5/16/2021
Today from Hiiraan Online:  _
Wararka Maanta- Khamiis, Oct 10, 2013
Wasiirrada Somalia oo soo dhaweeyay Weerarkii Mareykanku uu ku qaaday degmada Baraawe ee Gobolka Shabeellada Hoose


Khamiis, Oktoobar 10, 2013 (HOL) — Shir ay golaha wasiirradu maanta ku yeesheen Muqdisho ayaa waxay kusoo dhaweeyeen duqeyntii uu ciidammo ka tirsan kuwa Mareykanku ka fuliyeen horraantii toddobaadkan degmada Baraawe ee gobolka Shabeellada Hoose.

Kulanka oo uu shir-guddoominayay ra’iisul wasaaraha Soomaaliya, Cabdi Faarax Shirdoon ayaa waxaa sidoo kale lagu sheegay in dowladdu ay dar-dar gelin doono howlaha lagula dagaalamayo Al-shabaab oo deegaanno dalka ka tirsan la talisa.

“Dowladda Soomaaliya waxay qorsheynaysaa sidii loo xoojin lahaa dagaalka lagula jiro Al-shabaab, danta laga leeyahay arrintanna waa sidii Soomaaliya oo dhibaato dhinaca amni-darrada ah kusoo jirtay muddo sannado ah ay uga bixi lahayd, waxna looga qaban lahaa dhibaatooyinka Al-shabaab ay dadka Soomaaliyeed ku hayso,” ayuu yiri afhayeena xukuumadda, Ridwaan Xaaji Cabdiweli oo shir jaraa’id qabtay kulanka kaddib.

Afhayeenka ayaa intaa ku daray in ra’iisul wasaaraha Soomaaliya uga war-bixiyay wasiiradda aragtida dowladda ee howgalkii Mareykanku uu degmada Baraawe ka fuliyay ka fuliyay degmada Baraawe, isagoo ku sheegay mid ka mid ah iskaashiyada ay dowladdu ku cirib-tirayso Al-shabaab.

“Iskaashiga noocaas ah waa iskaashi ay dowalda Soomaaliya la wadaagayso dowladda iyo hay’ado fara badan oo caalami ah,” ayuu sheegay afhayeenku inuu ku sheegay warbixintiisii maanta.

Dhinaca kale, afhayeenka ayaa sheegay in golaha wasiirradu ay meel-mariyeen maanta hindise sharciyeedka Runta iyo dib-u-heshiisiinta, kaasoo uu sheegay in dhawaan la horgeyn doono baarlamaanka si loo ansixiyo.

“Wsiirrrada dowladdu waxay sidoo kale maanta meel-mariyeen hides sharciyeedka Runta iyo dib u heshiisiinta, waxaana hidinsahan la horgeyn doonaan baarlamaanka Soomaaliya,” ayuu yiri afhayeenka.

Ugu dambeyn, wuxuu afhayeenku sheegay in golaha wasiirradu ay kaga doodeen shirkooda arrimo kale oo ay ka mid yihiin ammaanka dalka iyo sidii loo xoojin lahaa qorshayaasha looga hortagayo amni-darro ka dhacda gudaha Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/10/2013 12:28 PM EST
Khamiis, Oktoobar 10, 2013 (HOL) — Qarax geystay khasaare isugu jirta dhimasho iyo dhaawac ayaa gellinkii dambe ee maanta waxaa xaafadda Suuqa Xoolaha ee degmada Huriwaa, iyadoo kooxihii weerarkaas geystay ay baxsadeen.

10/10/2013 10:58 AM EST
Khamiis, Oktoobar 10, 2013 (HOL) — Kadib kulamo ay maalmihii la soo dhaafay la lahayd hay'adda cilmi-baarista iyo wadatashiga ee CRD odayaal iyo waxgarad kasoo jeeda beello wada dega gobolka Hiiraan oo in mudo ah khilaaf uu ka dhaxeeyay,ayaa markii ugu horeysay waxaa ay beellahaasi gaareen hishiis hor dhac ah oo la doonayo lagu soo afjaro khilaafka mudaba soo jiitamayay.

10/10/2013 10:22 AM EST
Khamiis, Oktoobar 10, 2013 (HOL) — Ciidamada Soomaaliya iyo kuwa dalka Itoobiya ee ku sugan degmada degmada Bardaale ayaa Maanta la wareegay deegaanka Qansax-Oomane oo 24-km u jira degmada Bardaale, halkaasoo ay ku sugnaayeen xoogagga Alshabaab.

10/10/2013 9:10 AM EST
Khamiis, Oktoobar 10, 2013 (HOL) — Hay’adda Bisha Case ee Turkiga ayaa sheegtay maanta oo Khamiis ah in lacag gaaraysa 350,000 oo doollar oo gargaar ahaan ugu socotay Soomaaliya ay haystaan ciidamada Kenay.

10/10/2013 9:02 AM EST
Khamiis, October 10, 2013(HOL) :- Iyadoo dhawaan la filayo in magaalada Baladweyne ee xarunta gobolka Hiiraan ay ka dhacdo doorashada maamulka gobolka Hiiraan taasoo ay qabanqaabadiisu imika socoto ayaa waxaa isu soo taagay xilka gudoomiyaha maamulka gobolka Hiiraan Injineer C/casiis Axmed oo kamid ah qurba joogta kasoo jeeda gobolka Hiiraan ee dalka Switzerland.

10/10/2013 8:55 AM EST
Khamiis, Oktoobar 10, 2013 (HOL) — Ra’iisul wasaaraha KMG ah ee dalka Liibiya ayaa lasii daayay, kaddib markii kooxo hubeysan ay saakay aroortii kala baxeen hoteel uu ka degenaa magaalada Tripoli ee xarunta dalkaas.

10/10/2013 8:47 AM EST
Khamiis, Oktoobar 10, 2013 (HOL) — Hay’adaha CRD iyo DAN GUUD oo hoos-tagta maamulka gobolka Banaadir ayaa maanta Muqdisho ugu soo gabagabeeyay dhallinyaro Soomaaliyeed tababar dhinaca muusiga ah, kaasoo noqonaya tababarkii ugu horreeyay muddo 30-sano ah la siiyo dhallinyaro Soomaaliyeed, waxaana dhallinyarada tababarkan ku guuleysatay ay isugu jireen wiilal iyo gabdho.

10/10/2013 7:29 AM EST
Khamiis, Oktoobar 10, 2013 (HOL) — Dowladda Soomaaliya ayaa ka digtay dhibaatada nolosheed ka dhalan karta xayiraadda uu bangiga Barclays ee dalka Britain uu kusoo rogay xawaaladaha Soomaalida.

10/10/2013 7:13 AM EST
Khamiis, Oktoobar 10, 2013 (HOL) — Al-Shabaab ayaa sheegtay inaan laga dhoofin karin dhuxusha dekedda magaalada Kismaayo, iyadoo uga digtay ganacsatada dhuxusha inay dhuxul ka dhoofiyaan dekedda Kismaayo.

10/10/2013 7:05 AM EST
Khamiis, Oktoobar 10, 2013 (HOL) — Ciidamada dowladda Soomaaliya ayaa weeraray tuulo la yiraahdo Ceeldhuun-Adeegow oo 45-km u jirta magaalada Baydhabo ee xarunta gobolka Bay, deegaankaas oo ay gacanta ku haysay Al-shabaab waxaana marta waddo oo xiriirisa Waajid iyo Baydhabo.

10/10/2013 2:04 AM EST
Khamiis, Oktoobar 10, 2013 (HOL) — Kooxo hubeysan ayaa saakay hoteel uu deggenaa ka afduubay ra’iisul wasaaraha KMG ah ee dalka Liibiya, Cali Zeydan iyadoo afduubku uu ku dhacay si nabadgalyo ah.