AM EST
Khamiis, Oktoobar 10, 2013 (HOL) — Ciidamada Soomaaliya iyo kuwa dalka Itoobiya ee ku sugan degmada degmada Bardaale ayaa Maanta la wareegay deegaanka Qansax-Oomane oo 24-km u jira degmada Bardaale, halkaasoo ay ku sugnaayeen xoogagga Alshabaab.

10/10/2013 9:10 AM EST
Khamiis, Oktoobar 10, 2013 (HOL) — Hay’adda Bisha Case ee Turkiga ayaa sheegtay maanta oo Khamiis ah in lacag gaaraysa 350,000 oo doollar oo gargaar ahaan ugu socotay Soomaaliya ay haystaan ciidamada Kenay.

10/10/2013 8:55 AM EST
Khamiis, Oktoobar 10, 2013 (HOL) — Ra’iisul wasaaraha KMG ah ee dalka Liibiya ayaa lasii daayay, kaddib markii kooxo hubeysan ay saakay aroortii kala baxeen hoteel uu ka degenaa magaalada Tripoli ee xarunta dalkaas.

10/10/2013 8:47 AM EST
Khamiis, Oktoobar 10, 2013 (HOL) — Hay’adaha CRD iyo DAN GUUD oo hoos-tagta maamulka gobolka Banaadir ayaa maanta Muqdisho ugu soo gabagabeeyay dhallinyaro Soomaaliyeed tababar dhinaca muusiga ah, kaasoo noqonaya tababarkii ugu horreeyay muddo 30-sano ah la siiyo dhallinyaro Soomaaliyeed, waxaana dhallinyarada tababarkan ku guuleysatay ay isugu jireen wiilal iyo gabdho.

10/10/2013 7:49 AM EST
Khamiis, Oktoobar 10, 2013 (HOL) — Shir ay golaha wasiirradu maanta ku yeesheen Muqdisho ayaa waxay kusoo dhaweeyeen duqeyntii uu ciidammo ka tirsan kuwa Mareykanku ka fuliyeen horraantii toddobaadkan degmada Baraawe ee gobolka Shabeellada Hoose.

10/10/2013 7:29 AM EST
Khamiis, Oktoobar 10, 2013 (HOL) — Dowladda Soomaaliya ayaa ka digtay dhibaatada nolosheed ka dhalan karta xayiraadda uu bangiga Barclays ee dalka Britain uu kusoo rogay xawaaladaha Soomaalida.

10/10/2013 7:13 AM EST
Khamiis, Oktoobar 10, 2013 (HOL) — Al-Shabaab ayaa sheegtay inaan laga dhoofin karin dhuxusha dekedda magaalada Kismaayo, iyadoo uga digtay ganacsatada dhuxusha inay dhuxul ka dhoofiyaan dekedda Kismaayo.

10/10/2013 7:05 AM EST
Khamiis, Oktoobar 10, 2013 (HOL) — Ciidamada dowladda Soomaaliya ayaa weeraray tuulo la yiraahdo Ceeldhuun-Adeegow oo 45-km u jirta magaalada Baydhabo ee xarunta gobolka Bay, deegaankaas oo ay gacanta ku haysay Al-shabaab waxaana marta waddo oo xiriirisa Waajid iyo Baydhabo.

10/10/2013 2:04 AM EST
Khamiis, Oktoobar 10, 2013 (HOL) — Kooxo hubeysan ayaa saakay hoteel uu deggenaa ka afduubay ra’iisul wasaaraha KMG ah ee dalka Liibiya, Cali Zeydan iyadoo afduubku uu ku dhacay si nabadgalyo ah.